Yohana 15:1 - Maləmce Məfele mala Ɓakuli: Kurcau Məbəshe

¹ Mǝ nda nggun anap mǝ'mǝsǝcau nì, sǝ Tárram nda mǝtsǝkkir ɓaban.

Yohana 15:1 ပူးပေါင်းရင်းမြစ်များ

Matiu 15:13

Sǝ Yesu pǝlǝia wia ama, “Ɓǝ̀ ya girpwala nani à pandǝi mǝnana Tárram mana a kuli ka nǝ̀ pandǝi raka, à nǝ̀ ui.

Matiu 20:1

Yesu lidǝmbǝa nǝ kanigir male ama: À nǝ̀ kànì Domurǝm mala kuli arǝ ɓe mǝtala ɓaban mǝnana pur nǝ dǝmbari ɗiɗyal ace alta amǝturo ɓǝa kya pakki wi turo a ɓaban male ka.

Matiu 21:33

Wu kwaki kir wun arǝ ɓe kanicau. Ɓe mǝ'rya tsǝk ɓaban anap, kàrǝì nǝ nkandan, tǝm tūli kamnggi anap a ɓalǝi sǝ ɓak ban mǝdāre ace mǝ'yale. Nyinggi aɓea amǝ'rya a buia ɓǝa kǝ sǝnbi wi, pǝlǝa o a bǝri.

Markus 12:1

Yesu tita kania wia gir nǝ kanicau ama: Ɓe ɓwa tsǝk ɓaban nggun anap. Kàrǝì nǝ nkandan, sǝ tǝm tūli aɓa tali ace kambǝ mur ɓǝlanggun anap. Ɓak ban mǝdāre mǝnana à nǝ̀ nggǝ cam amuri aban yal ɓaban ngga. Pǝlǝa nyesǝ ɓaban nì pana haya nǝi a bu amǝ'rya, sǝ kutio o a bǝri a ɓe nzali.

Luka 13:6

Pǝlǝa Yesu nea wia mǝnia yì kanicau ka ama: Ɓe ɓwa na nǝ nggun vwari a ɓaban male. Waria alta ɓǝle sǝ ko kya kum ɗang.

Yohana 1:17

Ɓakuli pa sǝm Nggurcau nǝ bu Musa, sǝ nǝ bu Yesu Kǝrǝsti sǝ pa sǝm ɓwamuru andǝ mǝsǝcau.

Yohana 1:9

Tǎlaban mǝ'mǝsǝcau nì, mǝnana kǝ ta aban ɓwapǝndǝa kat ka, ndo kǝ yiu a ɓanza ka.

Yohana 15:2

Ko ya bu-nggun a ɓalǝam mǝnana kǝ pa ɓǝle raka, kǝ kasǝi kǝ turi a nzali, sǝ abu-nggun mǝnana à kǝ pa ɓǝlea ka, kǝ gilǝkicea ace mǝnana ɓǝa ɓoaro ɓǝa pa ɓǝlea kpǝm ngga.

Yohana 6:32

Yesu nea wia ama, “Mǝ nda ban bangga wun mǝsǝcau, Musa nǝ̀ pa wun girlina mǝnana pur a kuli ka ɗang, Tárram na pà wun ngga. Sǝ adyan ngga ndya kǝ pà wun girlina mǝ'mǝsǝcau nì mǝnana pur a kuli ka.

Yohana 6:55

Acemǝnana nyam nggūrǝam ngga girlina mǝ'mǝsǝcau nì na, sǝ nkilem ngga gir nuna mǝ'mǝsǝcau nì na.

Amǝ Roma 11:17

Ɓakuli ginǝkina pas ata amǝ Yahudi kǝla mǝnana à kǝ kpalǝki abu nggun ngga. Sǝ wun aɓwana mǝnana amǝ Yahudi na raka, wun mǝnana Ɓakuli angŋǝna wun ngga, wu nda kǝla abu-nggun muru-bondo mǝnana à zwaɓia arǝ nggun-ɓala ka. Wu angŋa ban came mala aɓea bu-nggun mǝnana à kpalǝkia arǝ nggun-muru-ɓala ka. Ace mani ka, wu ongŋǝna banɓoarna tsǝkbu mala Ɓakuli mǝnana pa ace Ibǝrayim andǝ amǝkè ka.

1 Amǝ Korinti 3:9

Sǝm ngga sǝm ndaka amǝturo sǝnǝa Ɓakuli. Sǝ wun ngga, wu nda ka ɓaban mala Ɓakuli mǝnana rikiyi ka. Ɗǝm ngga, wu nda ka ɓah mala Ɓakuli mǝnana ɓakkiyi ka.

1 Yohana 2:8

Kat andǝ amani ka, mǝ nda aban gilǝa wun bǝsa nzongcau ado. Mǝsǝcau mala nzongcau mǝnia ka, à sǝnǝni aɓa Kǝrǝsti sǝ à sǝnǝni gbal arǝ wun. Acemǝnana pǝndǝa na aban o, sǝ tǎlaban mǝ'mǝsǝcau nì ka, nda aban tá ado.