Yohana 14:12 - Maləmce Məfele mala Ɓakuli: Kurcau Məbəshe

¹² Mǝ nda ban bangga wun mǝsǝcau, ɓwa mǝnana pà ɓamuri abanam ngga, nǝ̀ pak agir-ndali kǝla amǝnana ǝn pea ka. Yale nǝ̀ pakki agir mǝgulke mǝnana à kuti amǝnana ǝn pea ka, acemǝnana mǝ ndo mǝ nǝ o aban Tárram.

Yohana 14:12 ပူးပေါင်းရင်းမြစ်များ

Matiu 21:21

Yesu nea wia ama, “Ɓafo, ǝn nggǝ na wun, ɓǝ̀ wu ndanǝ paɓamuru sǝ wu tuti aɓa ɗenyicau raka, mǝnia yì gir à pakki nggun ngga nda mana nǝmurǝì wu nǝ̀ gandǝ pe ka ɗang. Ɓǝ̀ wu nǝ̀ nê mǝnia yì nkono ama, ‘Lo, kya kpa aɓa nggeamur’ ka, anggo sǝ nǝ̀ pa.

Markus 11:13

Lang nǝ̀ sǝn nggun vwari a ɓadǝmbǝi nǝ ambui ka, kyangye aban ká abani ama yakǝla nǝ̀ kum ɓǝle kam. Yiu ka yi kum kǝgir ɗang, kǝ mbui na nǝmurǝì, acemǝnana kunɓǝla mala vwari malaká karǝ ɗang.

Markus 16:17

Aɓwana mǝnana à paɓamuria abanam ngga, amǝnia yia agir'lǝmndǝa ka à nǝ̀ kpatea: Aɓa lullǝam à nǝ̀ pusǝ akukwar, à nǝ̀ nakia cau nǝ abǝsa kun.

Yohana 14:28

Wu ɗenyi nǝ cau mǝnana ǝn bangga wun ama, mǝ nǝ o, sǝ mǝ ngga nyar aban wun ɗǝm ngga. Ɓǝ̀ mǝsǝcau wu earǝna cem ngga, ban nǝ̀ ɓoara wun ace o mem aban Tárram, mǝnana kutiam nǝ gulo ka.

Yohana 16:7

Sǝ aɓa mǝsǝcau ka, o mem ngga nda ace ɓoaro ma'wun. Ɓǝn u raka, Ɓwa mǝnana nǝ̀ kwarkir wun, yì Bangŋo mala Ɓakuli ka, pà nǝ̀ yiu ɗang. Sǝ ɓǝn u ka, mǝ nǝ ngga tasǝi ɓǝ̀ yiu aban wun.

Yohana 4:37

Anggo ka cau mǝnana à kǝ ne ama, “Ɓe ɓwa ɓeale, sǝ ɓeɓwa pwan” ngga, dumǝna mǝsǝcau.

Yohana 5:20

Ɓakuli Tarrû ka kǝ earcem mim Muni, sǝ kǝ lǝmndǝam agir mǝnana kat yì nǝ nggearǝì pakkiyi ka. Yale nǝ lǝmndǝam agir mǝgulke mǝnana à kuti man ngga, sǝ wun kat wu nǝ̀ nggǝ ndalǝki.

Yohana 7:33

Yesu nea wia ama, “Mǝ ndakani ado ata wun zuku, sǝ mǝ nǝ nyare mǝ nǝ o aban Tárram mǝnana tasǝam ngga.

Yohana 7:39

Yesu naban na cau amur kǝ Bangŋo mǝnana aɓwana mana à pà ɓamuria abani ka, à nǝ̀ ngga kum ngga. Sǝ a pwari mǝno gbal anggo ka à malaká pà Bangŋo ni ɗang, acemǝnana Yesu malaká loapi ɓembe kutia aɓa gulo male peatu raka.

Amǝ Mishan 10:46

Sǝ à oea aban naki acau nǝ aɓia kún sǝ à kǝ ɓwangsǝki Ɓakuli. Bitǝrus pǝlǝa na ama,

Amǝ Mishan 16:18

Twal anonggeo pas camarǝ na cau mǝ'mwashati; gandǝa bum Bulǝs lullo sǝ pǝlǝa arǝ banggi kukwar mǝnana arǝ nsari ka ama, “Aɓa lullǝ Yesu Kǝrǝsti sǝ ǝn banggo, puri rǝ nsari man!” Kara kukwar puri rǝ nsarì àkǝ̀ banì.

