Yohana 16:10 - Maləmce Məfele mala Ɓakuli: Kurcau Məbəshe

¹⁰ Nǝ̀ lǝmndǝìa wia ɓwarkio malea amur gir mana nda pepè a njari ka, acemǝnana mǝ ndo mǝ nǝ nyare mǝ nǝ o aban Tárram, sǝ pà wu nǝ̀ sǝnam ɗǝm.

Yohana 16:10 ပူးပေါင်းရင်းမြစ်များ

Yohana 16:28

Ən pur aban Tárram sǝ ǝn yiu a ɓanza, sǝ ado ka, mǝ ndo mǝ nǝ nying ɓanza mǝ nǝ nyar aban Tárram.

Yohana 16:5

Ado ka, mǝ ndo mǝ nǝ nyare aban Tárram mǝnana tasǝam ngga, sǝ kǝɓwa aɓalǝ wun ɗiem ban mǝnana mǝ nǝ ká kam ngga ɗang.

Yohana 3:14

“Kǝla mǝnana Musa loasǝ n'yau amur gara ɓabondo ka, anggo sǝ à nǝ̀ loasǝ Muna mala Ɓwa a kuli,

Yohana 5:32

Sǝa ma ɓeɓwa na kam mǝnana kǝ nakunam ngga, sǝ ǝn sǝlǝna ama acau mǝnana nea a muram ngga mǝsǝcau na.

Yohana 7:33

Yesu nea wia ama, “Mǝ ndakani ado ata wun zuku, sǝ mǝ nǝ nyare mǝ nǝ o aban Tárram mǝnana tasǝam ngga.

Amǝ Mishan 17:31

Acemǝnana yì ka, tsǝngŋǝna pwari mana nǝ̀ ɓashi ɓanza nǝi aɓa mǝsǝcau, nǝ bu ɓwa mǝnana ci ka. Lǝmndǝna mǝnia yì ɓwa ka aban aɓwana kat, nǝ loasǝo mana loasǝi a ɓembe nǝ yilǝmu ka.

Amǝ Mishan 2:32

Ɓakuli loasǝ Yesu a ɓembe, sǝm kat ka, sǝm sǝni nǝ mǝsǝ sǝm anzǝm lo male.

Amǝ Mishan 3:14

Wu ginǝki Ɓwa Mǝɓoarne, Guro Mǝfele mala Ɓakuli, sǝ wu banggi Bilatus ama, ɓǝ̀ panzǝa wun mǝ walki alú.

Amǝ Mishan 7:52

Kǝ ɓe mǝɓangna mala Ɓakuli nakam mǝnana aká wun pe wi tanni raka le? Amǝ'ɓangna mala Ɓakuli mana a pwaryan à bangce yiu mala Mǝɓealɓoarna ka, aká wun wal-luia. Sǝ ado ka wu kurkuro nǝi, nyare wu wali wú,

Amǝ Roma 1:17

Yì Cau Amsǝban ngga, ndá kǝ̀ lǝmndǝa sǝm lang sǝ Ɓakuli kǝ nggaɗi sǝm, ɓǝ̀ sǝm pǝlǝ aɓwana amǝɓoarne a ɓadǝmbǝi. Mǝnia ka kǝ pa anggo nǝ guli arǝ Kǝrǝsti, twal a tite kya pur a masǝlǝate, kǝla mǝnana Malǝmce na ka ama: “Ɓwa mǝnana kumǝna akban aban Ɓakuli ka, nǝ̀ dumnǝ yilǝmu aɓa guli arǝ Ɓakuli.”

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Amǝ Galati 5:5

Sǝ sǝm ngga, ace paɓamuru ma'sǝm aban Kǝrǝsti ka, sǝm tsǝk ɓalǝ sǝm, sǝm nggǝ kúndǝo nǝ rǝɓǝla ɓǝ̀ Ɓakuli ak sǝm, ɓǝ̀ nyesǝ sǝm ɓǝ̀ sǝm duk pepe a ɓadǝmbǝi nǝ Bangŋo male.

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.