Yohana 14:27 - Maləmce Məfele mala Ɓakuli: Kurcau Məbəshe

²⁷ Mǝ ndya ǝn nggǝ nying wun nǝ dorǝpwala ka. Sǝ mǝnia yì dorǝpwala ǝn pākiyi ka, ɓanza pànǝi nǝ̀ pà ɗang. Ace mani ka, ɓǝ̀ ɓabum wun ɓǝ̀ kǝa kiɗiki ɗang, sǝ ɓangciu ɓǝ̀ kǝa pakka wun ɗang.

Yohana 14:27 ပူးပေါင်းရင်းမြစ်များ

Matiu 10:26

Ace mani ka ɓangciu ɓǝ̀ kǝa pakka wun arǝ aɓwana ɗang. Gir mǝnana à mbuɓɓǝ́ki te ado ka te nǝ̀ ngga puro, sǝ kǝgir pà kàm mǝnana sǝmbǝrǝa sǝ à pà nǝ̀ sǝlǝce raka.

Luka 1:79

ace pà tǎlaban aban aɓwana mǝnana à do aɓa pǝndǝa andǝ yinggǝli lú ka, ace yal kusǝ sǝm aɓa ká tanjar mala dorǝpwala.

Luka 10:5

Ko ya ɓala na wu kuti kam ngga, wu tite nǝ na ama, “Ɓǝ̀ dorǝpwala sulǝo a ɓala man.”

Luka 12:4

Ən nggǝ na wun, wun agyajam mem, wu kǝa ɓanggi aɓwana mǝnana à nǝ̀ wal lú ɓwa, sǝ anzǝmi ka à pànǝ kǝgir mǝnana à nǝ̀ pak ka ɗang.

Luka 2:14

“Nokiban aban Ɓakuli akano a kuli, sǝ a ɓanza ka dorǝpwala aban aɓwana mǝnana à kǝ pwasǝ ɓabumi ka!”

Yohana 14:1

“Ɓǝ̀ ɓabum wun ɓǝ̀ kǝa kiɗiki ɗàng. Wu pà ɓamur wun aban Ɓakuli, sǝ wu pà ɓamur wun gbal abanam.

Yohana 16:33

Ən bangga wun amǝnia yì acau ka, acemǝnana a ɓalǝam ngga wu nǝ̀ kum dorǝpwala. Aɓa mǝnia yì ɓanza ka, wu nǝ̀ kum patanni, Sǝa ma ɓabum wun ɓǝ̀ kǝa ɓunggi ɗang! Ən linamurǝm amur ɓanza!

Yohana 20:19

Nǝ pwarikpǝra a mǝno yì pwari a nzǝm pwari Sabbat ka, alaggana mala Yesu na a tarǝia aɓa kurǝm. À girki akunkurǝm acemǝnana à kǝ ɓanggi aɓwana-mǝgule mala amǝ Yahudi. Ɓalǝia ama nǝ̀ kasǝ ka, kara à sǝn Yesu purna, camǝna aɓalǝia, sǝ nea wia ama, “Ɓǝ̀ rǝ wun pwalo.”

Yohana 20:21

Yesu banggia wia ɗǝm ama, “Ɓǝ̀ rǝ wun pwalo. Kǝla mǝnana Tárram turam ngga, anggo gbal sǝ ǝn nggǝ tur wun.”

Yohana 20:26

Anzǝm nongŋo tongno-nong-tārú ka, alaggana na ɗǝm a tarǝia a ɓala andǝ Toma, sǝ akunakurǝm ngga à girkinia kat; kara Yesu yi cam ɗǝm aɓalǝia sǝ bangŋa ama, “Ɓǝ̀ rǝ wun pwalo.”

Amǝ Mishan 10:36

Wu surǝna cau mǝnana Ɓakuli tasǝnaban nǝi aban amǝ Isǝrayila, kǝ nea wia Cau Amsǝban andǝ dorǝpwala nǝban Yesu Kǝrǝsti, yi mǝnana nda Mǝtalabangŋo kat ka.

Amǝ Mishan 18:9

Aɓe fara nǝ du ka, Mǝtalabangŋo na cau nǝ Bulǝs aɓa sǝnǝ aɓa Bangŋo ama, “Ɓangciu ɓǝ̀ kǝa pakko ɗang, sǝ kǝa na ama a nǝ nying hamnǝ cau mala Ɓakuli ɗang,

Amǝ Roma 1:7

Ən nggǝ gilǝa wun, wun kat a Roma, mǝnana Ɓakuli earce wun sǝ tunǝ wun ɓǝ̀ wu duk amale ka. Ɓǝ̀ Ɓakuli Tar sǝm andǝ Mǝtalabangŋo Yesu Kǝrǝsti, pa wun ɓwamuru andǝ dorǝpwala.