Amǝ Mishan 19:12

Ko nggearǝ ahankici andǝ agir-nggurǝu mǝnana à je nggurǝ Bulǝs ka, à twalia à wari nǝia aban amǝ rǝkwana, sǝ akwano malea kara à mala, sǝ akukwar puri rǝia.

Amǝ Mishan 2:33

Ado ka à loasǝni, à tsǝngŋǝni a buno-gulo a bu-mǝli mala Ɓakuli Tarrí. Sǝ Ɓakuli pani wi Bangŋo Mǝfele, kǝla mǝnana bangŋa ama nǝ̀ pà ka. Gir mǝnana ado wu sǝna sǝ wu ok ka, nda ɓoro male mǝnana yi soapa sǝm amur ngga.

Amǝ Mishan 2:41

Aɓwana mǝnana à akcau mala Ɓakuli ka, à pakkia wia batisǝma. Laki mala mǝnia yì aɓwana, à tsǝa amur lakki mala amǝkpata Yesu a pwari mǝno ka à nda á-tārú.

Amǝ Mishan 4:16

Sǝ à ɗi rǝarǝia ama, “Lang sǝ sǝm nǝ̀ pang nǝ aman yia aɓwana ka? Acemǝnana koyan a Urǝshalima ka sǝlǝna ama à nda à pak mǝnia yì gir'ndǝlǝki ka, sǝ pa sǝm nǝ̀ tǝmce ɗang.

Amǝ Mishan 4:33

Amǝ'mishan lidǝmbǝa aɓa rǝcandǝa nǝ banggi aɓwana cau mala loapi ɓembe mala Mǝtalabangŋo Yesu, sǝ ɓwamuru mala Ɓakuli sulǝ amuria kǝrkǝr.

Amǝ Mishan 4:4

Kat andǝ amani ka, aɓwana pas mǝnana à ok cau mala Ɓakuli ka à paɓamuria, sǝ mǝnia ka yi tsǝk lakki mala aburana mǝnana à paɓamuria ka, yi bwal á-tongno (5,000).

Amǝ Mishan 5:15

Nda gir mǝnana tsǝa, sǝ aɓwana pusǝ amǝkwano à nongsǝia a girǝi anjar aɓalǝ aleso andǝ akala, ace mǝnana ɓǝ̀ Bitǝrus nǝ̀ yia kuti ka, ɓǝ̀ yilǝmi ɓǝ̀ sulǝ amur aɓea aɓwana atea.

Amǝ Mishan 6:7

Anggo sǝ cau mala Ɓakuli lidǝmbǝa kǝ akiban. Amǝkwaɗi mǝnana a Urǝshalima ka, à lidǝmbǝa nǝ lakki. Sǝ apǝris pas paɓamuria aban kpata Yesu.

Amǝ Mishan 8:7

Abangŋo mǝɓane kǝ purki rǝ aɓwana pas, nǝ zwalo bang-bang. Sǝ aɓwana mǝnana ɓe barea wú, andǝ agbakǝre ka, à twalia wia ban akwano malea.

Amǝ Mishan 9:34

Bitǝrus ne wi ama, “Eniyas, Yesu Kǝrǝsti twalǝno ban kwano mo. Lo, kar kalnongŋo mo.” Anggo kara Eniyas lo.

Amǝ Mishan 9:40

Bitǝrus pusǝia a nza kat, pǝlǝa kūndǝo amur ankuni sǝ pak hiwi. Pǝlǝa pǝlǝ rǝì aban lú, sǝ bangŋa ama, “Tabita, lo!” Sǝ Tabita mǝn amǝsǝì, sǝ lang sǝn Bitǝrus ka, par bui lo dum nǝ do.

Amǝ Roma 15:19

Amur mǝno ka, mǝ nǝ nggori nǝ agir-ndǝlǝki andǝ agir-gyambǝliban mǝnana Kǝrǝsti pea aɓa rǝcandǝa mala Bangŋo mala Ɓakuli ka. Anggo sǝ ǝn hamnǝ Cau Amsǝban mala Kǝrǝsti pupup aɓa gya mem kat, twal a Urǝshalima kya bwal a Ilirikum.