Yohana 15:6 - Maləmce Məfele mala Ɓakuli: Kurcau Məbəshe

⁶ Ɓǝ̀ ko ya ɓwa na sǝ do a ɓalǝam raka, nda kǝla bu-nggun mǝnana à turi sǝ im ngga; a'ulang abu-nggun mǝno ka aɓwana kǝ ramnggia, à nǝ̀ soea aɓa bǝsa à nǝ̀ pisǝia.

Yohana 15:6 ပူးပေါင်းရင်းမြစ်များ

Matiu 13:41

Muna mala Ɓwa nǝ̀ tur amǝturonjar male, ɓǝa yi pusǝ koya gir kat mǝnana kǝ yinǝ cauɓikea, andǝ aɓwana kat mǝnana à kǝ pak gir mǝɓane aɓa Domurǝm male ka.

Matiu 27:5

Pǝlǝa Yahuda twal boale ka sukki a nzali aɓa Ndàmǝgule mala Ɓakuli, sǝ puro o kya ɗur nggur a myali gyar ɓamur rǝì.

Matiu 3:10

Ko ado ka Ɓakuli kwakina kun bero a tǝr anggun. Nggun mǝnana kat pusǝ ɓǝle mǝɓoarne raka, à nǝ̀ kwari à nǝ̀ turri a bǝsa.

Matiu 7:19

Nggun mǝnana kat pusǝ ɓǝle mǝɓoarne raka à nǝ̀ kasǝi à nǝ̀ turi a bǝsa.

Yohana 15:2

Ko ya bu-nggun a ɓalǝam mǝnana kǝ pa ɓǝle raka, kǝ kasǝi kǝ turi a nzali, sǝ abu-nggun mǝnana à kǝ pa ɓǝlea ka, kǝ gilǝkicea ace mǝnana ɓǝa ɓoaro ɓǝa pa ɓǝlea kpǝm ngga.

Amǝ Ibǝru 10:27

Kǝgir mǝnana ueo ka, nda ɓalǝkasǝkya arǝ yiu mala ɓashi mala Ɓakuli andǝ bǝsa mǝ'earke kǝrkǝr mǝnana nǝ̀ yia twalta aɓimǝbura ka.

2 Bitǝrus 2:20

Sǝ ɓǝa ɓwana apini aɓealɓikea mala ɓanza nǝ njargula surǝ Mǝtala sǝm andǝ Mǝ'amsǝ sǝm Yesu Kǝrǝsti, sǝ à nyar ɗǝm nǝ nzǝmo à yì marǝki rǝia sǝ à ɓunggio aɓalǝ aɓealɓikea mǝno ka, zuriki mǝnana à nda a ɓalǝi ado ka, ɓikina kutina mǝdǝmbe.

1 Yohana 2:19

Amǝnia yì aɓwana ka, à ma'sǝm na ɗang, nda gir mǝnana tsǝa sǝ à nying sǝm ngga. Ɓǝ̀ yia ka à ma'sǝm na ka, ɓǝ́ à dumǝna ata sǝm. À nying sǝm ace mǝnana ɓǝ̀ lǝmndǝ bwāng ama yia ka à ma'sǝm na raka.

Sǝna 20:15

Sǝ ɓwa mǝnana kat lullǝi pà kàm à gilǝì aɓa Malǝmce Yilǝmu raka, à turi aɓa garang mǝnana kǝ li nǝ bǝsa ka.

Sǝna 21:8

Sǝ mǝnia ka nda gir mǝnana nǝ̀ kum aɓwana mǝnana amǝ'ɓangciu na, andǝ amǝ pakki agir monzǝo, andǝ amǝ ɗwanyi earnǝ mim, andǝ amǝ pakki agirɓana, andǝ amǝ walki alú, andǝ amǝ do kiɗikì mala nongginǝ-rǝarǝu na ka. Yia kat andǝ amǝ peri aban ankúl andǝ alú, andǝ aɓwana kat mǝnana amǝ na'nyir na ka, à nǝ̀ ramtea aɓa garang mala bǝsa mǝnana kǝ li nǝ atali ear-bǝsa ka. Mǝnia ka, nda ɓaria lú.