Yohana 15:10 - Maləmce Məfele mala Ɓakuli: Kurcau Məbəshe

¹⁰ Ɓǝ̀ wu kpata anzongcau mem ngga, wu nǝ̀ do aɓa earcearǝu mem, kǝla mǝnana ǝn kpata anzongcau mala Tárram sǝ ǝn do aɓa earcearǝu male ka.

Yohana 15:10 ပူးပေါင်းရင်းမြစ်များ

Yohana 10:18

Kǝɓwa pà nǝ̀ twal yilǝmem a rǝam ɗang. Ən nggǝ pa yilǝmem nǝ eare mem. Mǝ ndanǝ rǝcandǝa mǝ nǝ pà yilǝmem, sǝ mǝ ndanǝ rǝcandǝa mǝnana mǝ nǝ é ɗǝm ngga. Mǝnia ka nda nzongcau mǝnana Tárram pam ama ɓǝ̀ ǝn pak ka.

Yohana 12:49

Agir mǝnana kat ǝn nggǝ kania ka, à pà aɓa rǝcandǝa mem ɗang, Tárram mǝnana tasǝam ngga, nǝ̀ pam nzongcau arǝ mana ɓǝn na sǝ lang sǝ mǝ nǝ ne.

Yohana 14:15

Ɓǝ̀ wu kǝ earcem ngga, wu nǝ̀ kpata anzongcau mem.

Yohana 14:21

Ɓwa mǝnana kat ak anzongcau mem sǝ kǝ kpatea ka, nda ɓwa mǝnana kǝ earcem ngga. Sǝ ɓwa mǝnana kǝ earcem ngga, Tárram nǝ̀ earce ɓwe, sǝ mim gbal ka mǝ nǝ earce, mǝ nǝ lǝmndǝ ɓamuram abani.

Yohana 14:23

Yesu eari wi ama: Ɓwa mǝnana kat earcem ngga, nǝ̀ kpata kanigir mem, Tárram nǝ̀ earce, sǝ mim sǝnǝ Tárram ka, sǝm nǝ̀ yiu abani sǝm nǝ̀ do ate.

Yohana 14:31

Mǝ nǝ pak gir mǝnana Tárram banggam ɓǝ̀ ǝn pak ka, ace mǝnana ko yan a ɓanza ka ɓǝ̀ sǝlǝ ama ǝn nggǝ earce Tárram. Wu lo, ɓǝ̀ sǝm o.

Yohana 17:4

Ən yinǝno nǝ́ gulo a ɓanza man, acemǝnana ǝn malǝna turo mo mana a pam ama ɓǝn pe ka.

Yohana 4:34

Yesu nea wia ama: Girlina mem nda ɓǝn pak gir mǝnana Tárram mana turam ngga earkiyi ce, sǝ ɓǝn masǝlǝta turo male mǝnana pam ɓǝn pe ka.

Yohana 8:29

Ɓwa mǝnana tasǝam ngga nda atam; nyem nǝmurǝam ɗang. Acemǝnana koya pwari ka ǝn nggǝ pak gir mǝnana kǝ pwasǝbumi ka.”

Yohana 8:55

Wun ngga wu surǝì ɗang, sǝ mim ngga ǝn surǝì. Ɓǝ̀ ǝn na ama ǝn surǝì raka, mǝ nda mǝ'nyir kǝla wun. Sǝ mim ngga ǝn surǝì, sǝ ǝn nggǝ kpata cau male.

1 Amǝ Korinti 7:19

Acemǝnana ko à kasǝi ɓwa ɓate, ko à kasǝi wi ɓate ɗang, mǝnia ka kǝ lǝmndǝ ɓe kǝgir ɗang. Gir mǝnana à nǝ̀ na ce ka, nda cau mala bwal anzongcau mala Ɓakuli.

1 Amǝ Tasalonika 4:1

Sǝ ado ka, wun amǝ'eam sǝm, wu kumǝna kwarkiru nǝ bu sǝm amur njar mǝnana ɓoaro wu nǝ̀ dukdo sǝ ɓabum Ɓakuli nǝ̀ pwasǝ a rǝì ka. Sǝ ado mǝnana wu ndarǝ duk ulang mǝno yì do ka, sǝm nggǝ zǝmbǝa wun nǝ kwarkiru mǝcande aɓa lullǝ Mǝtalabangŋo Yesu, wu lidǝmbǝa nǝi aɓa pe anggo andǝ mǝnana kuti mǝno ka ko aya pwari, aban káne a dǝmbǝa.

Amǝ Ibǝru 7:26

Ulang mǝnia yì Pǝris Mǝgule, yì Yesu ka, nda sǝm earkiyice ka. Acemǝnana yì ka, ɓwa mǝfele na, panǝ cau a rǝì ɗang, kǝ pak cauɓikea ɗang, sǝ yì ka, Ɓakuli tarrì ci ɗàng nǝ amǝ'cauɓikea. Adyan ngga, Ɓakuli pani wi gulo amur agir kat a kuli.

2 Bitǝrus 2:21

Ɗwanyi surǝ njar mala do ɓealɓoarna malea ka ɓǝ́ ɓoarǝni banì amur mǝnana à surǝni sǝ à pǝlǝ nzǝmia arǝ nzongcau mǝfele mǝnana à pea wia ka.

1 Yohana 2:3

Ani sǝ sǝm nǝ̀ sǝla ama sǝm surǝna rǝ Ɓakuli, ɓǝ̀ sǝm nggǝ kpata anzongcau male ka.

1 Yohana 2:5

Sǝ ɓwa mǝnana kat kǝ kpata cau mala Ɓakuli ka, earcearǝu mala Ɓakuli lumsǝna a ɓalǝi ɓafo. Anggo sǝ sǝm sǝlǝ ama sǝm nda aɓa dotarǝu sǝnǝa Ɓakuli.

1 Yohana 2:6

Ɓwa mǝnana bangŋa ama nda aɓa dotarǝu andǝa Ɓakuli ka, dumǝna ama nǝ̀ dukdo mǝnana Yesu duk ka.

1 Yohana 5:3

Acemǝnana earce Ɓakuli ka nda kpata anzongcau male. Sǝ anzongcau male ka, kpatea kwan ɗang.

Sǝna 22:14

Aɓwana mǝnana à kǝ lákkí anggea-daura malea, à do aɓa ɓoarnsari mala ɓabum ngga, à ndanǝ tsǝkbu. Ɓakuli nǝ̀ nyinggia wia ban arǝ kunɓala ɓǝa kutio aɓa yì nggeala sǝ ɓǝa li ɓǝlanggun mala nggun yilǝmu.