Yohana 14:23 - Maləmce Məfele mala Ɓakuli: Kurcau Məbəshe

²³ Yesu eari wi ama: Ɓwa mǝnana kat earcem ngga, nǝ̀ kpata kanigir mem, Tárram nǝ̀ earce, sǝ mim sǝnǝ Tárram ka, sǝm nǝ̀ yiu abani sǝm nǝ̀ do ate.

Yohana 14:23 ပူးပေါင်းရင်းမြစ်များ

Yohana 10:30

Mim sǝnǝ Tárram ka sǝm nda mwashat.

Yohana 14:15

Ɓǝ̀ wu kǝ earcem ngga, wu nǝ̀ kpata anzongcau mem.

Yohana 14:17

Yì nda kǝ Bangŋo mana kǝ lǝmndǝ mǝsǝcau amur Ɓakuli ka. Amǝ kpata ɓanza pa nǝ̀ gandǝ é ɗang, acemǝnana à kǝ sǝni ɗang, sǝ à surǝì ɗang. Sǝ wun ngga wu surǝì, acemǝnana ndanǝ do ata wun ado, sǝ nǝnzǝmo ka nǝ̀ ngga do a ɓabum wun.

Yohana 14:21

Ɓwa mǝnana kat ak anzongcau mem sǝ kǝ kpatea ka, nda ɓwa mǝnana kǝ earcem ngga. Sǝ ɓwa mǝnana kǝ earcem ngga, Tárram nǝ̀ earce ɓwe, sǝ mim gbal ka mǝ nǝ earce, mǝ nǝ lǝmndǝ ɓamuram abani.

Yohana 14:24

Ɓwa mǝnana kǝ earcem raka, pà nǝ̀ kpata kanigir mem ɗang. Sǝ acau mǝnia wu kǝ oea ka, à mem na ɗang, à pur nǝ ban Tárram mǝnana tasǝam ngga.

Yohana 15:10

Ɓǝ̀ wu kpata anzongcau mem ngga, wu nǝ̀ do aɓa earcearǝu mem, kǝla mǝnana ǝn kpata anzongcau mala Tárram sǝ ǝn do aɓa earcearǝu male ka.

Yohana 16:27

Tárram nǝ ɓamuri ka kǝ earce wun kǝrkǝr, acemǝnana wu kǝ earcem, sǝ acemǝnana wu earnǝ mim ama ǝn pur nǝ bani ka.

Yohana 6:56

Ɓwa mǝnana kat li nyam nggūrǝam, sǝ nu nkilem ngga, nda aban do a ɓalǝam, sǝ mim gbal mǝ ndanǝ do a ɓalǝi.

Yohana 8:51

Mǝ nda ban bangga wun mǝsǝcau, ɓwa mǝnana kǝ kpata cau mem ngga pà nǝ̀ wu ɗang.”

Yohana 8:52

Pǝlǝa aɓwana-mǝgule mala amǝ Yahudi ne wi ama, “Ado sǝ sǝm sǝlǝa aɓa mǝsǝcau ama, a ndanǝ kukwar a rǝo! Nggearǝ Ibǝrayim ngga wǔ, sǝ amǝ'ɓangna mala Ɓakuli wú, pǝlǝa a nǝ yia na sǝm ama, ‘Ɓǝ̀ ɓwa kpata cau mem ka pà nǝ̀ wu ɗang.’

2 Amǝ Korinti 6:16

Sǝ mana dapi Ndàmǝgule mala Ɓakuli andǝ nda ka lú? Sǝm ngga, sǝm nda ka ndàmǝgule mala Ɓakuli Mǝyilǝmui. Kǝla mǝnana Ɓakuli na ka: “Mǝ nǝ do aɓalǝ aɓwana mem, mǝ nǝ gya aɓalǝia, Mǝ nǝ duk Ɓakuli amuria, sǝ yia ka, à nǝ̀ duk aɓwana mem.”

Amǝ Afisu 3:17

Anggo ka sǝ Kǝrǝsti nǝ̀ do a ɓabum wun, nǝ paɓamuru ma'wun abani. Sǝ wun ngga, wu nǝ̀ cam kàngkàng aɓa earcearǝu male, kǝla mǝnana nlerǝ nggun ko kpǝm aɓa nzali cam kàngkàng ngga.

1 Yohana 2:24

Wun ngga, gir mǝnana wu ok ɗiɗyal a tite ka, ɓǝ̀ do aɓalǝ wun. Ɓǝ̀ pa anggo ka, wun gbal ka, wu nǝ̀ do aɓa dotarǝu wunǝ Muna mala Ɓakuli andǝ Ɓakuli Tarrû.

1 Yohana 2:5

Sǝ ɓwa mǝnana kat kǝ kpata cau mala Ɓakuli ka, earcearǝu mala Ɓakuli lumsǝna a ɓalǝi ɓafo. Anggo sǝ sǝm sǝlǝ ama sǝm nda aɓa dotarǝu sǝnǝa Ɓakuli.

1 Yohana 4:4

Wun amunem ngga, wu nda ka mala Ɓakuli, sǝ wu lina murǝm amuria, acemǝnana yi Ɓwa mǝnana aɓalǝ wun ngga, kuti ɓwa mǝnana a ɓanza ka.

1 Yohana 5:3

Acemǝnana earce Ɓakuli ka nda kpata anzongcau male. Sǝ anzongcau male ka, kpatea kwan ɗang.

2 Yohana 1:6

Mǝnia yì earcearǝu ǝn nakiyi cau amuri ka ɓālǝi nda mǝnana ama ɓǝ̀ sǝm dumnǝ okiru arǝ anzongcau mala Ɓakuli. Kǝla mǝnana wu ok a tadǝmbe ka, nzongcau nì nda mǝnana ama, wu kǝ gya aɓa earcearǝu.

Sǝna 21:22

Ən sǝn ma kǝ ndàperi aɓa yì nggeala ɗang, acemǝnana Mǝtalabangŋo Ɓakuli mǝnana Karmur Gulo kat andǝ Mǝgam ngga, à nda ka ndàperi male.

Sǝna 21:3

Ən ok ɓe giu mǝgule pur nǝban bunomurǝm mala Ɓakuli, na cau ama: Wu sǝni, ban-do mala Ɓakuli adyan ngga, nda aban aɓwana male! Yì ka, nǝ̀ do andǝia, sǝ yia ka, à nǝ̀ duk aɓwana male. Ɓakuli nǝ nggearǝì nǝ̀ do atea.

Sǝna 22:3

Suban ngga pà nǝ̀ pàk kàm ɗǝm amur kǝgir aɓa mǝno yì nggeala ka ɗang. Ɓakuli nǝ nggearǝì, andǝ Mǝgam ngga, à nǝ̀ do a ɓalǝi amur abuno-murǝm malea, sǝ aɓwana male nǝ̀ nggǝ peri abani.