Yohana 17:15 - Maləmce Məfele mala Ɓakuli: Kurcau Məbəshe

¹⁵ Ən pa aban zǝmbǝa nǝma wu pusǝia, ɓǝa nying ɓanza ɗang. Mǝ nda aban zǝmbǝa ama, wu bwalia, ɓǝa ká kuti a ɓabu Shetan, mǝɓealɓikea ɗang.

Yohana 17:15 ပူးပေါင်းရင်းမြစ်များ

Matiu 5:37

Ɗeki “E” mo ɓǝ̀ duk “E,” sǝ “Awo” mo ɓǝ̀ duk “Awo”; ɓǝ̀ wori mǝnia ka pur nǝ ban Mǝɓealɓikea.

Matiu 6:13

Bwala sǝm ɓǝ̀ sǝm kǝa kuti aɓa karǝkiban ɗang, amsǝ sǝm a bu Mǝɓealɓikea. [Domurǝm, andǝ rǝcandǝa, andǝ gulo ka amo na kat, mana masǝlǝate pà kàm raka, Amin.]”

Luka 11:4

Twala sǝm ban acauɓikea ma'sǝm, kǝla mana sǝm gbal ka sǝm nggǝ twali aɓwana mǝnana à kǝ pakka sǝm cauɓikea, banì ka. Kǝa ká nǝ sǝm aɓa karǝkiban ɗang.’ ”

Luka 22:32

Sǝ mim ngga ǝn pangŋa hiwi aceo we Shiman, ace mǝnana paɓamuru mo ɓǝ̀ kǝa kpa ɗang. Sǝ ɓǝa longŋa ka, ɓak ɓabum amǝ'eambǝo.”

Amǝ Galati 1:4

Yesu pa yilǝmi ace acauɓikea ma'sǝm, kǝla mǝnana Ɓakuli Tar sǝm kani ka, ace mǝnana ɓǝ̀ amsǝ sǝm, a bu mǝnia yì nza mǝɓealɓike sǝm nda a ɓalǝi ka.

2 Amǝ Tasalonika 3:3

Sǝ Mǝtalabangŋo ka, à nǝ̀ guli a rǝì. Nǝ̀ pa wun rǝcandǝa, nǝ̀ yal wun a bu yì Mǝɓealɓikea.

2 Timoti 4:8

Sǝ ado ka, tangnakusǝam, yì jeko mala turo-cauɓoarna ka, nda rǝ kundǝam, mǝnana Mǝtalabangŋo, Mǝɓashi aɓa mǝsǝcau nǝ̀ pam a Pwari nyare male ka. Sǝ tangnakusǝu man ngga pa acem nǝmurǝam ɗang, nda gbal acea aɓwana mǝnana kat à kǝ earce yiu male ka.

1 Yohana 5:18

Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.

1 Yohana 5:19

Sǝm sǝlǝna ama sǝm ndaka amuna mala Ɓakuli, sǝ sǝm sǝlǝna gbal ama acili aɓwana a ɓanza kat ka à nda ɓata rǝcandǝa mala Mǝɓealɓikea.