Yohana 15:2 - Maləmce Məfele mala Ɓakuli: Kurcau Məbəshe

² Ko ya bu-nggun a ɓalǝam mǝnana kǝ pa ɓǝle raka, kǝ kasǝi kǝ turi a nzali, sǝ abu-nggun mǝnana à kǝ pa ɓǝlea ka, kǝ gilǝkicea ace mǝnana ɓǝa ɓoaro ɓǝa pa ɓǝlea kpǝm ngga.

Yohana 15:2 ပူးပေါင်းရင်းမြစ်များ

Matiu 13:12

Aɓwana mana à kǝ kwaki kiria arǝ kanigir mem ngga à nǝ̀ pea wia ɓe sǝlǝ amur mǝnana à ndanǝi ka, sǝ à nǝ̀ kum surǝgir kpǝm. Sǝ aɓwana mana à kǝ kwaki kiria raka, kǝ mǝnana à ndanǝi ka à nǝ̀ é a rǝia.

Matiu 13:33

Nea wia ɓe kanicau ɗǝm ama: Domurǝm mala kuli ka nda kǝla yist mǝnana ɓe mɓwama twali sǝ sùrǝì andǝ muku tasau tārú, sǝ yi aki ɓa muku tsǝi vwali.

Matiu 15:13

Sǝ Yesu pǝlǝia wia ama, “Ɓǝ̀ ya girpwala nani à pandǝi mǝnana Tárram mana a kuli ka nǝ̀ pandǝi raka, à nǝ̀ ui.

Matiu 21:19

Mǝsǝì kpa arǝ nggun vwari a girǝi njargula, pǝlǝa sana wario a tǝrí. Sǝ kya kum kǝ ɓǝle ɗang, mbui na nǝmurǝì. Pǝlǝa ne nggun ama, “A pà nǝ́ ɓǝl ɗǝm ɗang!” Àkǝ̀ banì kara nggun ime.

Matiu 25:29

Ɓwa mana ndanǝi ka à nǝ̀ tsǝki wi ɓe amuri, sǝ nǝ̀ kum kpǝm. Sǝ ɓwa mana pa nǝi raka, nggearǝ mǝnana a bui bǝti ka à nǝ̀ é a rǝì.

Matiu 3:10

Ko ado ka Ɓakuli kwakina kun bero a tǝr anggun. Nggun mǝnana kat pusǝ ɓǝle mǝɓoarne raka, à nǝ̀ kwari à nǝ̀ turri a bǝsa.

Matiu 3:12

Kwar sarǝgir male na a bui, nǝ̀ yia pusǝ kwá arǝ mǝsǝsa a katǝra, nǝ̀ so mǝsǝsa a ba, sǝ kwá ka nǝ̀ pisǝì a bǝsa mǝnana panǝ linggi raka.”

Matiu 7:19

Nggun mǝnana kat pusǝ ɓǝle mǝɓoarne raka à nǝ̀ kasǝi à nǝ̀ turi a bǝsa.

Markus 4:20

Aɓea ka à nda kǝla mǝsǝɓeale mǝnana à ɓeali a nzali mǝɓoarne ka, à ok cau, à é, ɓǝla a ɓabumia; aman banì lumi-tārú, aman lumi-tongno-nong-mwashat, aman ngga lumi-lum mala gir mǝnana à ɓeal ka.

Luka 8:13

Amǝnana amur tali ka, à ndaka aɓwana mǝnana à ok cau ka, à é nǝ bumpwasǝa, sǝ cau kum kutio a ɓabumia ɗang. Paɓamuru malea ka banì sau ɗang, pwari karǝkiban yiu ka kara à kpa.

Yohana 15:1

Mǝ nda nggun anap mǝ'mǝsǝcau nì, sǝ Tárram nda mǝtsǝkkir ɓaban.

Yohana 15:16

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Yohana 15:3

Cau mǝnana ǝn kania wun ngga gilǝkina wun, wu fànà.

