Yohana 14:21 - Maləmce Məfele mala Ɓakuli: Kurcau Məbəshe

²¹ Ɓwa mǝnana kat ak anzongcau mem sǝ kǝ kpatea ka, nda ɓwa mǝnana kǝ earcem ngga. Sǝ ɓwa mǝnana kǝ earcem ngga, Tárram nǝ̀ earce ɓwe, sǝ mim gbal ka mǝ nǝ earce, mǝ nǝ lǝmndǝ ɓamuram abani.

Yohana 14:21 ပူးပေါင်းရင်းမြစ်များ

Luka 11:28

Yesu pa eare ama, “E, ɓafo, sǝa ma, tsǝkbu pwala mala Ɓakuli ka nda amur aɓwana mǝnana à kǝ ok cau male, sǝ à kǝ kpate ka!”

Yohana 14:15

Ɓǝ̀ wu kǝ earcem ngga, wu nǝ̀ kpata anzongcau mem.

Yohana 14:18

Ɓǝ̀ ǝn umna ka, pà mǝ nǝ nying wun kǝla akawa ɗang, mǝ nǝ yiu aban wun.

Yohana 15:14

Ɓǝ̀ wu kǝ pak gir mǝnana ǝn bangga wun nǝma wu pak ka, wu ndaka gyajam mem.

Yohana 16:14

Yì ka, nǝ̀ yinǝam nǝ gulo, acemǝnana nǝ̀ twal cau mana ǝn ne ka sǝ nǝ̀ mǝnggia wun ɓalǝi.

Yohana 16:27

Tárram nǝ ɓamuri ka kǝ earce wun kǝrkǝr, acemǝnana wu kǝ earcem, sǝ acemǝnana wu earnǝ mim ama ǝn pur nǝ bani ka.

Yohana 17:23

Mim sǝnǝia ka sǝm nda mwashat, sǝ mim sǝnǝ we ka sǝm nda mwashat. Cia, ɓǝa kum ulang mǝnia yì dotarǝu mǝɓoarne ka aɓalǝia, ace mǝnana amǝɓanza ɓǝa sǝlǝ ama a nǝ turam, sǝ ɓǝa sǝlǝ gbal ama a kǝ earcea kǝla mǝnana a kǝ earcem ngga.

Amǝ Mishan 22:18

Ən sǝn Mǝtalabangŋo Yesu nda rǝ banggam ama, “Lo, faro nying Urǝshalima, acemǝnana aɓwana man kani ka à pà nǝ̀ ak cau mǝnana a wu nǝ na a muram ngga ɗang.”

2 Amǝ Korinti 12:8

Kusǝ tārú mǝ nda ban zǝmbǝi Mǝtalabangŋo nǝma ɓǝ̀ pusǝami.

2 Amǝ Korinti 3:18

Sǝm mǝnana kat sǝm panǝ lagir a ɓamǝsǝ sǝm raka, sǝ sǝm ndarǝ lǝmndǝ ta mala ɓoarɓwa mala Ɓakuli ka, à nda rǝ nggaɗi sǝm ɓǝ̀ sǝm pa kǝla yì, nǝ ɓoarɓwa mǝnana kǝ ká nǝ ká a dǝmbǝa ka. Mǝnia yì ɓoarɓwa ka pur nǝban Mǝtalabangŋo mǝnana nda Bangŋo ka.

2 Amǝ Korinti 4:6

Ɓakuli mǝnana na ama, “Ɓǝ̀ tǎlaban ta aɓa pǝndǝa” ka, tana a ɓabum sǝm ace pà sǝm tǎlaban mala surǝ ɓoarɓwa mala Ɓakuli mǝnana à nǝ̀ sǝni a ɓamǝsǝ Yesu Kǝrǝsti ka.

2 Amǝ Tasalonika 2:16

Sǝm nggǝ zǝmbǝa ama Mǝtalabangŋo Yesu Kǝrǝsti nǝ ɓamuri, andǝ Ɓakuli Tar sǝm ɓǝ̀ ɓak ɓabum wun sǝ ɓǝ̀ pa wun rǝcandǝa mala pě andǝ nê mǝɓoarne. Ɓakuli ka lǝmndǝna sǝm earcearǝu, sǝ aɓa ɓwamuru male ka, pana sǝm girikiban mǝnana málá male pà kàm raka, andǝ tsǝkɓalǝu mǝgule.

2 Timoti 4:22

Ɓǝ̀ Mǝtalabangŋo do ata bangŋo mo. Ɓǝ̀ ɓwamuru male do ata wun kat.

1 Yohana 2:5

Sǝ ɓwa mǝnana kat kǝ kpata cau mala Ɓakuli ka, earcearǝu mala Ɓakuli lumsǝna a ɓalǝi ɓafo. Anggo sǝ sǝm sǝlǝ ama sǝm nda aɓa dotarǝu sǝnǝa Ɓakuli.

1 Yohana 3:1

Wu sǝn ulang earcearǝu mǝnana Tár sǝm nani arǝ sǝm, mǝnana à nǝ̀ tunǝ sǝm ama, amuna mala Ɓakuli ka! Sǝ anggo sǝ sǝm pa! Sǝ aɓwana mǝnana amǝ ɓanza na ka, à pànǝ sǝlǝ ama sǝm ndaka muna mala Ɓakuli ɗang, acemǝnana à surǝì ɗang.

1 Yohana 5:3

Acemǝnana earce Ɓakuli ka nda kpata anzongcau male. Sǝ anzongcau male ka, kpatea kwan ɗang.

2 Yohana 1:6

Mǝnia yì earcearǝu ǝn nakiyi cau amuri ka ɓālǝi nda mǝnana ama ɓǝ̀ sǝm dumnǝ okiru arǝ anzongcau mala Ɓakuli. Kǝla mǝnana wu ok a tadǝmbe ka, nzongcau nì nda mǝnana ama, wu kǝ gya aɓa earcearǝu.

Sǝna 2:17

Ɓwa mǝnana ndanǝ kir okban ngga ɓǝ̀ ok cau mǝnana Bangŋo kǝ ne a'ikǝlisiya ka! Ɓwa mǝnana kat cam kàngkàng limurǝm ngga, mǝ nǝ pe wi girlina-manna, mǝnana à sǝmbǝrǝi a kuli ka, ɓǝ̀ li. Ɗǝm ngga mǝ nǝ pe wi tali mǝpwasǝe mǝnana ndanǝ bǝsa lullǝu mana a nyouli amuri ka. Lullǝuî ka, kǝɓwa surǝì ɗang she kǝ yì ɓwa mǝnana à pe wi mǝno yì tali-pwasǝa ka.

Sǝna 22:14

Aɓwana mǝnana à kǝ lákkí anggea-daura malea, à do aɓa ɓoarnsari mala ɓabum ngga, à ndanǝ tsǝkbu. Ɓakuli nǝ̀ nyinggia wia ban arǝ kunɓala ɓǝa kutio aɓa yì nggeala sǝ ɓǝa li ɓǝlanggun mala nggun yilǝmu.

Sǝna 3:20

Sǝni! Mǝ ndya ǝn came a kunkurǝm ǝn nggǝ pak kou ka! Ɓwa mǝnana kat ok giem sǝ mǝn kunkurǝm ngga, mǝ nǝ kutio ate, sǝ sǝm nǝ̀ lili a tarǝ sǝm sǝnǝi, kǝla agyajam.