Yohana 15:27 - Maləmce Məfele mala Ɓakuli: Kurcau Məbəshe

²⁷ Sǝ wun gbal ka dumǝna ama wu nǝ̀ nakunam aban aɓwana, acemǝnana tita turo mem ngga sǝm nda a tarǝ sǝm sǝnǝa wun.

Yohana 15:27 ပူးပေါင်းရင်းမြစ်များ

Markus 1:1

Ani sǝ Cau Amsǝban mala Yesu Kǝrǝsti, Muna mala Ɓakuli tite.

Luka 24:48

Wu nda ka amǝnakun mala mǝnia yì agir ka aban aɓwana.

Yohana 19:35

Ɓwa mǝnana sǝn mǝnia yì gir ka, nda bang ce ka, sǝ cau mǝnana na ka mǝsǝcau na, ace mǝnana wun gbal ka ɓǝ̀ wu ak ce sǝ ɓǝ̀ wu pa ɓamur wun.

Yohana 21:24

Mǝnia yì lagga ka nda mǝnana bang cau amur agir mǝnia, sǝ gilǝia aɓa Malǝmce ka. Sǝ sǝm sǝlǝna ama cau mǝnana na ka, mǝsǝcau na.

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 13:31

Aɓalǝ anongŋo pas kǝ pusǝrǝi aban aɓwana mǝnana à kǝ gya andǝia ɗiɗyal, a Galili aban ká Urǝshalima ka. Yia a dyan ngga, à nda ka amǝ nakuni aban amǝ Isǝrayila.

Amǝ Mishan 18:5

Lang Silas andǝ Timoti nyingŋǝna bu-nzali Masǝdoniya, à yì bwalǝna ka, Bulǝs kara pa ɓamuri kat ace hamnǝ cau mala Ɓakuli. Camarǝ banggi amǝ Yahudi ama, Yesu nda Kǝrǝsti Mǝ'amsǝban.

Amǝ Mishan 23:11

Àkǝ̀ bu du mǝno ka, Mǝtalabangŋo lǝmndǝrǝi aban Bulǝs sǝ na ama, “Ɓǝ̀ ɓangciu ɓǝ̀ kǝa pakko ɗang! Kǝla mǝnana a na cau mem a Urǝshalima ka, dumǝna ama anggo sǝ a wu nǝ ngga nakunam a Roma gbal.”

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Amǝ Mishan 4:20

Acemǝnana pa sǝm nǝ̀ tamsǝ nacau amur gir mǝnana sǝm sǝni, sǝ sǝm ok ka ɗang.”

Amǝ Mishan 4:33

Amǝ'mishan lidǝmbǝa aɓa rǝcandǝa nǝ banggi aɓwana cau mala loapi ɓembe mala Mǝtalabangŋo Yesu, sǝ ɓwamuru mala Ɓakuli sulǝ amuria kǝrkǝr.

1 Bitǝrus 5:1

Mǝ nda rǝ ɓakɓabum aɓwana-mǝgule mǝnana aɓalǝ wun ngga kǝla ɓi'wun ɓwamǝgule. Ən sǝn nutanni mala Kǝrǝsti nǝ amǝsǝam, sǝ mim gbal ka, mǝ nǝ kum kāmbe mem aɓa ɓoarɓwa male, yi mǝnana ɓǝ̀ yi pusǝna rǝì aban ɓanza ka.

1 Bitǝrus 5:12

Nǝ́ bu Silas mǝnana ǝn earnǝi kǝla mǝ'eamrǝarǝu mǝ'mǝsǝcau nì ka, sǝ ǝn nggǝ gilǝa wun mǝnia yì cau gbǝlǝm ngga. Ən nggǝ earce mǝ ɓak ɓabum wun, sǝ mǝ na wun ama, mǝnia yì gir wu nda ɓālǝi ado ka, ɓwamuru mala Ɓakuli na kat ace wun. Wu cam kàngkàng a ɓalǝi.

1 Yohana 4:14

Ɗǝm ngga, sǝm sǝnǝna Muna mala Ɓakuli nǝ mǝsǝ sǝm, sǝ ado ka sǝm ndarǝ banggi aɓwana ama, Ɓakuli Tár sǝm tur Muni ɓǝ̀ yi duk Mǝ'amsǝ ɓanza.

Sǝna 1:2

Yohana yì bang gir kat mǝnana sǝna, amur Cau mala Ɓakuli, andǝ agir mǝnana Yesu Kǝrǝsti pea sǝ nea ka.

Sǝna 1:9

Mim Yohana, mǝ'eam wun andǝ ɓi wun aɓa nutanni, sǝ aɓa Domurǝm mala Ɓakuli, andǝ gandǝrǝu, amǝnana à dumǝna ma'sǝm aɓa Yesu ka, mǝ nda aɓa luran mǝnana à tunǝki ama Patmos ka. À twalam à yì turam akani acemǝnana ǝn hamnǝ cau mala Ɓakuli, sǝ ace nakun Yesu ka.