Amǝ Roma 15:13

Ɓǝ̀ Ɓakuli mǝpà tsǝkɓalǝu lumsǝ wun nǝ banɓoarnado, andǝ dorǝpwala, aɓa paɓamuru ma'wun abani, ace mǝnana ɓǝ̀ wu lumsǝ nǝ tsǝkɓalǝu nǝ bu rǝcandǝa mala Bangŋo Mǝfele.

Amǝ Roma 5:1

Acemǝnana ado ka sǝm kumǝna akban aban Ɓakuli ata cau mala paɓamuru ka, sǝm ndanǝ dorǝpwala a nre sǝm sǝnǝa Ɓakuli nǝ bu Mǝtala sǝm Yesu Kǝrǝsti.

Amǝ Roma 5:10

Kat aɓa do ma'sǝm ɗiɗyal mǝnana sǝm ndaka aɓibura mala Ɓakuli ka, à yì gilǝki nre sǝm sǝnǝa Ɓakuli nǝ lú mala Muni mana yi wú ace sǝm ngga. Ɓǝ̀ mǝno ka yi pa anggo ka, lǝmndǝ ama kàngkàng aɓa pe mǝnana kuti mǝno ka, sǝm nǝ̀ kum auwa, mǝnana ado ka à yina nǝ sǝm aɓa dotarǝu sǝnǝa Ɓakuli ka. Acemǝnana yì Muna mala Ɓakuli ka ndakam nǝ yilǝmu.

Amǝ Roma 8:6

Ɓǝ̀ nggūrǝu na kǝ gingnǝ ɗenyicau ma'wun, masǝlǝate ka lú na. Sǝ ɓǝ̀ Bangŋo na kǝ gingnǝ ɗenyicau ma'wun, masǝlǝate ka yilǝmu na andǝ dorǝpwala.

1 Amǝ Korinti 1:3

Ɓǝ̀ Ɓakuli Tar sǝm, andǝ Mǝtalabangŋo Yesu Kǝrǝsti pa wun ɓwamuru andǝ dorǝpwala.

Amǝ Galati 1:3

Ɓǝ̀ Ɓakuli Tar sǝm andǝ Mǝtalabangŋo Yesu Kǝrǝsti, lǝmndǝa wun ɓwamuru andǝ dorǝpwala.

Amǝ Galati 5:22

Sǝ ɓǝ̀ Bangŋo Mǝfele na ginggi nǝ sǝm ngga, nǝ̀ pusǝ amǝnia yia aɓealǝu ka aɓalǝ sǝm: earcearǝu, andǝ bumpwasǝa, andǝ dorǝpwala, andǝ munyi, andǝ tsǝkir ɓwa, andǝ pemǝɓoarne, andǝ do'amurmǝsǝcau,

Amǝ Galati 6:16

Ɓǝ̀ dorǝpwala andǝ ɓwamuru mala Ɓakuli do ata aɓwana mǝnana à kǝ kpata mǝnia yì nzongcau ka. Yia ka, à nda ka amǝ Isǝrayila mǝbǝshe mala Ɓakuli.

Amǝ Filipi 4:7

Sǝ dorǝpwala mala Ɓakuli, mǝnana kǝɓwa pà nǝ̀ bwalte raka, nǝ̀ bwal ɓabum wun andǝ ɗenyicau ma'wun aɓa Kǝrǝsti Yesu.

Amǝ Kolosi 1:2

Aban ká aban aɓwana mala Ɓakuli mǝnana a nggeala mala amǝ Kolosi, yia amǝ'eamrǝarǝu aɓa Kǝrǝsti mǝnana à dum nǝ mǝsǝcau aban Ɓakuli ka. Tár sǝm Ɓakuli ɓǝ̀ pa wun ɓwamuru andǝ dorǝpwala.

Amǝ Kolosi 1:20

sǝ nǝ ban Muni ka ɓǝ̀ gilǝki tárǝu mala agirbunda kat andǝi. Nǝ nkila mala Muni mǝnana sukki amur nggun-gangndi ka, yina nǝ dorǝpwala, ace mǝnana agir kat mǝnana a kuli andǝa mǝnana a nzali ka, à nǝ̀ nyesǝia aban Ɓakuli.

