Yohana 14:30 - Maləmce Məfele mala Ɓakuli: Kurcau Məbəshe

³⁰ Pà mǝ nǝ samsǝ ban cau mǝnana mǝ nǝ na wun ngga ɗǝm ɗang, acemǝnana murǝm mala ɓanza man ndya kǝ yiu ka, sǝ pànǝ rǝcandǝa a muram ɗang.

Yohana 14:30 ပူးပေါင်းရင်းမြစ်များ

Luka 1:35

Mǝturonjar eari wi ama, “Bangŋo mala Ɓakuli nǝ̀ sulǝ a muro. Rǝcandǝa mala Ɓakuli mana Karban nǝ Gulo kat ka, nǝ̀ yia zuppi a muro, sǝ Muna Mǝfele mǝnana a nǝ ɓǝli ka, à nǝ̀ tunǝi ama, Muna mala Ɓakuli.

Luka 22:53

Ko aya pwari ka mǝ nda ata wun aɓa Ndàmǝgule mala Ɓakuli, sǝ wu loasǝ kun wun a rǝam ɗang. Sǝ bu-pwari man she ka ma'wun na, andǝ mala rǝcandǝa mala pǝndǝa.”

Yohana 12:31

Pwari mala pakkî mǝnia yì ɓanza ɓashi ka, karǝna; ado sǝ Ɓakuli ak murǝm arǝ Shetan, yì murǝm mala ɓanza man.

Amǝ Mishan 1:3

Anzǝm tanni andǝ lú mala Yesu ka, yi long nǝ yilǝmu ɗǝm. Aɓalǝ anongŋo lumi-ine, pusǝrǝi kusǝ pas aban alaggana male, arǝ anjar ɗàngɗáng mǝnana lǝmndǝia wia ama kàngkàng longŋǝna ndanǝ yilǝmu ka. À sǝni nǝ mǝsǝia sǝ bangcau nǝia amur Domurǝm mala Ɓakuli.

2 Amǝ Korinti 4:4

Shetan, mǝnana ginggiyi nǝ nza man ngga songŋǝna pǝndǝa aɓa ɗenyicau mala amǝ ɗwanyi earnǝ Cau Amsǝban, ace mǝnana ɓǝa kǝa kum sǝn tǎlaban mala Cau Amsǝban amur ɓoarɓwa mala Kǝrǝsti, mana ndà purban mala Ɓakuli ka, ɗang.

2 Amǝ Korinti 5:21

Ɓakuli tsǝk Kǝrǝsti, mǝnana panǝ cauɓikea raka, pǝlǝ cauɓikea ace sǝm, ace mǝnana a ɓalǝi ka, sǝm nǝ̀ pǝlǝ amǝ'cauɓoarna aban Ɓakuli.

Amǝ Afisu 2:2

Amǝno yia apwari ka, wu kǝ dukiado ma'wun aɓa cauɓikea kǝla mǝnana acili amǝ ɓanza kǝ pa, aban kpata Shetan, mana ginggi nǝ ɓanza mana à sǝnggiyi raka, sǝ bangŋo male na kǝ pak turo aɓalǝ aɓwana mǝnana à kǝ oki Ɓakuli raka.

Amǝ Afisu 6:12

Acemǝnana munǝo ma'sǝm ngga, pa arǝ ɓwapǝndǝa ɗang. Munǝo ma'sǝm ngga, nda arǝ amurǝma ɓa bangŋo mǝɓike andǝ amǝ'yalmuru mǝɓike mala ɓanza mǝnana à sǝnggiyi raka, andǝ arǝcandǝa mala abangŋo ɓa pǝndǝa mǝnana à ginggi nǝ ɓanza man, andǝ akukwar mǝɓike mǝnana nǝ bumkuli ka.

Amǝ Kolosi 1:13

Acemǝnana amsǝna sǝm aɓata parban mala Shetan, sǝ yina nǝ sǝm aɓa Domurǝm mala Muni mǝnana earkiyi ace raka,

Amǝ Ibǝru 4:15

Mǝnia yì Pǝris Mǝgule sǝm ndanǝi ka, sǝlǝna nǝ́ arǝwukia ma'sǝm, acemǝnana yì nǝ nggearǝì ka, kutina aɓalǝ àkǝ̀ mǝnia yì akárǝkiban mǝnana à kǝ kum sǝm ngga, a koya njari, kat andǝ amani ka, ko pak cauɓikea ɗang.

Amǝ Ibǝru 7:26

Ulang mǝnia yì Pǝris Mǝgule, yì Yesu ka, nda sǝm earkiyice ka. Acemǝnana yì ka, ɓwa mǝfele na, panǝ cau a rǝì ɗang, kǝ pak cauɓikea ɗang, sǝ yì ka, Ɓakuli tarrì ci ɗàng nǝ amǝ'cauɓikea. Adyan ngga, Ɓakuli pani wi gulo amur agir kat a kuli.

1 Bitǝrus 1:19

Nda nǝ nkila mǝɓoarne mala Kǝrǝsti, Mǝgam mala Ɓakuli, mǝnana cauɓikea ko kǝgir mǝɓane pa a rǝì raka.

1 Bitǝrus 2:22

“Yì ka, pak kǝ cauɓikea ɗang, sǝ swarkiban pa a kuni ɗang.”

1 Yohana 4:4

Wun amunem ngga, wu nda ka mala Ɓakuli, sǝ wu lina murǝm amuria, acemǝnana yi Ɓwa mǝnana aɓalǝ wun ngga, kuti ɓwa mǝnana a ɓanza ka.

1 Yohana 5:18

Sǝm sǝlǝna ama ɓwa mǝnana kat ɓǝlban mala Ɓakuli na ka, pà nǝ̀ lidǝmbǝa nǝ pak cauɓikea ɗang. Yì ka, Muna mala Ɓakuli nǝ̀ dupi wi ntongŋo, Shetan pà nǝ̀ gandǝ je ɗang.

1 Yohana 5:19

Sǝm sǝlǝna ama sǝm ndaka amuna mala Ɓakuli, sǝ sǝm sǝlǝna gbal ama acili aɓwana a ɓanza kat ka à nda ɓata rǝcandǝa mala Mǝɓealɓikea.

Sǝna 12:9

Nda à ramta mǝnia yì nggea kaɓǝne Dǝragon, mǝno yì share n'yau mǝnana à tunǝki ama Mǝɓealɓikea sǝ Shetan, mǝnana kǝ swarkita aɓwana kat aɓa ɓanza ka. Yì Dǝragon ngga andǝ amǝturonjar male kat, à ramtea a kuli à yì kpa a nzali a ɓanza!