Yohana 15:24 - Maləmce Məfele mala Ɓakuli: Kurcau Məbəshe

²⁴ Ɓǝ̀ ǝn pakki ma agir mǝnana kǝɓwa malaká pea aɓalǝia raka, ɓǝ a pà nǝ̀ kumia nǝ cauɓikea ɗang. Sǝ ado ka à sǝnǝna amǝnia yì agir-ndali ǝn pea ka, sǝ kat andǝ mǝno ka, à ɓinǝ mǝsǝam sǝnǝ Tárram.

Yohana 15:24 ပူးပေါင်းရင်းမြစ်များ

Matiu 11:5

Ante kǝ sǝnban, agbakǝre kǝ gya, à kǝ twali amǝdakali ban akwano bǝsa malea, amǝkir'ara kǝ okban, à kǝ loasǝ alú, sǝ à kǝ hamnǝ Cau Amsǝban aban amǝtǝr.

Matiu 21:32

Yohana Mǝbatisǝma yiu yi kania wun tanjar mǝɓafoe, sǝ wu earnǝi ɗang; sǝ amǝ'aki aboalo-cemi aɓa ɓǝmbǝriban andǝ aman-gung earnǝi. Kat andǝ mǝnana wu sǝn mǝnia ka, wu gine, pa wu nǝ̀ pwanzali, wu nǝ̀ nying acauɓikea ma'wun ɗang, sǝ wu earnǝ cau male ɗang.

Matiu 9:33

Yesu pusǝ kukwar mǝnana a rǝì ka, àkǝ̀ banì ɓwa mǝnana kǝ gandǝ na cau ɗiɗyal raka, tita na cau. Ɓwabunda ndali sǝ à na ama, “Sǝm malaká sǝn kǝgir kǝla man aɓa Isǝrayila ɗang.”

Markus 2:12

Pǝlǝa mǝkwano lo, twal kala male, àkǝ̀ ɓamǝsǝia kat, aban o. Koyan ngga gir nî pakki wi ndali, à gusǝlǝ Ɓakuli à kǝ bangŋa ama, “Sǝm malaká sǝn ulang mǝnia yì gir ka ɗang!”

Luka 24:19

Pǝlǝa ɗia ma, “A ya gir nani?” À eari wi ama, “Agir mǝnana à kum Yesu Ɓwa Nazarat. Yì ka, mǝɓangna mala Ɓakuli na, sǝ ndanǝ rǝcandǝa aɓa cau andǝ turo a ɓadǝm Ɓakuli andǝ ɓwapǝndǝa kat.

Yohana 10:32

Sǝ Yesu nea wia ama, “Ən pakkina agir mǝɓoarne pas, a ɓadǝm wun, mǝnana Tárram turam ama ɓǝn pea ka. Nda ace mǝye mwashat aɓalǝia sǝ wu kǝ earce wu nǝ̀ ɓukkiam?”

Yohana 10:37

Wu kǝa earnǝ mim ɗang ɓǝ̀ aturo mǝnana ǝn pakkiyi ka a mala Tárram Ɓakuli na raka.

Yohana 12:10

Pǝlǝa agbani Pǝris kurkunarǝia, à nǝ̀ wal Liazaro gbal,

Yohana 12:45

Ɓwa mǝnana kat sǝnam ngga sǝna Tárram mǝnana tasǝam ngga.

Yohana 14:9

Yesu ne wi ama: Filip, ǝn sauwuna nǝ do ata wun, sǝ ba ado ka a malaká surǝam ɗang? Ɓwa mǝnana sǝnǝnam ngga sǝnǝna Tárram. Sǝ palang sǝ a kǝ na ama mǝ lǝmndǝa wun rǝì?

Yohana 15:21

À nǝ̀ pakka wun amǝnia yì agir kat ka ata cau mem, acemǝnana à surǝ Tárram mǝnana tasǝam ngga ɗang.

Yohana 15:22

Ɓǝ̀ ǝn yiu ma ǝn yi namia cau raka, ɓǝ́ cauɓikea pa a ɓamuria ɗang. Sǝ ado ka à pànǝ kun na cau ace acauɓikea malea ɗang.

Yohana 15:23

Ɓwa mǝnana kat ɓinǝ mǝsǝam ngga, ɓinǝna mǝsǝ Tárram gbal.

