Yohana 17:26 - Maləmce Məfele mala Ɓakuli: Kurcau Məbəshe

²⁶ Ən lǝmndǝnia wia rǝo, sǝ mǝ nǝ lidǝmbǝa nǝ lǝmndǝia wia rǝo ɗǝm, ace mǝnana earcearǝu mana a ndanǝi a rǝam ngga ɓǝ̀ do aɓalǝia, sǝ mim ngga mǝ nǝ duk gbal aɓalǝia.

Yohana 17:26 ပူးပေါင်းရင်းမြစ်များ

Yohana 14:20

Ɓǝ̀ pwarî mǝno yina ka, wu nǝ̀ sǝlǝ ama mǝ nda aɓa Tárram, sǝ wun ngga wu nda a ɓalǝam, sǝ mǝ nda aɓalǝ wun.

Yohana 14:23

Yesu eari wi ama: Ɓwa mǝnana kat earcem ngga, nǝ̀ kpata kanigir mem, Tárram nǝ̀ earce, sǝ mim sǝnǝ Tárram ka, sǝm nǝ̀ yiu abani sǝm nǝ̀ do ate.

Yohana 15:15

Pa mǝ nǝ tunǝ wun ɗǝm ama aguro ɗang, acemǝnana guro ka surǝ gir mǝnana mǝtala-ɓala male kǝ pak ka ɗang. Ado ka, wu ndaka gyajam mem, acemǝnana ǝn nanà wun gir mana kat ǝn ok a kun Tárram ka.

Yohana 15:4

Wu do a ɓalǝam sǝ mim ngga mǝ nǝ do aɓalǝ wun. Kǝla mǝnana bu-nggun anap pà nǝ̀ gandǝ pa ɓǝle nǝmurǝì raka, she ɓǝ̀ dumǝna aɓa nggea ngguni ka, anggo gbal sǝ wun ngga pà wù nǝ̀ gandǝ pa ɓǝla wun ɗang, she ɓǝ̀ wu dumǝna a ɓalǝam ngga.

Yohana 15:9

Kǝla mǝnana Tárram kǝ earcem ngga, anggo sǝ ǝn nggǝ earce wun. Wu do aɓa earcearǝu mem.

Yohana 17:23

Mim sǝnǝia ka sǝm nda mwashat, sǝ mim sǝnǝ we ka sǝm nda mwashat. Cia, ɓǝa kum ulang mǝnia yì dotarǝu mǝɓoarne ka aɓalǝia, ace mǝnana amǝɓanza ɓǝa sǝlǝ ama a nǝ turam, sǝ ɓǝa sǝlǝ gbal ama a kǝ earcea kǝla mǝnana a kǝ earcem ngga.

Yohana 17:6

Ən lǝmndǝni aɓwana mǝnana a pam mia a ɓanza ka rǝo. Yia ka amo na. A nǝ̀ pam mia, sǝ à kpanata cau mo.

Yohana 17:8

Ən pania wia cau mǝnana a pam ngga, sǝ yia gbal ka à angŋǝni; à sǝlǝna ama mǝsǝcau na ǝn pur abano, sǝ à earǝna ama a nǝ̀ turam.

Yohana 6:56

Ɓwa mǝnana kat li nyam nggūrǝam, sǝ nu nkilem ngga, nda aban do a ɓalǝam, sǝ mim gbal mǝ ndanǝ do a ɓalǝi.

Yohana 8:50

Ən pa aban alita ɓamuram gulo ɗang. Tárram na kǝ alamta gulo ka, sǝ yì nda ɓwa mǝnana pakkiyi ɓashi mǝ'mǝsǝcau nì ka.

Amǝ Roma 8:10

Sǝ ɓǝ̀ Kǝrǝsti na a ɓabum wun, kat andǝ amani ama nggurǝ wun ngga lú na ata cau mala cauɓikea ka, Bangŋo kǝ tsǝa ɓǝ̀ wu dum nǝ yilǝmu, acemǝnana à gilǝkina nre wun wunǝa Ɓakuli.

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

1 Amǝ Korinti 12:12

Nggurǝ ɓwapǝndǝa ka ndanǝ abare pas, sǝ amǝnia yì abare pas ka, à yì dapi à duk nggūrǝu mǝ'mwashati. Anggo gbal sǝ Kǝrǝsti pa.

