Yohana 17:11 - Maləmce Məfele mala Ɓakuli: Kurcau Məbəshe

¹¹ Ado ka mǝ ndo mǝ nǝ nying ɓanza, mǝ nǝ nyare abano, sǝ yia ka à ndakani a ɓanza piu. Dâ Ɓakuli Mǝfele! Yalia, nǝ rǝcandǝa mala lullǝo mǝnana a pam ngga, acemǝnana yia ka ɓǝa duk mwashat kǝla mǝnana sǝm nda mwashat sǝnǝ we ka.

Yohana 17:11 ပူးပေါင်းရင်းမြစ်များ

Matiu 10:16

Mǝ ndya ǝn nggǝ tur wun kǝla anzur aɓalǝ anvwa bondo. Ace mani ka wu dum nǝ sǝlǝe kǝla an'yau, sǝ wu pak ɓukɓuk kǝla akutu.

Matiu 5:48

Ace mǝno ka wu lumsǝ nǝ cauɓoarna kǝla mǝnana Tar wun mana a kuli ka lumsǝ nǝ cauɓoarna ka.

Matiu 6:9

Ani ka, sǝ wu nǝ̀ pak hiwi: “We Tár sǝm mǝnana a kuli ka, ɓǝ̀ lùllǝo kum gulo.

Yohana 13:1

Ué bǝti à nǝ̀ tita Lamsan Yalimuru, sǝ Yesu sǝlǝna ama bu-pwari male yina mǝnana nǝ̀ nying ɓanza nǝ̀ o aban Tarrí ka. Yì ka, earnace aɓwana male mǝnana à nda a ɓanza man ngga, sǝ ado ka lǝmndǝia wia earcearǝu mǝnana malkiyi raka.

Yohana 13:3

Yesu sǝlǝna ama Ɓakuli Tarrû pani wi rǝcandǝa amur agir kat, sǝ sǝlǝna gbal ama pur nǝban Ɓakuli, sǝ ndo nǝ̀ nyare nǝ̀ o abani ka.

Yohana 14:20

Ɓǝ̀ pwarî mǝno yina ka, wu nǝ̀ sǝlǝ ama mǝ nda aɓa Tárram, sǝ wun ngga wu nda a ɓalǝam, sǝ mǝ nda aɓalǝ wun.

Yohana 16:28

Ən pur aban Tárram sǝ ǝn yiu a ɓanza, sǝ ado ka, mǝ ndo mǝ nǝ nying ɓanza mǝ nǝ nyar aban Tárram.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Yohana 17:23

Mim sǝnǝia ka sǝm nda mwashat, sǝ mim sǝnǝ we ka sǝm nda mwashat. Cia, ɓǝa kum ulang mǝnia yì dotarǝu mǝɓoarne ka aɓalǝia, ace mǝnana amǝɓanza ɓǝa sǝlǝ ama a nǝ turam, sǝ ɓǝa sǝlǝ gbal ama a kǝ earcea kǝla mǝnana a kǝ earcem ngga.

Yohana 17:25

We Dâ Mǝ'cauɓoarna! Ɓanza surǝo ɗang, sǝ mim ngga ǝn surǝo, sǝ amǝnia yì alaggana mem ngga, à sǝlǝna ama a nǝ turam.

Yohana 17:6

Ən lǝmndǝni aɓwana mǝnana a pam mia a ɓanza ka rǝo. Yia ka amo na. A nǝ̀ pam mia, sǝ à kpanata cau mo.

Yohana 7:33

Yesu nea wia ama, “Mǝ ndakani ado ata wun zuku, sǝ mǝ nǝ nyare mǝ nǝ o aban Tárram mǝnana tasǝam ngga.

Amǝ Mishan 3:21

Dumǝna púp ama Yesu ka nǝ̀ ueo kano a kuli, ba pwari mǝnana Ɓakuli nǝ̀ nyesǝ agir kat ɓǝa pǝlǝ bǝshe, kǝla mǝnana bangce nǝ kun amǝ'ɓangna male amǝfele a pwaryan ngga.

Amǝ Roma 12:5

anggo, aɓa Kǝrǝsti ka, sǝm mǝnana sǝm nda pas ka, sǝm dumǝna nggūrǝu mwashat, sǝ sǝm nda ace rǝarǝ sǝm.

Amǝ Roma 9:17

Aɓa Malǝmce ka, Ɓakuli banggi Murǝm mala amǝ Masar ama, “Ən dumsǝo a bunomurǝm, ace lǝmndǝ rǝcandǝa mem a ɓalǝo, sǝ ɓanza kat ɓǝ̀ ok ce lullǝam.”

1 Amǝ Korinti 1:10

Ən nggǝ zǝmbǝa wun, wun amǝ'eambǝam, aɓa lullǝ Mǝtalabangŋo Yesu Kǝrǝsti, wu oaki arǝ wun, sǝ wu kǝa duk do gakitarǝu ɗang; a kun mani ka wu duk mwashat aɓalǝ wun andǝ ɗenyicau ma'wun.

