Yohana 18:20 - Maləmce Məfele mala Ɓakuli: Kurcau Məbəshe

²⁰ Yesu banggi wi ama, “Acau mem ngga ǝn nea bwāng a ɓadǝm ɓwapǝndǝa kat. Sǝ ko aya pwari ka mǝ ndaban kanigir arǝ ndakpapi andǝ Ndàmǝgule mala Ɓakuli, ban rambǝa mala amǝ Yahudi. Ən na kǝ cau aɓa sǝmbǝrǝa ɗang.

Yohana 18:20 ပူးပေါင်းရင်းမြစ်များ

Matiu 24:26

Ɓǝ̀ kǝɓwa na wun ama, “Kǝrǝsti na ko a ɓabondo ka,” ce wu kyan ɗang; ko ɓǝa na ama, “Ndya sǝmbǝrǝa a ɓakurǝm ngga,” wu kǝa earnǝi ɗang.

Matiu 26:55

Yesu nê ɓwabunda mǝnana yiua bwale ka ama, “Wu yiu nǝ anggea-byau andǝ agara ace bwalam kǝla mǝ nda mǝyàl-nzongcau? Ko aya pwari ka ǝn nggǝ do aɓa Ndàmǝgule mala Ɓakuli aban kanigir, sǝ wu bwalam ɗang.

Matiu 26:65

Kara Pǝris mǝgule bwal daura male sanni sǝ na ama, “Nyesǝna ɓamuri kǝla Ɓakuli! Ya cau nani sǝm alkiyite amuri nǝ̀ kuti mǝnia? Wu ongŋǝna cau ɓǝsǝki Ɓakuli mǝnana pur a kuni ka.

Matiu 4:23

Yesu gya aɓa nzali Galili kat kǝ kanigir aɓalǝ andakpapi mala amǝ Yahudi, sǝ kǝ hamnǝ Cau Amsǝban mala Domurǝm mala Ɓakuli amur aɓwana. Twalî aɓwana ban ambalang arǝpangŋa andǝ akwano kat.

Matiu 9:35

Yesu gya arǝ anggea-là andǝ amuna-là kat, aban kanigir aɓalǝ andakpapi mala amǝ Yahudi, kǝ hamnǝ Cau Amsǝban mala Domurǝm mala Ɓakuli, sǝ kǝ twalban akwano andǝ arǝpangŋa kat.

Markus 8:32

Banggia wia mǝnia yì cau ka bwāng. Pǝlǝa Bitǝrus tunǝi a nkanggariban, gimbi arǝ cau mǝnana ne ka.

Luka 21:37

Ko aya pwari ka Yesu na aban kanigir aɓa Ndàmǝgule mala Ɓakuli, sǝ nǝ pwarikpana ka nǝ̀ o a múr mǝ'nkono mǝnana à tunǝki ama Nkono Olif ka nǝ̀ ngga nong nggam.

Luka 4:15

Kanigir arǝ andakpapi malea, sǝ koyan ngga ɓwangsǝki.

Yohana 18:21

Sǝ ace man sǝ à kǝ ɗikiam? Ɗi ka aɓwana mǝnana à ok cau mana ǝn na ka. Yia ka à surǝna rǝ cau mǝnana ǝn na ka.”

Yohana 6:59

Yesu banggí amǝnia yì acau ka, mǝnana nda aban kanigir aɓa ndakpapi mala amǝ Yahudi aɓa Kapanahum ngga.

Yohana 7:14

Lang à warina ɗār aɓa Lamsan, à gauwuni a tsuru ka, Yesu kutio aɓa Ndàmǝgule mala Ɓakuli, pǝlǝa tita kani aɓwana gir.

Yohana 7:26

Sǝ ndya came kǝ na cau a banfana ka, sǝ kǝɓwa loasǝ kun a rǝì ɗang. Ko aɓwana-mǝgule ka, à earǝna adyan ama mǝsǝcau yì ka, nda Kǝrǝsti, yì ɓwa mǝnana Ɓakuli tarrì ka le?

Yohana 7:28

Mǝnana Yesu na ban kanigir aɓa Ndàmǝgule mala Ɓakuli ka, loasǝ gi kpǝm na ama, “Kàngkàng wu surǝam andǝ ban mǝnana ǝn pur kam ngga? Mim ngga ǝn yiu ace cau mala ɓamuram ɗang. Tárram mǝnana tasǝam ngga mǝ'mǝsǝcau na. Wun ngga wu surǝì ɗang.

Yohana 7:4

Kǝɓwa pà kàm mǝnana kǝ earce ɓǝ̀ aɓwana surǝì, sǝ nǝ̀ nggǝ pakki aturo aɓa sǝmbǝrǝa ka ɗang. Sǝ acemǝnana a kǝ pakki amǝnia yì agir ka, puro lǝmndǝ rǝo ɓǝ̀ ɓanza surǝo.”

Yohana 8:2

Ban fana nǝ tadǝmbari ka, nyare wario a Ndàmǝgule mala Ɓakuli. Sǝ ɓwapǝndǝa yiu rambǝa abani, pǝlǝa do tita kania wia gir.

Yohana 8:26

Mǝ ndanǝ acau pas amur wun, mǝnana mǝ nǝ ɓashia wun nǝia ka, sǝ pa mǝ nǝ pe ɗang. Tárram mǝnana tasǝam ngga mǝ'mǝsǝcau na, sǝ ǝn nggǝ ne ɓanza gir mǝnana ǝn o a kuni ka.”

Amǝ Mishan 26:26

Murǝm Agǝripa! Mǝ nǝ gandǝ no cau ɓangciu pa a rǝam ɗang, acemǝnana we ka a surǝna cau mala amǝnia yì agir ka. Mǝ ndanǝ sǝlǝe kàngkàng ama kǝ mwashat pà kàm aɓalǝ agir mǝnia ka, mǝnana api sǝlǝ mo kà, acemǝnana à pea a kanggari ban ɗang.