Yohana 14:10 - Maləmce Məfele mala Ɓakuli: Kurcau Məbəshe

¹⁰ A ear mbo ama mǝ nda aɓa Tárram, sǝ Tárram ngga nda a ɓalǝam? Acau mǝnana ǝn nggǝ na wun ngga à pur nǝ banam ɗang, Tárram mǝnana dukiyi a ɓalǝam ngga nǝ̀ pakkiyi turo male nǝ mim.

Yohana 14:10 ပူးပေါင်းရင်းမြစ်များ

Yohana 10:30

Mim sǝnǝ Tárram ka sǝm nda mwashat.

Yohana 10:38

Sǝ ɓǝ̀ aturo male na ǝn pakkiyi ka, ɓǝ̀ pà wu nǝ̀ earnǝ mim raka, wu earnǝ agir-ndali mǝnana ǝn pea ka, ace mǝnana ɓǝ̀ wu sǝlǝa, sǝ ɓǝ̀ kpaka wun ama, Tárram ngga nda a ɓalǝam, sǝ mim ngga mǝ nda aɓa Tárram.

Yohana 11:26

Sǝ ɓwa mǝnana kat ndanǝ yilǝmu sǝ pà ɓamuri a banam ngga, pà nǝ̀ wu ɗang. A earǝna nǝ cau man le?”

Yohana 12:49

Agir mǝnana kat ǝn nggǝ kania ka, à pà aɓa rǝcandǝa mem ɗang, Tárram mǝnana tasǝam ngga, nǝ̀ pam nzongcau arǝ mana ɓǝn na sǝ lang sǝ mǝ nǝ ne.

Yohana 14:11

Wu earnǝ mim ama mǝ nda aɓa Tárram, sǝ Tárram ngga nda a ɓalǝam. Sǝ ɓǝ̀ ana raka, wu earnǝ mim ace aturo mǝnana wu sǝnam ǝn nggǝ pea ka.

Yohana 14:20

Ɓǝ̀ pwarî mǝno yina ka, wu nǝ̀ sǝlǝ ama mǝ nda aɓa Tárram, sǝ wun ngga wu nda a ɓalǝam, sǝ mǝ nda aɓalǝ wun.

Yohana 14:24

Ɓwa mǝnana kǝ earcem raka, pà nǝ̀ kpata kanigir mem ɗang. Sǝ acau mǝnia wu kǝ oea ka, à mem na ɗang, à pur nǝ ban Tárram mǝnana tasǝam ngga.

Yohana 17:8

Ən pania wia cau mǝnana a pam ngga, sǝ yia gbal ka à angŋǝni; à sǝlǝna ama mǝsǝcau na ǝn pur abano, sǝ à earǝna ama a nǝ̀ turam.

Yohana 3:2

Nikodimus yiu aban Yesu nǝ dú, sǝ yi ne wi ama, “Malǝm, sǝm sǝlǝna ama a nda mǝkanigir mǝnana Ɓakuli turi ka. Kǝ ɓwa pà kàm nǝ̀ gandǝ pakki agir-ndǝlǝki mǝnana a pakkiyi ka ɗang, yi mǝnana ɓǝ̀ Ɓakuli pa ate raka.”

Yohana 5:17

Yesu banggia wia ama, “Ko aya pwari ka Tárram na mur turo, ace mani ka dumǝna púp ama, mim gbal ka mǝ nǝ pak turo.”

Yohana 5:19

Yesu earia wia ama: Ən nggǝ na wun mǝsǝcau, pà mǝ nǝ pak kǝgir aɓa ɓamuram ɗang. Kǝ gir mǝnana ǝn sǝn Tárram Ɓakuli pak ka, nda ǝn pakkiyi ka. Gir mǝnana kat Tárram pak ka, nda mana ǝn pakkiyi ka.

Yohana 7:16

Pǝlǝa Yesu nea wia ama: Agir mǝnana ǝn nggǝ kania wun ngga à mem na ɗang, à pur aban Ɓakuli mǝnana tasǝam ngga.

Yohana 8:28

Ace mǝno ka, Yesu nea wia ama, “A pwari mǝnana wu loasǝna Muna mala Ɓwa a kuli amur nggun-gangndi ka, akano sǝ wu nǝ̀ sǝlǝ ama Mǝ Nda ɓwa mǝnana ǝn na wun nǝma Mǝ Nda ka. A pwari mǝno sǝ wun nǝ̀ sǝlǝ gbal ama ǝn nggǝ pak kǝgir aɓa rǝcandǝa mem ɗang. Kǝ gir mǝnana Tárram kaniam ngga kǝ nda ǝn nggǝ na ka.

Yohana 8:38

Mim ngga ǝn nggǝ bang gir mǝnana ǝn sǝni aban Tárram ka. Sǝ wun ngga wu kǝ pak gir mǝnana tár wun kǝ na wun ngga.

Yohana 8:40

Wu kǝ earce ama wu nǝ̀ wal-luem, acemǝnana ǝn bangga wun mǝsǝcau mǝnana ǝn o a kun Ɓakuli ka. Sǝ Ibǝrayim pak kǝgir anggo ɗang.

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

2 Amǝ Korinti 5:19

Ɓakuli ka nda aban bǝl ɓanza nǝ̀ nyesǝi abani nǝ bu Kǝrǝsti, bwal acauɓikea malea a ɓabumi ɗang. Sǝ yì ka, pana sǝm a bu sǝm yì cau bǝlban ace nyesǝ aɓwana abani.

Amǝ Kolosi 1:19

Ace mani ka, Ɓakuli aɓa pa male kat ka, banɓoari wi ɓǝ̀ lǝmndǝ rǝì aɓa Muni,

Amǝ Kolosi 2:9

Acemǝnana lumsǝo mala Ɓakuli kat aɓa nggūrǝu ka, aɓa Kǝrǝsti sǝ pa.

1 Yohana 5:7

Agir nakam tārú mǝnana à kǝ nakun ama Yesu ka Muna mala Ɓakuli na ka: