Yohana 17:3 - Maləmce Məfele mala Ɓakuli: Kurcau Məbəshe

³ Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 17:3 ပူးပေါင်းရင်းမြစ်များ

Markus 9:37

“Ɓwa mǝnana ak muna kǝla mǝnia aɓa lullǝam ngga, Mǝ nda akiyiam ngga. Sǝ ɓwa mǝnana em ngga, Mǝ nda akiyiam nǝmurǝam ngga ɗang, nda ban ak Tárram mǝnana tasǝam ngga.”

Luka 9:48

sǝ nea wia ama, “Koyana sǝ ɓǝ̀ ak muna kǝla mǝnia ace lullǝam ngga, angŋǝnam, sǝ ɓwa mǝnana em ngga, angŋǝna Tárram mǝnana tasǝam ngga. Ɓwa mǝnana kutibanì kat a nongsǝmuru aɓalǝ wun ngga, nda ɓwamǝgule ma'wun kat.”

Yohana 10:36

ace mana sǝ wu twali ama cau ɓǝsǝki Ɓakuli na ǝn na ka, mǝnana ǝn bang nǝma “Mǝ nda Muna mala Ɓakuli,” yì mim mǝnana Ɓakuli taram sǝ tasǝam a ɓanza ka?

Yohana 11:42

Ən sǝlǝna nǝma ko aya pwari ka a kǝ oem, sǝ ado ka ǝn na mǝnia yì cau ka ace aɓwana man kani ka, ace mǝnana ɓǝa ear ama a nǝ̀ turam.”

Yohana 14:26

Sǝ Mǝ pa wun gbasha, yì Bangŋo Mǝfele, mǝnana Tárram nǝ̀ tasǝi aɓa lullǝam ngga, nǝ̀ yia kania wun agirbunda kat, sǝ nǝ̀ kasǝ ɓalǝ wun arǝ agir mǝnana kat, ǝn bangga wun ngga.

Yohana 17:18

Kǝla mǝnana a turam aɓa ɓanza ka, anggo gbal sǝ ǝn nggǝ turia aɓa ɓanza.

Yohana 17:21

Ən nggǝ pak hiwi nǝma yia kat ka ɓǝa duk mwashat, kǝla mǝnana mim sǝnǝ we, sǝm nda mwashat ka. Dâ, kǝla mǝnana a nda a ɓalǝam, sǝ mǝ nda a ɓalǝo ka, yia gbal ka ɓǝa do aɓalǝ sǝm, ace mǝnana ɓanza ɓǝ̀ eare ama a nǝ turam ngga.

Yohana 17:23

Mim sǝnǝia ka sǝm nda mwashat, sǝ mim sǝnǝ we ka sǝm nda mwashat. Cia, ɓǝa kum ulang mǝnia yì dotarǝu mǝɓoarne ka aɓalǝia, ace mǝnana amǝɓanza ɓǝa sǝlǝ ama a nǝ turam, sǝ ɓǝa sǝlǝ gbal ama a kǝ earcea kǝla mǝnana a kǝ earcem ngga.

Yohana 17:25

We Dâ Mǝ'cauɓoarna! Ɓanza surǝo ɗang, sǝ mim ngga ǝn surǝo, sǝ amǝnia yì alaggana mem ngga, à sǝlǝna ama a nǝ turam.

Yohana 17:8

Ən pania wia cau mǝnana a pam ngga, sǝ yia gbal ka à angŋǝni; à sǝlǝna ama mǝsǝcau na ǝn pur abano, sǝ à earǝna ama a nǝ̀ turam.

Yohana 3:17

Ɓakuli tasǝ Muni ɓǝ̀ yì ɓashì ɓanza ɗang, tasǝì ɓǝ̀ yì amsǝ ɓanza.

Yohana 3:34

Ɓwa mǝnana Ɓakuli turi ka, kǝ na gì Ɓakuli, acemǝnana Ɓakuli soapi wi Bangŋo male pupup.

Yohana 5:44

Lang sǝ wun nǝ̀ earnǝ mim, yi mǝnana wu kǝ earce ak ɓwangsǝban arǝarǝ wun, sǝ wu kǝ ɓariki ama wu nǝ̀ kum ɓwangsǝban aban ɓwa mǝnana yì mwashat nda Ɓakuli ka ɗang?

Yohana 6:57

“Kǝla mǝnana Tárram mana nǝ yilǝmu ka turam, sǝ àtàcau male sǝ ǝn dum nǝ yilǝmu ka, anggo gbal ɓwa mǝnana li nyam nggūrǝam ngga nǝ̀ dum nǝ yilǝmu àtàcau mem.

Yohana 7:29

Mim ngga ǝn surǝì, acemǝnana abani sǝ ǝn puro, sǝ yì nǝ̀ turam.”

Yohana 8:19

Sǝ à ɗi ama, “Tarró na ake?” Pǝlǝa Yesu earia wia ama, “Wu surǝam ɗang, sǝ wu surǝ Tárram ɗang. Ɓǝ̀ wu surǝna rǝam ngga, ɓǝ̀ wu surǝna rǝ Tárram gbal.”

1 Amǝ Korinti 15:34

Wu nyare aɓa ɗenyicau ma'wun, sǝ wu bwaki bu wun arǝ cauɓikea. Aɓea ɓwana ata wun, à surǝ Ɓakuli ɗang. Ən bang mǝnia ka ace ɓǝ̀ wu kum kǝsǝkya.