Yohana 16:9

Nǝ̀ lǝmndǝì aɓwana ama cauɓikea malea ka, nda mǝnana ama à ginǝ pa ɓamuria abanam ngga.

Yohana 3:2

Nikodimus yiu aban Yesu nǝ dú, sǝ yi ne wi ama, “Malǝm, sǝm sǝlǝna ama a nda mǝkanigir mǝnana Ɓakuli turi ka. Kǝ ɓwa pà kàm nǝ̀ gandǝ pakki agir-ndǝlǝki mǝnana a pakkiyi ka ɗang, yi mǝnana ɓǝ̀ Ɓakuli pa ate raka.”

Yohana 5:36

Sǝ mǝ ndanǝ mem yi nakun a muram mǝnana kuti mana Yohana na a muram ngga. Agir mǝnana ǝn nggǝ pakkia ka, aturo mǝnana Tárram pam ama ɓǝn pakkia ka à nda. À kǝ̀ nakunam, sǝ à kǝ̀ lǝmndǝ ama Tárram nǝ turam.

Yohana 6:36

Sǝ ado ka ǝn bangga wun ama wu sǝnǝ nam nǝ amǝsǝ wun sǝ kat andǝ amani ka wu earnǝ mim ɗang.

Yohana 7:31

Sǝ aɓa mǝno anggo kat ka aɓwana pas aɓalǝ aɓwana mǝnana à ram ngga à pà ɓamuria aban Yesu. À kǝ na ama, “Ɓǝ̀ Kǝrǝsti, yì ɓwa mǝnana Ɓakuli tarrì, yiu ka, nǝ̀ yia pakki agir-ndǝlǝki mǝnana à kuti mana mǝnia yì ɓwa ka pakkia ka le?”

Yohana 9:32

Twal a share ta ɓanza ka, sǝm o àkǝ pwari ama kǝɓwa gandǝ mǝn mǝsǝ kǝɓwa mǝnana à ɓǝli nte na ka ɗang.

Yohana 9:41

Sǝ Yesu pǝlǝia wia ama, “Ɓǝ̀ wu nda ka nte ka, ɓǝ́ mur wun pà nǝ̀ halǝki wun arǝ acauɓikea ma'wun ɗang. Sǝ mǝno ado wu ne nǝ ɓamurǝ wun ama wun nǝ̀ nggǝ sǝnban ngga, lǝmndǝna ama, cauɓikea ma'wun na kam amur wun piu.”

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 2:22

Wun amǝ Isǝrayila, wu kwaki kir wun, wu ok acau man. Yesu ɓwa Nazarat ka, ɓwa na mǝnana Ɓakuli earnǝi, sǝ lǝmndǝ ama yì nǝ̀ turi ka, sǝ pe wi rǝcandǝa mala pakki agir-ndǝlǝki andǝ agir-gyambǝliban, andǝ agir-lǝmndǝa amǝgulke. Wun nǝ ɓamur rǝ wun ngga, wu sǝlǝna, acemǝnana akani aɓalǝ wun, àkǝ̀ mǝsǝ wun sǝ pea.

Amǝ Roma 1:30

Yia ka à kǝ na cau mǝɓane anzǝm aɓwana, amǝɓinǝ mur Ɓakuli na, à kǝ okban ɗang, à ndanǝ twalmuru, andǝ nggori. Ɗenyicau malea ka nda aɓa pusǝki abǝsa njar mala pakkia agir mǝɓane, sǝ à kǝ oki amǝɓǝlia ɗang.

2 Timoti 3:4

Ɓwapǝndǝa nǝ̀ duk amǝ mak aɓea, amǝ ɗwanyi tsǝkiru, amǝ gusǝlǝ-muru, andǝ amǝ earce banɓoarnado amur earce Ɓakuli.

Jemis 4:4

Wun amǝ ɗwanyi do nǝ mǝsǝcau aban Ɓakuli andǝ doɓala! Wu sǝlǝ mbo ama duk gyajam mala ɓanza ka do ɓibura na arǝ Ɓakuli? Ace mani ka ɓwa mǝnana twalo nǝ̀ pa kǝla mala amǝ'ɓealɓikea ka, dumǝna ɓimǝbura mala Ɓakuli.