Yohana 18:11 - Maləmce Məfele mala Ɓakuli: Kurcau Məbəshe

¹¹ Yesu banggi Bitǝrus ama, “Nyesǝ nggeabyau mo oasǝi a nde! A kǝ sǝni kǝla pa mǝ nǝ nu kwap mala tanni mǝnana Tárram pam ama ɓǝn nu ka re?”

Yohana 18:11 ပူးပေါင်းရင်းမြစ်များ

Matiu 20:22

Yesu nyesǝia wia ama, “Wu surǝ gir mǝnana wu zǝmnggi ka ɗang. Wu nǝ̀ gandǝ nu tanni mǝnana ado mǝ nǝ nu ka le?” À ear ama, “E, sǝm nǝ̀ gandǝi.”

Matiu 26:39

Tùr a dǝmbǝa bǝti ka, kya kumsǝ nǝ ɓamǝsǝi a nzali, pak hiwi ama, “Dâ, ɓǝ̀ a wu nǝ ear ka, twalam mǝnia yì tanni ka. Sǝa ma mani ka gir mǝnana bumo kànì ka nda, mem na ɗang.”

Matiu 26:42

Nyar ɗǝm o kya pak ɓaria hiwi ama, “Dâ, ɓǝ̀ mǝnia yì tanni ka a pà nǝ́ twalami raka, she ɓǝ̀ ǝn nuni ka, kànì mo ɓǝ̀ pa.”

Luka 12:30

Amǝɓanza ka à kǝ ɓangŋa ata mǝnia yì agir kat ka. Sǝ Tar wun sǝlǝna ama wu kǝ earce amǝnia yì agir ka.

Luka 22:42

ama, “Dâ, ɓǝ̀ a wu nǝ ear ka, twalam mǝnia yì kwap mala tanni ka: sǝ mǝnia ka kane mem ma ɗang, ɓǝ̀ do ama kane mo na.”

Yohana 15:10

Ɓǝ̀ wu kpata anzongcau mem ngga, wu nǝ̀ do aɓa earcearǝu mem, kǝla mǝnana ǝn kpata anzongcau mala Tárram sǝ ǝn do aɓa earcearǝu male ka.

Yohana 17:24

Dâ! Ən nggǝ earce nǝma aɓwana mǝnana a pamia ka, ɓǝa do atam aban mǝnana mǝ nda kam ngga; sǝ ɓǝa sǝn gulo mem mǝnana a pam, acemǝnana a kǝ earcem sǝ a yi pusǝ ɓanza ka.

Yohana 18:36

Yesu eare ama, “Domurǝm mem ngga mala ɓanza mǝnia na ɗang. Ɓǝ̀ pǝlǝ ama mala ɓanza man na ka, ɓǝ́ amǝkpatam nǝ̀ munǝo acem, à pà nǝ̀ eari aɓwana-mǝgule mala amǝ Yahudi ɓǝà bwalam ɗang. Awo, domurǝm mem ngga mala ɓanza man na ɗang.”

Yohana 20:17

Yesu ne wi ama, “Ce a kúr a rǝam ɗang, acemǝnana ǝn malaká nyar aban Tárram a kuli peatu ɗang. Ado ka, kyane aban amǝ'eambǝam, alaggana mem, kya banggia wia ama, Mǝ ndo mǝ nǝ nyare aban Tárram, mǝnana nda Tárria ka, aban Ɓakuli mem, mǝnana nda Ɓakuli malea ka.”

2 Amǝ Korinti 10:4

Agirbura mǝnana sǝm munǝkiyi nǝia ka, agirbura mala ɓanza na ɗang; agirbura ma'sǝm ngga à ndanǝ rǝcandǝa mala Ɓakuli ace kiɗiki akanggǝrang-ban mala aɗenyicau mǝɓane mala ɓwapǝndǝa, andǝ amakgir mǝ'nyirì.

2 Amǝ Korinti 6:7

Sǝm nggǝ hamnǝ mǝsǝcau nǝ ɓabum kat, sǝ nǝ rǝcandǝa mala Ɓakuli aban pakturo aɓalǝ sǝm. Sǝm nggǝ pakturo nǝ ɓealɓoarna ma'sǝm kǝla agirbura a bu sǝm mǝli ace ká nǝ munǝo, sǝ a bu sǝm mǝnggare ace mgbali agirbura.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.