Yohana 16:20 - Maləmce Məfele mala Ɓakuli: Kurcau Məbəshe

²⁰ Mǝ ndarǝ na wun mǝsǝcau: Wu nǝ̀ ɓua nǝ mǝrǝm, andǝ keban, amur gir mǝnana nǝ̀ kumam ngga, sǝ amǝ ɓanza ka à nǝ̀ pak bumpwasǝa. Wu nǝ̀ pak bumkiɗikea, sǝ bumkiɗikea ma'wun nǝ̀ yia pǝlǝ bumpwasǝa.

Yohana 16:20 ပူးပေါင်းရင်းမြစ်များ

Matiu 21:38

Lang amǝ'rya man nǝ yia sǝn muni ka, à nea rǝia ama, “Mǝliɓala nia kǝ yiu ka. Sǝm nǝ̀ yia wali ace mǝnana ɓǝ̀ ɓaban duk ma'sǝm!”

Matiu 5:4

Amǝ bumkiɗikea ka à ndanǝ tsǝkbu mala Ɓakuli, acemǝnana à nǝ̀ kum girikiban.

Markus 14:72

Banì sau ɗang, nggu ɓua ɓaria kuni. Kara ɓalǝ Bitǝrus kasǝ arǝ cau mǝnana Yesu ne wi ama, “Kaniama ɓǝ̀ nggu ɓua kuni ɓari ka, a nǝ bang kusǝ tārú ama a surǝam ɗang.” Sǝ Bitǝrus kpa ɓua.

Markus 16:10

Pǝlǝa wario kya ne aɓwana mǝnana à nda te ɗiɗyal, lang à nda ban ɓua, à nda rǝ pak bumkiɗikea ka.

Luka 22:45

Lang Yesu loapi ban hiwi ka, nyare aban alaggana male kya kumia a ntulo, acemǝnana à nda aɓa bumkiɗikea, mǝnana ɓunggi rǝia ka.

Luka 22:62

Pǝlǝa puro a nza kya ɓwa kǝrkǝr.

Luka 23:27

Ɓwabunda kǝrkǝr kpate aban o andǝ amamǝna mǝnana à kǝ ɓua, à kǝ keban ace ka.

Luka 24:17

Pǝlǝa Yesu ɗia ama, “Mana gir nì na wu nakiyia, nǝ pǝlǝki ce arǝ wun aban ká ɗe?” À go kusǝia à cam piu, ɓamǝsǝia kiɗiki.

Luka 24:21

Sǝm ndanǝ tsǝkɓalǝu ama nda ɓwa mǝnana nǝ̀ yia amsǝ amǝ Isǝrayila ka! Ɗǝm ngga tāruia nongŋo nia yalung mǝnana mǝnia yì agir kumban ngga.

Luka 6:21

Wu ndanǝ tsǝkbu mala Ɓakuli, yì wun mǝnana wu kǝ ok nzala ado ka, acemǝnana à nǝ̀ ɗǝmsǝ wun. Wu ndanǝ tsǝkbu mala Ɓakuli, wun man wu kǝ ɓua ado ka, acemǝnana wu nǝ̀ ngga oalo.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Yohana 16:6

Sǝ acemǝnana ǝn bangga wun ngga, kara wu lumsǝ nǝ bumkiɗikea.

Yohana 20:20

Lang bangŋǝna anggo ka, pǝlǝa lǝmndǝia wia anpenye mǝnana arǝ abui andǝ nkanggari ka. Alaggane lumsǝ nǝ banɓoarnado acemǝnana à sǝnǝna Mǝtalabangŋo ka.

Amǝ Mishan 5:41

Lang amǝ'mishan nying bania ka, à pak banɓoarnado, acemǝnana Ɓakuli sǝnǝnia ama à karǝna nutanni ace lullǝ Yesu.

Amǝ Roma 5:11

Sǝ mǝno na nǝmurǝì ɗang; sǝm nda aɓa banɓoarnado ace bǝsa dotarǝu ma'sǝm sǝnǝa Ɓakuli ace gir mǝnana pè nǝ bu Mǝtala sǝm Yesu Kǝrǝsti ka. Yì Kǝrǝsti ka, nda ɓwa mǝnana pǝlǝ sǝm ado, nre sǝm gilǝki sǝnǝa Ɓakuli ka.

2 Amǝ Korinti 6:10

Kat andǝ amani ama à tsǝk sǝm aɓa bumkiɗikea ka, sǝm nda aɓa bumpwasǝa ko aya pwari. Ko ɓǝ̀ ndo ama sǝm nda ka amǝtǝr ka, sǝm nggǝ tsǝk aɓwana pas à duk amǝkume. Mǝsǝcau na ama sǝm pànǝ kǝgir ɗang, sǝa ma girbunda kat ka ma'sǝma.

Amǝ Galati 5:22

Sǝ ɓǝ̀ Bangŋo Mǝfele na ginggi nǝ sǝm ngga, nǝ̀ pusǝ amǝnia yia aɓealǝu ka aɓalǝ sǝm: earcearǝu, andǝ bumpwasǝa, andǝ dorǝpwala, andǝ munyi, andǝ tsǝkir ɓwa, andǝ pemǝɓoarne, andǝ do'amurmǝsǝcau,

1 Amǝ Tasalonika 1:6

Wu yi duk amǝ twalkusǝ sǝm andǝ mala Mǝtalabangŋo; kat andǝ tanni ma'wun kǝrkǝr ka, wu ak cau mala Ɓakuli nǝ banɓoarnado mala Bangŋo Mǝfele.

Jemis 1:2

Wun amǝ'eambǝam, ɓǝ̀ wu kutio aɓalǝ akárǝkiban ɗàngɗáng ngga, ɓǝ̀ ban ɓoara wun kǝrkǝr,

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.

Sǝna 11:10

Aɓwana a ɓanza ka, ban nǝ ɓoaria wia ace gir mǝnana kum amǝ'nakun mǝnia ɓari ka. À nǝ̀ pakiɗire sǝ à nǝ̀ turia rǝia ban nǝ́ aɓoro acemǝnana yia amǝ'nakun mǝnia ɓari ka, à nda à yinǝia aɓwana a ɓanza tanni mǝɓike kǝrkǝr ka.

Sǝna 18:7

Sokkite ɓǝ̀ tapi aɓa tanni andǝ bumkiɗikea kǝla mǝnana pe ɓamuri gulo andǝ do mǝɓoarne aɓa rǝpwala ka. Kǝ jali a ɓabumi ama, ‘Mǝ nda mamurǝm; mǝ nda man-lú ɗang. Kǝ gir pà kàm nǝ̀ ciem mǝ nǝ pak bumkiɗikea ɗang.’