Yohana 15:16 - Maləmce Məfele mala Ɓakuli: Kurcau Məbəshe

¹⁶ Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Yohana 15:16 ပူးပေါင်းရင်းမြစ်များ

Matiu 21:22

Gir mǝnana kat wu zǝmbǝa aɓa hiwi nǝ paɓamuru ka, wu nǝ̀ kumi.”

Matiu 7:7

Wu zǝmbǝa aban Ɓakuli, nǝ̀ pa wun; wu alte a bu Ɓakuli, wu nǝ̀ kumo; wu wali Ɓakuli kunkurǝm, nǝ̀ mǝnba wun.

Luka 6:13

Ban fana ka tunǝ alaggana male rambǝia pǝlǝa tàr lum-nong-ɓari mǝnana tunǝia ama amǝ'mishan ngga.

Yohana 13:18

Ən pa aban na cau amur wun kat ɗang, acemǝnana ǝn surǝna rǝ aɓwana mǝnana ǝn tarkia ka. Sǝ cau mǝnana Malǝmce mala Ɓakuli bangŋa ama, “Kǝ yì, yì ɓwa mǝnana oasǝ bui atam a kwar ka nda pǝlǝ a rǝam ngga,” dumǝna púp nǝ̀ lumsǝo.

Yohana 15:19

Ɓǝ̀ wu ndaka mala ɓanza ka, ɓanza nǝ̀ earce wun kǝla amale. Sǝ ado ka wu ndaka mala ɓanza ɗang. Acemǝnana ǝn tarki wun ɓǝ̀ wu puri ɓa ɓanza ka, nda tsǝa sǝ ɓanza kǝ ɓinǝmǝsǝ wun ngga.

Yohana 15:5

Mǝ nda nggun-anap, sǝ wu nda ka bu-nggun. Ɓǝ̀ ɓwa do a ɓalǝam, sǝ ǝn do a ɓālǝi ka, nǝ̀ pusǝ ɓǝle kpǝm. Ɓǝ̀ nǝ́ mim raka pà wù nǝ̀ gandǝ pak ɓe kǝgir ɗang.

Yohana 6:70

Pǝlǝa Yesu pa eare ama, “Ən tar wun, wun lum-nong-ɓari. Sǝ ɓeɓwa ata wun ngga shetan na!”

Amǝ Mishan 1:24

Pǝlǝa à pak hiwi ama, “We Mǝtalabangŋo, mǝnana surǝ ɓabum koyan kat ka, lǝmndǝa sǝm yana a twalo aɓalǝ aɓwana mǝnia ɓari ka,

Amǝ Mishan 1:8

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Amǝ Mishan 10:41

Pusǝrǝi aban ɓwapǝndǝa kat ɗang, kǝ sǝm mana Ɓakuli ak dǝmbǝa tarki sǝm ama ɓǝ̀ sǝm duk amǝnakun male, yì sǝm mana anzǝm loapi ɓembe male, sǝm lili sǝnǝia, sǝm nu sǝnǝia ka, sǝm nda.

Amǝ Mishan 22:14

Pǝlǝa na ama, “Ɓakuli mala aká sǝm tàrrǒ ace mǝnana wu surǝ kànì male. Tàrno wu sǝn Ɓwa male Mǝɓealɓoarna, yì Mǝ'amsǝban, sǝ wu ok gi aban na cau.

Amǝ Mishan 9:15

Mǝtalabangŋo ne Hananiya ama, “Kyane, mǝnia yì ɓwa ka, ǝn tarì girturo mem na, ɓǝ̀ kyan nǝ lullǝam aban aɓwana arǝ anzali, andǝ amurǝma, andǝ ban amǝ Isǝrayila.

Amǝ Roma 1:13

Wun amǝ'eambǝam, ǝn nggǝ earce ɓǝ̀ wu sǝlǝ ama ǝn kànì a ɓabumam kusǝ pas mǝ nǝ ká a sǝn wun, sǝ ǝn kum njar ɗang, ba ado. Ən nggǝ earce yinǝ aɓwana aɓalǝ wun aban Yesu, kǝla mǝnana ǝn kum aɓea aɓwana aɓalǝ akún arǝ aɓea anzali ka.

Amǝ Roma 1:5

Nǝ ban Kǝrǝsti sǝ Ɓakuli pa sǝm ɓwamuru andǝ ɓoro mala do mǝ'mishan, ɓǝ̀ sǝm ne aɓwana arǝ anzali a koya ban ngga, gir mǝnana Ɓakuli pa acea ka, ace mǝnana ɓǝa paɓamuria, ɓǝa oki wi sǝ anggo ka lullǝi ɓǝ̀ kum gulo.

Amǝ Roma 15:4

Agir mǝnana à gilǝia kat aɓa Malǝmce ɗiɗyal ka, à gilǝia ace kwarkir sǝm, ace mǝnana nǝ ɓakɓabum andǝ munyi mǝnana sǝm nǝ̀ kumo aɓa cau mala Malǝmce ka, sǝm nǝ̀ dum nǝ tsǝkɓalǝu.

Amǝ Roma 9:21

Mǝɓaki-ankwaring ngga, pà nǝ́ rǝcandǝa mǝnana nǝ̀ ɓak nkwaring ace turo mǝgule andǝ nkwaring ace ko ya turo nani ka, aɓa ɗuro-dǝɓang mǝ'mwashati re?

