Yohana 16:19 - Maləmce Məfele mala Ɓakuli: Kurcau Məbəshe

¹⁹ Yesu sǝlǝna ama à kǝ earce à nǝ̀ ɗi amuri, pǝlǝa nea wia ama: Wu ndarǝ ɗiki rǝarǝ wun amur man nda ɓacau mǝnana ǝn na nǝma, “Zuku ka pa wu nǝ̀ sǝnam ɗang, sǝ zuku anzǝmi ka wu nǝ̀ sǝnam ɗǝm” ngga le?

Yohana 16:19 ပူးပေါင်းရင်းမြစ်များ

Matiu 6:8

Wu kǝa pa kǝla yia ɗang, acemǝnana kaniama wu nǝ̀ zǝm ngga, Tár wun angŋǝna dǝmbǝa surǝna rǝ gir mǝnana wu earkiyice ka.

Matiu 9:4

Acemǝnana Yesu surǝ na rǝ ɗenyicau malea ka, banggia wia ama, “Palang sǝ wu kǝ pak ɗenyicau mǝɓane a ɓabum wun anggo?

Markus 9:32

Sǝ ko à bwalta gir mǝnana banggiyi ka ɗang, sǝ ɓangciu pakkia wia ɓǝa ɗi amuri.

Yohana 13:33

Wun amunem, mǝ nda mǝ nǝ do ata wun zuku. Wu nǝ̀ altam, sǝ kǝla mǝnana ǝn banggi aɓwana-mǝgule mala amǝ Yahudi ka, ban mǝnana ǝn kákiyi kam ngga, pa wu nǝ̀ gandǝ ká kam ɗang.

Yohana 14:19

Banì pà nǝ̀ sau ɗang, ɓanza pà nǝ̀ sǝnam ɗǝm ɗang, sǝ wun ngga wu nǝ̀ sǝnam. Sǝ acemǝnana mǝ ndanǝ yilǝmu ka, wun gbal ka wu nǝ̀ dum nǝ yilǝmu.

Yohana 16:16

Zuku ka pà wu nǝ̀ sǝnam ɗǝm ɗang. Sǝ zuku anzǝmi ka wu nǝ̀ sǝnam ɗǝm.

Yohana 16:18

Sǝ ‘Zuku’ mǝnana nakiyi ce ka, ɓālǝi aman le? Sǝm surǝ gir mǝnana nakiyi ka ɗang!”

Yohana 16:23

A pwari mǝno ka, pà wu nǝ̀ zǝm kǝgir ɗǝm abanam ɗang. Ən nggǝ bangga wun mǝsǝcau, Tárram nǝ̀ pa wun gir mǝnana kat wu zǝmbǝa aɓa lullǝam ngga.

Yohana 16:26

Sǝ wu nǝ̀ zǝmbǝa aɓa lullǝam. Ən pa aban na nǝma mǝ nǝ zǝmbǝi Tárram amur wun ɗang.

Yohana 16:30

Adyan ngga sǝm sǝlǝna ama we ka a surǝ agir kat, ɓwa pà nǝ̀ na ama nǝ̀ ɗio kǝ cau ɗang. Ace mǝno ka sǝm earǝna ama we ka a pur nǝban Ɓakuli.”

Yohana 21:17

Yesu nyare ɗi Shiman Bitǝrus tāruia ɗiban ɗǝm ama, “Shiman muna mala Yohana, a kǝ earcem le?” Bum Bitǝrus kiɗiki nǝ mǝnia yì tāruia ɗiban ngga. Nda sǝ ne Yesu ama, “Mǝtalabangŋo, a surǝ agir kat. A sǝlǝna ama mim ngga ǝn nggǝ earceo!” Pǝlǝa Yesu banggi wi ama, “Tsǝkir anzur mem.

Yohana 6:61

Kǝɓwa ne wi ɗang, sǝ Yesu ka sǝlǝna ama alaggana male na aban nggwani amur man yì kanigir ka, pǝlǝa nea wia ama, “Kanigir man tsǝk wun bum wun kiɗiki le?

Yohana 7:33

Yesu nea wia ama, “Mǝ ndakani ado ata wun zuku, sǝ mǝ nǝ nyare mǝ nǝ o aban Tárram mǝnana tasǝam ngga.

Amǝ Ibǝru 4:13

Kǝgir pà kàm ata agir mǝnana à pusǝia ka, mǝnana nǝ̀ sǝmbǝrǝi Ɓakuli ka ɗang. Koya gir ka, nda gbǝrangtang sǝ nong kwas a ɓadǝmbǝi. Sǝ yì nda kǝ ɓwa mǝnana sǝm nǝ̀ ngga bǝlki aturo ma'sǝm a ɓadǝmbǝi ka.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.