Amǝ Kolosi 3:15

Sǝ wu nying dorǝpwala mǝnana pur nǝban Kǝrǝsti ka, ɓǝ̀ ak ɓabum wun. Acemǝnana kǝla nggūrǝu mǝ'mwashati ka, à tunǝ wun ace dorǝpwala. Koya pwari ka wu kǝ pak yàwá.

2 Amǝ Tasalonika 1:2

Ɓǝ̀ ɓwamuru andǝ dorǝpwala mala Ɓakuli Tár sǝm andǝ Mǝtalabangŋo Yesu Kǝrǝsti, do ata wun.

2 Amǝ Tasalonika 3:16

Ado ka, ɓǝ̀ Mǝtala dorǝpwala nǝ ɓamuri, pa wun dorǝpwala ko aya pwari, a ko ya njargula kat. Mǝtalabangŋo ɓǝ̀ do ata wun kat.

2 Timoti 1:7

Acemǝnana Bangŋo mana Ɓakuli pa sǝm ngga, mala ɓangciu na ɗang. Bangŋo mǝnana pa sǝm ngga, mala rǝcandǝa na andǝ earcearǝu andǝ bwalɓamuru.

Amǝ Ibǝru 13:20

Ɓǝ̀ Ɓakuli mala dorǝpwala, mǝnana loasǝ Mǝtala sǝm Yesu, a ɓembe ka, pà wun koya gir mǝɓoarne mǝnana ɓoaro ɓǝ̀ wu pang nǝi ace pak kani male ka. Ɓǝ̀ pakturo male aɓalǝ wun, nǝ rǝcandǝa mala Yesu Kǝrǝsti, ace pwasǝ bumi. Yesu ka nda nggea yalgir mǝgule mala anzur, mǝnana nǝ nkile sǝ Ɓakuli tita kurcau male mǝnana pè nǝ aɓwana male ka, yì kurcau mana pà nǝ̀ mal raka. Gulo kat ka male na mǝnana málá male pà kàm raka. Amin.

Amǝ Ibǝru 7:2

Ibǝrayim twal mwashat-aɓa-lum mala koya gir mǝnana kumo aban lwa ka, sǝ pe Melkizedek. Lullǝu mǝnia ama Melkizedek ka, ɓālǝi nda “murǝm ɓealɓoarna”; sǝ ɗǝm ngga, yì nda “murǝm mala Salem”, sǝ murǝm Salem ngga ɓālǝi nda “murǝm dorǝpwala.”

Sǝna 1:4

Cautera mǝnia ka pur abanam, Yohana, aban ká aban a'ikǝlisiya tongno-nong-ɓari aɓa nzali Asiya. Ən nggǝ shamba wun ɓwamuru andǝ do rǝpwala mǝnana à kǝ pur nǝban Ɓakuli ka. Yì Ɓakuli ka nda mana ndakam ado, mǝnana ndakam a pwaryan, sǝ nda mǝnana nǝ̀ pàk kàm a dǝmbǝa ka. Ɗǝm ngga ǝn nggǝ shamba wun ɓwamuru andǝ do rǝpwala mǝnana à kǝ pur nǝban abangŋo tongno-nong-ɓari mǝnana à nda a ɓadǝm bunomurǝm mala Ɓakuli ka.

Sǝna 2:10

Ɓangciu ɓǝ̀ kǝa pakko arǝ tanni mǝnana ndo nǝ̀ kumo ka ɗang. Sǝni, Shetan no nǝ̀ ngga oasǝ aɓea aɓwana ata wun a ndàkurban ace mwam wun, sǝ ndo wu nǝ̀ kum tanni mǝkwane arǝ anongŋo lum. Wu bwal paɓamuru ma'wun abanam pepe, ko ɓǝ̀ nǝ̀ ká lú ka, sǝ mim ngga mǝ nǝ pa wun tangnakusǝu mala yilǝmu.

Sǝna 21:8

Sǝ mǝnia ka nda gir mǝnana nǝ̀ kum aɓwana mǝnana amǝ'ɓangciu na, andǝ amǝ pakki agir monzǝo, andǝ amǝ ɗwanyi earnǝ mim, andǝ amǝ pakki agirɓana, andǝ amǝ walki alú, andǝ amǝ do kiɗikì mala nongginǝ-rǝarǝu na ka. Yia kat andǝ amǝ peri aban ankúl andǝ alú, andǝ aɓwana kat mǝnana amǝ na'nyir na ka, à nǝ̀ ramtea aɓa garang mala bǝsa mǝnana kǝ li nǝ atali ear-bǝsa ka. Mǝnia ka, nda ɓaria lú.