Yohana 16:3 - Maləmce Məfele mala Ɓakuli: Kurcau Məbəshe

³ À nǝ̀ pakka wun amǝnia yì agir ka acemǝnana à malaká surǝ Tárram ɗang, sǝ à malaká surǝam gbal ɗang.

Yohana 16:3 ပူးပေါင်းရင်းမြစ်များ

Luka 10:22

“Girbunda kat ka Tárram nyingŋǝnam mia a buam. Kǝɓwa surǝ koyan nda Muna ɗang, she kǝ Ɓakuli Tarrû nǝmurǝì, sǝ kǝɓwa pà kàm surǝ koyan nda Tarrû ɗang, she kǝ Muni, andǝ aɓwana mǝnana Muni tarkia ama nǝ̀ lǝmndǝi abania ɓǝa surǝì ka.”

Yohana 15:21

À nǝ̀ pakka wun amǝnia yì agir kat ka ata cau mem, acemǝnana à surǝ Tárram mǝnana tasǝam ngga ɗang.

Yohana 15:23

Ɓwa mǝnana kat ɓinǝ mǝsǝam ngga, ɓinǝna mǝsǝ Tárram gbal.

Yohana 17:25

We Dâ Mǝ'cauɓoarna! Ɓanza surǝo ɗang, sǝ mim ngga ǝn surǝo, sǝ amǝnia yì alaggana mem ngga, à sǝlǝna ama a nǝ turam.

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 8:19

Sǝ à ɗi ama, “Tarró na ake?” Pǝlǝa Yesu earia wia ama, “Wu surǝam ɗang, sǝ wu surǝ Tárram ɗang. Ɓǝ̀ wu surǝna rǝam ngga, ɓǝ̀ wu surǝna rǝ Tárram gbal.”

Yohana 8:55

Wun ngga wu surǝì ɗang, sǝ mim ngga ǝn surǝì. Ɓǝ̀ ǝn na ama ǝn surǝì raka, mǝ nda mǝ'nyir kǝla wun. Sǝ mim ngga ǝn surǝì, sǝ ǝn nggǝ kpata cau male.

Amǝ Mishan 3:17

Ado ka, wun amǝ'eamrǝarǝu, ǝn sǝlǝna ama gir mǝnana wun, wunǝa aɓwana-mǝgule ma'wun pakki Yesu ka, wu pe aɓa ɗwanyi sǝlǝe.

1 Amǝ Korinti 2:8

Kǝɓwa pà kàm aɓalǝ amurǝma mala nza man mǝnana surǝ mǝnia yì sǝlǝe ka ɗang. Ɓǝa pǝlǝa ama à surǝni ka, ɓǝ́ à gballì ma Mǝtalabangŋo mǝnana nǝ gulo kat ka ɗang.

2 Amǝ Tasalonika 1:8

Nǝ̀ yia ɓasha aɓwana mǝnana kat à surǝ Ɓakuli raka, andǝ amana à ɓinǝ kpata Cau Amsǝban mala Mǝtala sǝm Yesu ka.

1 Timoti 1:13

kat andǝ amani ama ɗiɗyal ka, ǝn zalǝki nǝ kunam, ǝn pe aɓwana male tanni, sǝ ǝn lǝmndǝì wi ɓeal ɓǝsǝkiban ngga. Sǝ Ɓakuli ka sǝn mǝsǝswatǝr mem, acemǝnana ǝn pe aɓa ɗwanyi sǝlǝe andǝ ɗwanyi paɓamuru abanì.

1 Yohana 2:23

Ɓwa mǝnana ginǝ eare ama Yesu nda Muna mala Ɓakuli ka, ginǝna Ɓakuli Tarrû, sǝ ɓwa mǝnana earnǝi ama Yesu nda Muna mala Ɓakuli ka, earǝna nǝ Ɓakuli Tarrû gbal.

1 Yohana 3:1

Wu sǝn ulang earcearǝu mǝnana Tár sǝm nani arǝ sǝm, mǝnana à nǝ̀ tunǝ sǝm ama, amuna mala Ɓakuli ka! Sǝ anggo sǝ sǝm pa! Sǝ aɓwana mǝnana amǝ ɓanza na ka, à pànǝ sǝlǝ ama sǝm ndaka muna mala Ɓakuli ɗang, acemǝnana à surǝì ɗang.

1 Yohana 4:8

Ɓwa mǝnana kat kǝ lǝmndǝ earcearǝu raka, surǝ Ɓakuli ɗang, acemǝnana Ɓakuli ka earcearǝu na.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.