Yohana 15:6

Ɓǝ̀ ko ya ɓwa na sǝ do a ɓalǝam raka, nda kǝla bu-nggun mǝnana à turi sǝ im ngga; a'ulang abu-nggun mǝno ka aɓwana kǝ ramnggia, à nǝ̀ soea aɓa bǝsa à nǝ̀ pisǝia.

Yohana 15:8

Ɓǝ̀ wu pusǝ aɓǝla wun kpǝm ngga, nda lǝmndǝ ama wu ndaka laggana mem ngga. Sǝ mǝno gbal ka nda nǝ̀ yinì Tárram nǝ́ gulo ka.

Yohana 17:12

A do mem sǝnǝia ka, ǝn yalia, sǝ ǝn bwalia nǝ rǝcandǝa mala lùllǝo mǝnana a pam ngga. Kǝ ɓe ɓwàr atea ɗang, she kǝ yì ɓwa mǝnana dupi ká kìɗìkì ka, acemǝnana cau mo mana à gilǝì aɓa Malǝmce ka, ɓǝ̀ lumsǝo.

Amǝ Roma 11:17

Ɓakuli ginǝkina pas ata amǝ Yahudi kǝla mǝnana à kǝ kpalǝki abu nggun ngga. Sǝ wun aɓwana mǝnana amǝ Yahudi na raka, wun mǝnana Ɓakuli angŋǝna wun ngga, wu nda kǝla abu-nggun muru-bondo mǝnana à zwaɓia arǝ nggun-ɓala ka. Wu angŋa ban came mala aɓea bu-nggun mǝnana à kpalǝkia arǝ nggun-muru-ɓala ka. Ace mani ka, wu ongŋǝna banɓoarna tsǝkbu mala Ɓakuli mǝnana pa ace Ibǝrayim andǝ amǝkè ka.

Amǝ Roma 11:22

Wu sǝn pemǝɓoarne andǝ ɓinǝce mǝɓane mala Ɓakuli. Ɓashi male na hakǝrak arǝ aɓwana mǝnana à pak mǝɓane ka, sǝ wun ngga kǝ pakka wun mǝɓoarne, ɓǝ̀ wu lidǝmbǝa aɓa pemǝɓoarne male ka. Ɓǝ̀ ana raka, wun gbal ka nǝ̀ kpali wun.

Amǝ Roma 8:28

Sǝ sǝm sǝlǝna ama Ɓakuli kǝ tsǝk agir kat ɓǝa pang nǝ ɓoaro, ace lidǝmbǝa mala aɓwana mǝnana à kǝ earce ka, aɓwana male mǝnana tunǝia ace kpata kane male ka.

1 Amǝ Korinti 13:1

Ɓǝ̀ mǝ gandǝ na cau nǝ akún mǝnana a ɓanza kat andǝ akún mala amǝturonjar, sǝ ǝn panǝ earcearǝu raka, ǝn dumǝna gonggwang mǝ loasǝbani, ko ana raka, ǝn dumǝna kuli mala amǝ'ntul.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Amǝ Ibǝru 12:15

Wu parkir wun, kǝɓwa ɓǝ̀ kǝa gatti kum ɓwamuru mala Ɓakuli ɗang. Ce wu eare nlerǝ bumkpǝmna to aɓalǝ wun, mana nǝ̀ yinǝ tanni, sǝ nǝ̀ tsǝk aɓwana pas ɓǝa pǝndǝki ka ɗang.

1 Yohana 2:19

Amǝnia yì aɓwana ka, à ma'sǝm na ɗang, nda gir mǝnana tsǝa sǝ à nying sǝm ngga. Ɓǝ̀ yia ka à ma'sǝm na ka, ɓǝ́ à dumǝna ata sǝm. À nying sǝm ace mǝnana ɓǝ̀ lǝmndǝ bwāng ama yia ka à ma'sǝm na raka.

Sǝna 3:19

Aɓwana mǝnana kat ǝn earcea ka, ǝn nggǝ sâ rǝia, sǝ ǝn nggǝ kwarkiria. Ace mǝno ka, pak bumkiɗikea, sǝ wu pǝlǝ nzǝmo arǝ aɓealɓikea mo nǝ ɓabumo kat!