Yohana 15:20 - Maləmce Məfele mala Ɓakuli: Kurcau Məbəshe

²⁰ Wu ɗenyi nǝ cau mǝnana ǝn bangga wun nǝma, “Kǝ guro pà kàm gulo kuti mǝtala-ɓala male ɗang.” Ɓǝa pam tanni ka, à nǝ̀ pa wun tanni gbal. Sǝ ɓǝ̀ pǝlǝa ama à kpanata kanigir mem ngga, à nǝ̀ kpata kanigir ma'wun gbal.

Yohana 15:20 ပူးပေါင်းရင်းမြစ်များ

Matiu 10:24

Mǝ'eaulǝkigir kuti mǝkani wi gir ɗang. Sǝ muna-ɓala kuti mǝtala-ɓala male ɗang.

Markus 10:39

À pǝlǝa à eare ama, “Sǝm nǝ̀ gandǝi.” Yesu nea wia ama, “Ɓafo na wu nǝ̀ nu aɓa kwap mǝnana dupǝnam púp mǝ nǝ nu kam ngga, sǝ à nǝ̀ pakka wun batisǝma mǝnana dumǝnam púp à nǝ̀ pakkam ngga.

Luka 2:34

Pǝlǝa Shimiyan tsǝkia wia bu sǝ ne ngge Maryamu ama, “Kwaki kiro pepe: Mǝnia yì Muna ka Ɓakuli tsǝngŋǝni ama nǝ̀ duk tǝr kpa andǝ lo mala ɓwapǝndǝa pas a Isǝrayila. Yì ka, nǝ̀ duk gir'lǝmndǝa mǝnana pur nǝ ban Ɓakuli, mǝnana aɓwana pas nǝ̀ na mǝɓane amuri ka.

Luka 6:40

Mǝ'eaulǝki gir ka kuti malǝm male ɗang. Sǝ ɓwa mǝnana à kanǝnì wi gir pepè ka, nǝ̀ pa kǝla malǝm male.

Yohana 10:31

Amǝ Yahudi pwan atali ɗǝm ama à nǝ̀ ɓukki.

Yohana 11:57

Anggo ka agbani Pǝris andǝ amǝ Farisi angŋa dǝmbǝa à hamǝna ama, ɓǝ̀ kǝɓwa surǝna rǝ ban mǝnana Yesu na kam ngga, ɓwe ɓǝ̀ yì na ce, ace mǝnana à nǝ̀ bwali ka.

Yohana 13:16

Mǝ nda ban bangga wun mǝsǝcau, kǝ guro pà kàm gulo kuti mǝtala-ɓala male ɗang, sǝ kǝ mǝturonjar pà kàm nǝ́ gulo kuti ɓwa mǝnana turi ka ɗang.

Yohana 5:16

Pǝlǝa yia amǝ Yahudi ka à tsǝk Yesu a dǝmbǝa, acemǝnana twalban rǝkwana a pwari Sabbat, pwari usǝlǝo.

Yohana 7:32

Amǝ Farisi ok ɓwabunda aban sherǝ amǝnia yì acau ka amur Yesu, pǝlǝa yia andǝ agbani pǝris tasǝ amǝyal Ndàmǝgule mala Ɓakuli ama ɓǝa kya bwali.

Yohana 8:51

Mǝ nda ban bangga wun mǝsǝcau, ɓwa mǝnana kǝ kpata cau mem ngga pà nǝ̀ wu ɗang.”

Yohana 8:52

Pǝlǝa aɓwana-mǝgule mala amǝ Yahudi ne wi ama, “Ado sǝ sǝm sǝlǝa aɓa mǝsǝcau ama, a ndanǝ kukwar a rǝo! Nggearǝ Ibǝrayim ngga wǔ, sǝ amǝ'ɓangna mala Ɓakuli wú, pǝlǝa a nǝ yia na sǝm ama, ‘Ɓǝ̀ ɓwa kpata cau mem ka pà nǝ̀ wu ɗang.’

Yohana 8:59

À nǝ̀ ok mǝno yì cau ka, kara à pwan atali ama à nǝ̀ ɓukki, sǝ Yesu gbar rǝì, pǝlǝa puro nying Ndàmǝgule mala Ɓakuli.

Amǝ Mishan 14:22

À camarǝ pe amǝkwaɗi rǝcandǝa, à kǝ kwarkiria ama, ɓǝa lidǝmbǝa nǝ paɓamuru malea. À kǝ kasǝ ɓalǝia nǝ mǝnia yì cau ka ama, “Dumǝna pup sǝm nǝ̀ nu tanni ɗàngɗáng, sǝ sǝm nǝ̀ kutio a Domurǝm mala Ɓakuli.”

1 Amǝ Korinti 4:12

Sǝm pak turo nǝ bu sǝm kǝrkǝr. Lang aɓwana sang sǝm ngga, sǝm tsǝki wia bu; lang à pà sǝm tanni ka, sǝm bwal bum sǝm.

2 Amǝ Korinti 4:9

À pà sǝm tanni, sǝ Ɓakuli ka nying sǝm ɗang; à ram sǝm a nzali, sǝ sǝm par bu sǝm, sǝm lo.

1 Amǝ Tasalonika 2:15

Yia amǝ Yahudi ka, à nda à wal-lú Mǝtalabangŋo Yesu andǝ amǝ'ɓangna mala Ɓakuli ka. Yia na à pa sǝm tanni gbal mǝnana pǝr sǝm ngga. Aɓa pakkiagir malea ka à kǝ kiɗiki ɓabum Ɓakuli. Ɗǝm ngga à nda nggaro nǝ aɓwapǝndǝa kat

2 Timoti 3:12

E, sǝ koya ɓwa na ear ama nǝ̀ duk do ɓealɓoarna aɓa Kǝrǝsti Yesu ka, à nǝ̀ pe wi tanni.