1 Amǝ Korinti 8:4

Ace mani ka, amur cau mala li girlina mǝnana à ɗarǝna ankúl nǝi ka, sǝm sǝlǝna ama kǝ nkúl pà kàm a ɓanza mǝnia mǝnana à nǝ̀ na kàngkàng ama ndanǝ yilǝmu ka ɗang. Sǝ Ɓakuli ka, kǝ nda mwashat, kǝ ɓe pà kàm ɗang.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

Amǝ Filipi 3:10

Ən nggǝ earce surǝ Kǝrǝsti andǝ rǝcandǝa mǝnana loasǝi a ɓembe ka. Ən earǝna mǝ kum kāmbe mem aɓa nu tanni ate, mǝ nǝ wú a cau male,

Amǝ Filipi 3:8

Sǝ kǝgir pà kàm à nǝ̀ kani arǝ surǝ Kǝrǝsti Yesu Mǝtalem ɗang. Ən nying girbunda kat ace cau male. Ən sukkinia, ǝn twalia à pà a kun kǝgir ɗang, ace mǝnana ɓǝ̀ ǝn kum Kǝrǝsti,

1 Amǝ Tasalonika 1:9

Aɓwana nǝ ɓamuria na à cama rǝ na cau mala agir mǝɓoarne mana wu pak kat ace ak sǝm, mana sǝm waria sǝn wun ngga. À bang ce vwakibu ma'wun arǝ ankúl ace kpata Ɓakuli mǝ'mǝsǝcau nì andǝ mǝyilǝmuì.

2 Amǝ Tasalonika 1:8

Nǝ̀ yia ɓasha aɓwana mǝnana kat à surǝ Ɓakuli raka, andǝ amana à ɓinǝ kpata Cau Amsǝban mala Mǝtala sǝm Yesu ka.

Amǝ Ibǝru 3:1

Ace mani ka, wun amǝ'eamrǝarǝu mǝnana Ɓakuli tária ɓǝa duk amale, sǝ à kum tunǝban mǝ'mwashati ata aɓwana male ace ká kuli ka, ɓǝ̀ sǝm nyesǝ ɗenyicau ma'sǝm aban Yesu. Yì nda ɓwa mǝnana Ɓakuli tasǝi ɓǝ̀ yì duk Pǝris Mǝgule mala paɓamuru mǝnana sǝm bangŋǝna ama nda sǝm kpakiyi ate ka.

2 Bitǝrus 1:2

Ɓǝ̀ Ɓakuli pa wun ɓwamuru andǝ dorǝpwala kam kpǝm nǝ lidǝmbǝa ma'wun aɓa surǝ Ɓakuli andǝ Yesu Mǝtala sǝm.

2 Bitǝrus 1:3

Ɓakuli aɓa rǝcandǝa male ka pana sǝm koyagir mǝnana ɓoaro ɓǝ̀ sǝm pang nǝi ace do yilǝmu andǝ do ɓanggi Ɓakuli ka. Amǝnia yia agir ka Ɓakuli pà sǝmia kat lang sǝm yì surǝ Yesu mǝnana tunǝ sǝm ɓǝ̀ sǝm kum kāmbe aɓa gulo andǝ ɓoaro male ka.

2 Bitǝrus 1:8

Ɓǝ̀ wu ndanǝ amǝnia yì aɓealǝu, sǝ à nǝ̀ nggǝ gul aɓalǝ wun ngga, pa wu nǝ̀ gatti aɓalǝ aturo ɗang, sǝ surǝgir ma'wun amur Mǝtala sǝm Yesu Kǝrǝsti ka, nǝ̀ duk gir mǝɓoarne andǝ gbasha aban aɓwana.

1 Yohana 1:2

Mǝnia yì ɓwa mǝnana nda yilǝmu nǝ nggearǝì ka, yi pusǝrǝi, sǝ sǝm sǝnǝni. Sǝ ado ka sǝm na ce sǝ sǝm hamba wun ama yì ka, nda yilǝmu mǝnana málá male pà kàm raka. Yì ka, à nda a tarǝia andǝ Ɓakuli Tarrû, sǝ yi pusǝrǝi aban sǝm.

1 Yohana 1:3

Sǝm nggǝ na wun ce gir mǝnana mǝsǝ sǝm sǝni, sǝ kir sǝm oe ka, ace mǝnana wun gbal ka ɓǝ̀ wu kum dotarǝu nǝ sǝm. Sǝ dotarǝu ma'sǝm ngga, sǝm nda andǝ Ɓakuli Tarrû, andǝ Muni, Yesu Kǝrǝsti.

1 Yohana 2:23

Ɓwa mǝnana ginǝ eare ama Yesu nda Muna mala Ɓakuli ka, ginǝna Ɓakuli Tarrû, sǝ ɓwa mǝnana earnǝi ama Yesu nda Muna mala Ɓakuli ka, earǝna nǝ Ɓakuli Tarrû gbal.

1 Yohana 4:6

Sǝ sǝm ngga, sǝm ndaka mala Ɓakuli. Aɓwana mǝnana a mala Ɓakuli na ka, à kǝ ok sǝm. Sǝ aɓwana mǝnana a mala Ɓakuli na raka, à kǝ ok sǝm ɗang. Anggo sǝ sǝm surǝ gir mǝnana gakita Bangŋo mǝ'mǝsǝcau nì andǝ mǝ'nyirì ka.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.