1 Amǝ Korinti 10:11

Amǝnia yì agir kumia ka, à dumǝna sǝm agirkani, sǝ à gilǝia ace nunkir sǝm, sǝm mǝnana ado masǝlǝata anza yina amur sǝm ngga.

Amǝ Galati 1:15

Sǝ kani ama à nǝ̀ ɓǝlam ngga, Ɓakuli taram, sǝ tunǝam aɓata ɓwamuru male. Banɓoari wi

Amǝ Afisu 2:10

Sǝm nda ka aturobu mǝgule mala Ɓakuli. Yì ka, pusǝ sǝm abǝshe aɓa kpapi ma'sǝm sǝnǝa Kǝrǝsti Yesu, ace pakki aturo mǝɓoarne mǝnana ak dǝmbǝa cia ace sǝm ngga.

Amǝ Kolosi 1:23

Sǝa ma dumǝna púp wu nǝ̀ lidǝmbǝa nǝ earnǝ mǝno yì mǝsǝcau ka, andǝ tamsǝ kusǝ wun kàngkàng amuri. Wu kǝa tusǝ kusǝ wun arǝ tsǝkɓalǝu mǝnana wu oe aɓa Cau Amsǝban ngga ɗang. Mǝnia yì Cau Amsǝban ngga à hamǝna nǝi a koya bum-ban a ɓanza, sǝ àkǝ̀ ce sǝ mim Bulǝs ka, ǝn duk guro mala Ɓakuli, ace hamnǝi.

Amǝ Kolosi 1:6

mana à yinanǝi aban wun ngga. Mǝnia yì Cau Amsǝban ngga, nda ban mǝsǝe a ɓanza kat. Nda ban pusǝ ɓealǝu a koya ban, kǝ nggaɗi do mala aɓwana kǝla mǝnana nggaɗi do ma'wun, a pwari mǝnana wu tita o sǝ wu bwalta mǝsǝcau amur ɓwamuru mala Ɓakuli ka.

1 Timoti 2:7

Àkǝ̀ ce mani sǝ à taram kǝla mǝhama andǝ mǝ'mishan, mǝ kani aɓwana mala acili anzali gir, amur paɓamuru andǝ mǝsǝcau. Mǝnia ka nyir na ǝn nakiyi ka ɗang, nggearǝ mǝsǝcau na ǝn nggǝ na ka.

2 Timoti 1:11

Sǝ Ɓakuli twalam ɓǝn duk mǝ hamnǝ cau male, andǝ mǝ'mishan, andǝ mǝkanigir mala mǝnia yì Cau Amsǝban.

2 Timoti 2:2

Sǝ kanigir mǝnana a oe a kunam a ɓadǝmbǝ amǝnakun pas ka, twali, kani aɓwana amǝ'mǝsǝcau nì mǝnana à nǝ̀ gandǝ tasǝi aban ká aban aɓea aɓwana gbal ka.

Titus 1:5

Gir mǝnana tsǝa sǝ ǝn nyio a luran Kǝreti ka, nda mǝnana ama wu masǝlǝata pakki aturo mǝnana ɓoaro ɓǝa pea ka, sǝ wu twal aɓwana aɓa koya la, wu cia ɓǝa duk aɓwana-mǝgule mala turo mala Ɓakuli. Kǝla mǝnana ǝn banggo ka,

Amǝ Ibǝru 11:4

Habila pà ɓamuri aban Ɓakuli sǝ pè Ɓakuli gir'nkila mǝɓoarne mǝnana kuti mana Kayinu pà ka. Ace paɓamuru male sǝ Ɓakuli ɓwangsǝi ama yì ka, mǝ'cauɓoarna na, lang yi na mǝɓoarne amur aɓoro male ka. Ko kat andǝ amani ama Habila wuna ka, kǝ bangga sǝm cau piu nǝ paɓamuru male.

Jemis 3:18

Aɓwana mǝnana amǝ yinǝ dotarǝu na aɓa rǝpwala ka, aturo malea nǝ̀ tsǝk aɓwana ɓǝa kǝ pak agir mǝɓoarne mǝnana Ɓakuli earkiyicea ka.

1 Bitǝrus 3:15

Wun ngga, wu kǝ pe Kǝrǝsti gulo a ɓabum wun, ɓǝ̀ duk Mǝtala wun. Wu do aɓa gilǝrǝu ko aya pwari ka, ace bǝli ko ya ɓwa na ɗi wun ce tǝ́r tsǝkɓalǝu mǝnana wu ndanǝi aɓa kwaɗi ma'wun ngga.

1 Bitǝrus 3:2

acemǝnana à nǝ̀ sǝn pagulo, andǝ ɓealǝu mǝɓoarne ma'wun.

1 Yohana 4:10

Mǝnia ka, nda nggearǝ earcearǝu: Sǝm nda mǝnana sǝm earce Ɓakuli ka ɗang, yì nǝ̀ earce sǝm, sǝ tur Muni ɓǝ̀ yi duk gir'nkila ace twal acauɓikea ma'sǝm.

1 Yohana 4:19

Sǝm nggǝ lǝmndǝ earcearǝu, acemǝnana Ɓakuli na tita lǝmndǝa sǝm earcearǝu ka.