Yohana 14:13 - Maləmce Məfele mala Ɓakuli: Kurcau Məbəshe

¹³ Sǝ mǝ nǝ pak gir mǝnana kat wu zǝmbǝa aɓa lullǝam ngga, acemǝnana Muna ka ɓǝ̀ yinì Tarrí nǝ gulo.

Yohana 14:13 ပူးပေါင်းရင်းမြစ်များ

Matiu 21:22

Gir mǝnana kat wu zǝmbǝa aɓa hiwi nǝ paɓamuru ka, wu nǝ̀ kumi.”

Matiu 7:7

Wu zǝmbǝa aban Ɓakuli, nǝ̀ pa wun; wu alte a bu Ɓakuli, wu nǝ̀ kumo; wu wali Ɓakuli kunkurǝm, nǝ̀ mǝnba wun.

Markus 11:24

Ace mani ka ǝn nggǝ bangga wun, ɓǝ̀ mana wu zǝmbǝa aɓa hiwi ka, wu ear ama wu kumǝni. Anggo ka sǝ nǝ̀ duk ma'wun.

Luka 11:9

Ace mani ka ǝn nggǝ na wun ama: Wu zǝmbǝa, à nǝ̀ pa wun. Wu alte, wu nǝ̀ kumo. Wu wal kunkurǝm, à nǝ̀ mǝnba wuni.

Yohana 10:30

Mim sǝnǝ Tárram ka sǝm nda mwashat.

Yohana 12:44

Pǝlǝa Yesu loasǝ gi kpǝm sǝ na ama: Ɓwa mǝnana kat guli a rǝam, mǝ nda gulikiyi a rǝam nǝmurǝam ngga ɗang, ndaban guli gbal arǝ Tárram mǝnana tasǝam ngga.

Yohana 13:31

Anzǝm mana Yahuda nyingŋǝna banì ka, Yesu na ama: Ado ka pwari karǝna mǝnana Muna mala Ɓwa nǝ̀ kutio aɓa gulo male ka, sǝ Ɓakuli ka, nǝ̀ kum gulo ata kusǝì.

Yohana 14:14

Wu zǝm gir mǝnana kat wu earkiyi ce ka aɓa lullǝam, mǝ nǝ pe.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 15:16

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Yohana 15:7

Sǝ ɓǝ̀ wu do a ɓalǝam, sǝ cau mem do aɓalǝ wun ngga, wu zǝmbǝi Ɓakuli gir mǝnana kat wu earkiyice ka, sǝ nǝ̀ pa wun gir nî.

Yohana 16:23

A pwari mǝno ka, pà wu nǝ̀ zǝm kǝgir ɗǝm abanam ɗang. Ən nggǝ bangga wun mǝsǝcau, Tárram nǝ̀ pa wun gir mǝnana kat wu zǝmbǝa aɓa lullǝam ngga.

Yohana 16:26

Sǝ wu nǝ̀ zǝmbǝa aɓa lullǝam. Ən pa aban na nǝma mǝ nǝ zǝmbǝi Tárram amur wun ɗang.

Yohana 16:7

Sǝ aɓa mǝsǝcau ka, o mem ngga nda ace ɓoaro ma'wun. Ɓǝn u raka, Ɓwa mǝnana nǝ̀ kwarkir wun, yì Bangŋo mala Ɓakuli ka, pà nǝ̀ yiu ɗang. Sǝ ɓǝn u ka, mǝ nǝ ngga tasǝi ɓǝ̀ yiu aban wun.

Yohana 4:10

Yesu eari wi ama, “Ɓǝ̀ a surǝna rǝ ɓoro mǝnana Ɓakuli ndanǝi aceo, andǝ ɓwa mǝnana zǝmnggiyio mùr nuna ka, ɓǝ a zǝmni wi mùr mǝnana pākiyi yilǝmu ka, sǝ yì ka, nǝ̀ po.”

Yohana 4:14

Sǝ ɓwa mana kat nǝ̀ nu mùr mǝnana mǝ nǝ pe wi ka, pà nǝ̀ ok mǝsamur ɗǝm ɗang. Mùr mǝnana mǝ nǝ pe wi ka, nǝ̀ duk mgbeaɗe mùr a bumi mana nǝ̀ nggǝ pe wi yilǝmu mǝnana te pà nǝ̀ mal raka.”

Yohana 5:19

Yesu earia wia ama: Ən nggǝ na wun mǝsǝcau, pà mǝ nǝ pak kǝgir aɓa ɓamuram ɗang. Kǝ gir mǝnana ǝn sǝn Tárram Ɓakuli pak ka, nda ǝn pakkiyi ka. Gir mǝnana kat Tárram pak ka, nda mana ǝn pakkiyi ka.

