Yohana 14:20 - Maləmce Məfele mala Ɓakuli: Kurcau Məbəshe

²⁰ Ɓǝ̀ pwarî mǝno yina ka, wu nǝ̀ sǝlǝ ama mǝ nda aɓa Tárram, sǝ wun ngga wu nda a ɓalǝam, sǝ mǝ nda aɓalǝ wun.

Yohana 14:20 ပူးပေါင်းရင်းမြစ်များ

Yohana 10:38

Sǝ ɓǝ̀ aturo male na ǝn pakkiyi ka, ɓǝ̀ pà wu nǝ̀ earnǝ mim raka, wu earnǝ agir-ndali mǝnana ǝn pea ka, ace mǝnana ɓǝ̀ wu sǝlǝa, sǝ ɓǝ̀ kpaka wun ama, Tárram ngga nda a ɓalǝam, sǝ mim ngga mǝ nda aɓa Tárram.

Yohana 14:10

A ear mbo ama mǝ nda aɓa Tárram, sǝ Tárram ngga nda a ɓalǝam? Acau mǝnana ǝn nggǝ na wun ngga à pur nǝ banam ɗang, Tárram mǝnana dukiyi a ɓalǝam ngga nǝ̀ pakkiyi turo male nǝ mim.

Yohana 14:11

Wu earnǝ mim ama mǝ nda aɓa Tárram, sǝ Tárram ngga nda a ɓalǝam. Sǝ ɓǝ̀ ana raka, wu earnǝ mim ace aturo mǝnana wu sǝnam ǝn nggǝ pea ka.

Yohana 16:23

A pwari mǝno ka, pà wu nǝ̀ zǝm kǝgir ɗǝm abanam ɗang. Ən nggǝ bangga wun mǝsǝcau, Tárram nǝ̀ pa wun gir mǝnana kat wu zǝmbǝa aɓa lullǝam ngga.

Yohana 16:26

Sǝ wu nǝ̀ zǝmbǝa aɓa lullǝam. Ən pa aban na nǝma mǝ nǝ zǝmbǝi Tárram amur wun ɗang.

Yohana 17:11

Ado ka mǝ ndo mǝ nǝ nying ɓanza, mǝ nǝ nyare abano, sǝ yia ka à ndakani a ɓanza piu. Dâ Ɓakuli Mǝfele! Yalia, nǝ rǝcandǝa mala lullǝo mǝnana a pam ngga, acemǝnana yia ka ɓǝa duk mwashat kǝla mǝnana sǝm nda mwashat sǝnǝ we ka.

Yohana 17:26

Ən lǝmndǝnia wia rǝo, sǝ mǝ nǝ lidǝmbǝa nǝ lǝmndǝia wia rǝo ɗǝm, ace mǝnana earcearǝu mana a ndanǝi a rǝam ngga ɓǝ̀ do aɓalǝia, sǝ mim ngga mǝ nǝ duk gbal aɓalǝia.

Yohana 17:7

Yia adyan ngga à sǝlǝna ama koya gir mǝ ndanǝi ka kǝ pur nǝ bano.

Yohana 6:56

Ɓwa mǝnana kat li nyam nggūrǝam, sǝ nu nkilem ngga, nda aban do a ɓalǝam, sǝ mim gbal mǝ ndanǝ do a ɓalǝi.

Amǝ Roma 16:7

Wu makki Andǝronikus andǝ Juniya kun, aɓǝla mem mǝnana sǝm nda a ndàkurban sǝnǝia ka. Yia ka, amǝ'mishan surǝia pepè, sǝ yia ka, à akàm dǝmbǝa ak Kǝrǝsti.

Amǝ Roma 8:1

Adyan ngga ɓashi pà kàm ɗǝm amur aɓwana mǝnana à nda aɓa Kǝrǝsti Yesu ka ɗang.