Amǝ Galati 3:28

Kǝ cau pà kàm ɗǝm ama ɓwa man ngga ɓwa Isǝrayila na ko ɓwa Isǝrayila na raka ɗang, ɓwa man ngga guro na ko guro na raka ɗang, ɓwa man ngga ɓwabura na ko mɓwama na ka ɗang. Wun ado ka, wu dumǝna mwashat aɓa Kǝrǝsti Yesu.

Amǝ Afisu 4:4

Sǝm kat ka sǝm nda aɓa nggūrǝu mǝ'mwashati, sǝ Bangŋo mala Ɓakuli ka nda mwashat, kǝla mǝnana à pa wun tsǝkɓalǝu mǝ'mwashati mala tunǝban mana Ɓakuli tunǝ wun ɓǝ̀ wu duk aɓwana male ka.

Amǝ Filipi 2:9

Ace mani ka, Ɓakuli gusǝlǝi, ci a bancame mǝnana kuti aban kat ka. Sǝ pe wi lullǝu mana kar mur alullǝu kat,

Amǝ Ibǝru 1:3

Yì Muna mala Ɓakuli ka, nda tǎlaban mala ɓoarɓwa mala Ɓakuli, andǝ purban male yì Ɓakuli. Nǝ́ cau male mǝ'rǝcande sǝ bwal agirbunda kat abanɓwáná. Anzǝm mana yi langŋǝna acauɓikea ma'sǝm ngga, pǝlǝa do a kuli a bu-mǝli mala Ɓakuli mǝnana Karban kat ka.

Amǝ Ibǝru 9:24

Pà aɓa ban mǝfele mǝnana bu ɓwapǝndǝa nǝ pè ka sǝ Kǝrǝsti kuti ɗang. Mǝno ka yilǝmi gir mǝɓafoe na. Yì ka, kutio a nggearǝ kuli, ace lǝmndǝ rǝì ado a ɓadǝm Ɓakuli a kúnì sǝm.

Jemis 4:4

Wun amǝ ɗwanyi do nǝ mǝsǝcau aban Ɓakuli andǝ doɓala! Wu sǝlǝ mbo ama duk gyajam mala ɓanza ka do ɓibura na arǝ Ɓakuli? Ace mani ka ɓwa mǝnana twalo nǝ̀ pa kǝla mala amǝ'ɓealɓikea ka, dumǝna ɓimǝbura mala Ɓakuli.

1 Bitǝrus 1:5

Sǝ ata cau mala paɓamuru ma'wun ngga, Ɓakuli na rǝ yal wun nǝ rǝcandǝa male ace kum amsǝban mǝnana gilǝkini nǝ̀ yia lǝmndǝi, a masǝlǝata apwari ka.

1 Yohana 3:12

Ɓǝ̀ sǝm ngga pa kǝla Kayinu mǝnana ɓwa mala mǝɓealɓikea na, sǝ wal-lú mǝ'eambǝi Habila ka ɗang. Ace mana ɗe sǝ wal-lui? Nda acemǝnana aturo male ka amǝ ɓike na, sǝ a mala mǝ'eambǝi ka amǝɓoarne na ka.

1 Yohana 5:19

Sǝm sǝlǝna ama sǝm ndaka amuna mala Ɓakuli, sǝ sǝm sǝlǝna gbal ama acili aɓwana a ɓanza kat ka à nda ɓata rǝcandǝa mala Mǝɓealɓikea.

Yahuda 1:1

Mǝnia yì cautera ka pur nǝ bu Yahuda, guro mala Yesu Kǝrǝsti, andǝ mǝ'eam Jemis, aban ká aban aɓwana kat mǝnana Ɓakuli Tarrû tunǝia, sǝ earcea, sǝ dumsǝia aɓa yálban mala Yesu Kǝrǝsti ka.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.

Sǝna 15:4

Yana ɓwe na pà nǝ̀ ɓanggo raka? Yana ɓwe na nǝ̀ ginǝ pe lullǝo gulo, We Mǝtalabangŋo? We nǝmurǝo ɓǝrɓǝr, a nda Mǝfele. Aɓwana arǝ anzali kat, à nǝ̀ yia peri a ɓadǝmbǝo, acemǝnana aturo ɓealɓoarna mo ka, à pusǝna rǝia.”

Sǝna 19:12

Amǝsǝì na kǝla bǝsa mǝnana kǝ earki ka, sǝ a ɓamuri ka, asukuru-murǝm na kam pas. Ndanǝ lullǝu mǝnana à gilǝì a rǝì, sǝ yì nǝmurǝì na surǝ lullǝuî ka. Kǝ ɓwa pà kàm ɗǝm surǝì ɗang.

Sǝna 4:8

Ko mǝye na ata mǝnia yì agiryilǝmu ka ndanǝ abu-nyal tongno-nong-mwashat. Rǝia kat ka lumsǝ nǝ amǝsǝu a ɓalǝu andǝ nza. Du andǝ pwari à usǝlǝki ɗang, à nda mur tu nggyal ama, “Mǝfele, Mǝfele, Mǝfele nda Mǝtalabangŋo Ɓakuli mana Karmur Gulo kat, mana ndakam ɗiɗyal, ndakam ado, sǝ nda kǝ yiu ka.”