Yohana 7:37

A masǝlǝata pwari, mǝnana ndà pwari mǝgule mala Lamsan ngga, Yesu lo came sǝ loasǝ gi kpǝm na ama, “Ɓwa mǝnana kat kǝ ok mǝsamur ka ɓǝ̀ yiu abanam ɓǝ̀ yi nu.

1 Amǝ Korinti 14:13

Ace mani ka, ɓwa mǝnana kat kǝ na cau nǝ aɓea akún-takuli ka, ɓǝ̀ pak hiwi gbal ama ɓǝ̀ kum bǝl ɓacau mǝnana ne ka.

Amǝ Afisu 2:18

Adyan ngga, sǝm kat ka, sǝm nǝ̀ gandǝ yiu aban Ɓakuli Tarrû aɓa Bangŋo mǝ'mwashati nǝ bu Kǝrǝsti.

Amǝ Afisu 3:12

Aɓa kpapi ma'sǝm sǝnǝa Kǝrǝsti andǝ paɓamuru ma'sǝm abani ka, sǝm nǝ̀ gandǝ yiu a ɓadǝm Ɓakuli nǝ mǝsǝkang-kangŋa andǝ guliarǝu.

Amǝ Afisu 3:14

Ace mani ka, ǝn ɓun amur ankunam aban hiwi a ɓadǝm Ɓakuli, yì Tarrû

Amǝ Filipi 4:13

Mǝ nǝ gandǝ pak koya gir ka, nǝ rǝcandǝa mǝnana Kǝrǝsti kǝ pam ngga.

Amǝ Kolosi 3:17

Sǝ ɓǝ̀ mana kat wu nǝ̀ pa, ko wu nǝ̀ na ka, wu pe nǝ ɗenyicau ama wu nda ban pe kǝla amǝnakun Mǝtalabangŋo Yesu, wu kǝ pakki Tar sǝm Ɓakuli yàwá nǝ bani yì Kǝrǝsti.

Amǝ Ibǝru 13:15

Ɓǝ̀ sǝm lidǝmbǝa nǝ pê Ɓakuli ɓoro mala ɓwangsǝkiban nǝban Yesu, nǝ acau mǝnana à nǝ̀ lǝmndǝ bwāng ama sǝm ndaka amale ka.

Amǝ Ibǝru 4:15

Mǝnia yì Pǝris Mǝgule sǝm ndanǝi ka, sǝlǝna nǝ́ arǝwukia ma'sǝm, acemǝnana yì nǝ nggearǝì ka, kutina aɓalǝ àkǝ̀ mǝnia yì akárǝkiban mǝnana à kǝ kum sǝm ngga, a koya njari, kat andǝ amani ka, ko pak cauɓikea ɗang.

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

Jemis 1:5

Ɓǝ̀ kǝɓwa aɓalǝ wun ɗwanyi sǝlǝe ace pak mǝɓoarne ka, ɓǝ̀ zǝmbǝa aban Ɓakuli mǝnana kǝ pa nǝ ɓabumi kat nggwani pà kàm raka. Sǝ à nǝ̀ pe wi.

Jemis 5:16

Ace mani ka wu banggi arǝ wun acauɓikea ma'wun, sǝ wu pakki arǝ wun hiwi, ace mǝnana ɓǝa twala wun ban arǝkwana ma'wun ngga. Hiwi mala mǝɓealɓoarna mǝnana pe nǝ ɓabumi mwashat ka, ndanǝ rǝcandǝa sǝ kǝ pak turo.

1 Bitǝrus 2:5

Sǝ wun ado ka wu ndaka tali mǝyilǝmuì, mǝnana Ɓakuli na arǝ ɓak ɓala male aɓa bangŋo nǝ wun ngga. Aɓa mǝnia yì ɓala ka, wu nǝ̀ duk apǝris mala Ɓakuli ace pà aɓoro mala bangŋo, mǝnana agir'a na abani, nǝ bu Yesu Kǝrǝsti ka.

1 Yohana 3:22

Sǝ gir mǝnana kat sǝm zǝm abani ka nǝ̀ pa sǝmi, acemǝnana sǝm nggǝ kpata anzongcau male, sǝ sǝm nggǝ pak gir mǝnana pwasǝ bumi ka.

1 Yohana 5:14

Mǝnia ka nda mǝsǝkang-kangŋa mǝnana sǝm ndanǝi ace yiu a ɓadǝm Ɓakuli ka, ama ɓǝ̀ ko man kat sǝ sǝm zǝmbǝa aɓa eare male ka, kǝ ok sǝm.