Amǝ Galati 2:20

À gballìnam amur nggun-gangndi sǝnǝ Kǝrǝsti. Mǝ nda mǝnana ɗǝm nǝ yilǝmu ka ɗang, Kǝrǝsti nda mǝnana ado dukiyi a ɓalǝam ngga. Do mem aɓa nggūrǝu mala ɓanza ka, ǝn dum nǝ paɓamuru aban Muna mala Ɓakuli mǝnana earcem, sǝ paɓamuri acem ngga.

Amǝ Afisu 1:6

Ace mani ka, sǝm nggǝ ɓwangsǝ Ɓakuli ace ɓwamuru male mǝgule mǝnana soapa sǝm mi amur sǝm, sǝm aɓwana mǝnana sǝm nda ka mala Muni mǝnana earkiyi ace raka.

Amǝ Afisu 3:17

Anggo ka sǝ Kǝrǝsti nǝ̀ do a ɓabum wun, nǝ paɓamuru ma'wun abani. Sǝ wun ngga, wu nǝ̀ cam kàngkàng aɓa earcearǝu male, kǝla mǝnana nlerǝ nggun ko kpǝm aɓa nzali cam kàngkàng ngga.

Amǝ Afisu 5:30

Sǝ sǝm ngga, sǝm nda ka abare nggūrǝ Kǝrǝsti.

Amǝ Afisu 5:32

Mǝnia ka, nggea gir sǝmbǝrǝa mǝgule na, mǝnana à pusǝ ɓālǝi aban aɓwana ɗiɗyal raka, sǝa ma mǝ ndarǝ bangŋa ama, mǝnia yì cau ka, à nda rǝ kani arǝ Kǝrǝsti andǝ ikǝlisiya.

Amǝ Kolosi 1:27

Ɓakuli earnace ɓǝa aɓwana male sǝlǝ ce gulo andǝ kume mana aɓa mǝnia yì cau-ɓa-sǝmbǝrǝa, mǝnana ndanǝi ace aɓwana mana amǝ Yahudi na raka. Sǝ mǝnia yì cau-ɓa-sǝmbǝrǝa ka nda mǝnana ama: Kǝrǝsti na aɓalǝ wun, sǝ ace mǝno ka wu ndanǝ tsǝkɓalǝu mala kum kāmbe aɓa gulo mala Ɓakuli.

Amǝ Kolosi 2:10

Sǝ wun gbal ka, wu lumsǝna ace dotarǝu ma'wun wunǝa Kǝrǝsti, yì ɓwa mǝnana nda amur amǝ'yalmuru andǝ amǝ-gara kat ka.

Amǝ Kolosi 3:11

Aɓa mǝnia yì bǝsa yilǝmu ka, gakitacau pà kàm ɗǝm ɗang ama mǝnia ka ɓwa Yahudi na, sǝ mǝnia ka ɓwa ɓe nzali na, mǝnia ka kasǝ ɓate sǝ mǝnia ka kasǝ ɓate ɗang. Kǝ cau pà kàm ɗǝm ama mǝnia ka surǝgir ɗang, ko mǝnia ka ɓwa kunɗangna na, ko man ngga guro na, ko mǝno ka ndanǝ do ɓamuri ka ɗang. Kǝrǝsti ka nda ko mana le ka, sǝ nda mǝnana do a ɓabum sǝm kat ka.

2 Amǝ Tasalonika 2:16

Sǝm nggǝ zǝmbǝa ama Mǝtalabangŋo Yesu Kǝrǝsti nǝ ɓamuri, andǝ Ɓakuli Tar sǝm ɓǝ̀ ɓak ɓabum wun sǝ ɓǝ̀ pa wun rǝcandǝa mala pě andǝ nê mǝɓoarne. Ɓakuli ka lǝmndǝna sǝm earcearǝu, sǝ aɓa ɓwamuru male ka, pana sǝm girikiban mǝnana málá male pà kàm raka, andǝ tsǝkɓalǝu mǝgule.

Amǝ Ibǝru 2:12

Yì ka, ne Ɓakuli ama, “Mǝ nǝ hamnǝ lullǝo aban amǝ'eambǝam; mǝ nǝ ɓwangsǝo aɓalǝ aɓwana mo mǝnana à ram ngga.”

1 Yohana 3:24

Aɓwana mǝnana à kǝ kpata anzongcau mala Ɓakuli ka, à nda aɓa dotarǝu andǝa Ɓakuli, sǝ Yì Ɓakuli ka nda aɓa dotarǝu andǝia. Ani sǝ sǝm sǝlǝ ama Ɓakuli ka nda aɓa dotarǝu nǝ sǝm: Sǝm sǝlǝa nǝ Bangŋo male mǝnana pa sǝm ngga.