1 Amǝ Korinti 1:30

Àkǝ̀ ce gir mǝnana Ɓakuli pe ka sǝ wu kum kpapi wunǝa Kǝrǝsti Yesu, yì mǝnana Ɓakuli tsǝngŋǝni nda sǝlǝe ma'sǝm, sǝ yì nda ɓwa mǝnana gilǝki nre sǝm andǝa Ɓakuli, sǝ tàr sǝm, sǝm duk amale, sǝ yi akmúr sǝm aɓalǝ acauɓikea ma'sǝm ngga.

2 Amǝ Korinti 12:2

Ən surǝ ɓeɓwa aɓa Kǝrǝsti pǝlǝa lum-nong-ine mǝno kuti ka, mǝnana à fwe à um nǝi a tāruia kuli ka. Ko nda aɓa nggūrǝu, ko pa aɓa nggūrǝu ɗang, ǝn sǝlǝ mǝno ka ɗang, kǝ Ɓakuli na surǝì ka.

2 Amǝ Korinti 13:5

Wu pelǝki ɓamur rǝ wun, wu sǝni ko paɓamuru ma'wun ngga, mǝɓafoe na. Wu karǝki ɓamur rǝ wun, wu dum nǝ sǝlǝe ama Yesu Kǝrǝsti ka, nda aɓalǝ wun, ɓǝ̀ pa ana raka, wu kpana a bui mala paɓamuru mǝɓafoe.

2 Amǝ Korinti 5:17

Ace mani ka, ɓwa mǝnana kat dumǝna mala Kǝrǝsti ka, pǝlǝna bǝsa ɓwa. Do mǝ'e kutina, do mǝbǝshe tinate.

2 Amǝ Korinti 5:19

Ɓakuli ka nda aban bǝl ɓanza nǝ̀ nyesǝi abani nǝ bu Kǝrǝsti, bwal acauɓikea malea a ɓabumi ɗang. Sǝ yì ka, pana sǝm a bu sǝm yì cau bǝlban ace nyesǝ aɓwana abani.

Amǝ Galati 2:20

À gballìnam amur nggun-gangndi sǝnǝ Kǝrǝsti. Mǝ nda mǝnana ɗǝm nǝ yilǝmu ka ɗang, Kǝrǝsti nda mǝnana ado dukiyi a ɓalǝam ngga. Do mem aɓa nggūrǝu mala ɓanza ka, ǝn dum nǝ paɓamuru aban Muna mala Ɓakuli mǝnana earcem, sǝ paɓamuri acem ngga.

Amǝ Afisu 2:10

Sǝm nda ka aturobu mǝgule mala Ɓakuli. Yì ka, pusǝ sǝm abǝshe aɓa kpapi ma'sǝm sǝnǝa Kǝrǝsti Yesu, ace pakki aturo mǝɓoarne mǝnana ak dǝmbǝa cia ace sǝm ngga.

Amǝ Kolosi 1:19

Ace mani ka, Ɓakuli aɓa pa male kat ka, banɓoari wi ɓǝ̀ lǝmndǝ rǝì aɓa Muni,

Amǝ Kolosi 1:27

Ɓakuli earnace ɓǝa aɓwana male sǝlǝ ce gulo andǝ kume mana aɓa mǝnia yì cau-ɓa-sǝmbǝrǝa, mǝnana ndanǝi ace aɓwana mana amǝ Yahudi na raka. Sǝ mǝnia yì cau-ɓa-sǝmbǝrǝa ka nda mǝnana ama: Kǝrǝsti na aɓalǝ wun, sǝ ace mǝno ka wu ndanǝ tsǝkɓalǝu mala kum kāmbe aɓa gulo mala Ɓakuli.

Amǝ Kolosi 2:9

Acemǝnana lumsǝo mala Ɓakuli kat aɓa nggūrǝu ka, aɓa Kǝrǝsti sǝ pa.

1 Yohana 4:12

Kǝɓwa malaká sǝn Ɓakuli àkǝ̀ fara ɗang. Sǝa ma ɓǝ̀ sǝm lǝmndǝì arǝ sǝm earcearǝu ka, Ɓakuli na aɓalǝ sǝm, sǝ earcearǝu male lumsǝna aɓalǝ sǝm.