Yohana 13:34 - Maləmce Məfele mala Ɓakuli: Kurcau Məbəshe

³⁴ Sǝ ace mǝno ka mǝ ndarǝ pa wun bǝsa nzongcau: Wu earce rǝarǝ wun. Kǝla mǝnana ǝn earce wun ngga, anggo sǝ wu nǝ̀ dum nǝ earcea rǝ wun.

Yohana 13:34 ပူးပေါင်းရင်းမြစ်များ

Matiu 5:44

Sǝ mim ngga ǝn nggǝ na wun ama: Wu earce aɓi wun amǝbura sǝ wu kǝ pak hiwi ace aɓwana mǝnana à ɓinǝ mǝsǝ wun sǝ à kǝ pa wun tanni ka.

Yohana 15:17

Mǝnia ka nda nzongcau mǝnana ǝn pa wun ngga: Wu earce rǝarǝ wun.

Yohana 17:21

Ən nggǝ pak hiwi nǝma yia kat ka ɓǝa duk mwashat, kǝla mǝnana mim sǝnǝ we, sǝm nda mwashat ka. Dâ, kǝla mǝnana a nda a ɓalǝam, sǝ mǝ nda a ɓalǝo ka, yia gbal ka ɓǝa do aɓalǝ sǝm, ace mǝnana ɓanza ɓǝ̀ eare ama a nǝ turam ngga.

Amǝ Roma 12:10

Wu earce rǝarǝ wun nǝ earceban mǝ'mǝsǝcau nì. Ɓǝ̀ ban ɓoara wun arǝ pe rǝarǝ wun gulo.

Amǝ Roma 13:10

Earcearǝu pa nǝ̀ pakki kǝɓwa mǝɓane ɗang. Ace mani ka, ɓwa mǝnana ndanǝ earcearǝu arǝ aɓwana ka, nda rǝ lumsǝ anzongcau kat mǝnana aɓa Nggurcau mala Ɓakuli ka.

Amǝ Roma 13:8

Wu kǝa eare ɓǝ̀ kǝɓwa kpata wun tangna nǝ kǝgir ɗang. She earcearǝu mǝnana dumǝna pup wu nǝ̀ lǝmndǝia rǝ wun ngga. Ɓwa mǝnana kǝ earce ɓi mǝ'murkala ka, lumsǝna Nggurcau mala Ɓakuli.

Amǝ Galati 5:22

Sǝ ɓǝ̀ Bangŋo Mǝfele na ginggi nǝ sǝm ngga, nǝ̀ pusǝ amǝnia yia aɓealǝu ka aɓalǝ sǝm: earcearǝu, andǝ bumpwasǝa, andǝ dorǝpwala, andǝ munyi, andǝ tsǝkir ɓwa, andǝ pemǝɓoarne, andǝ do'amurmǝsǝcau,

Amǝ Galati 5:6

Ɓǝ̀ ɓwa tsǝngŋǝna paɓamuru male aban Kǝrǝsti Yesu ka, ɓe kǝ girkuma pà kàm aɓa kasǝ-ɓatau, ko ɗwanyi kasǝ-ɓatau ɗang. Gir mǝnana ɓoaro à nǝ̀ na ce ka nda kǝ paɓamuru mǝnana kǝ lǝmndǝrǝi aɓa earcearǝu ka.

Amǝ Galati 6:10

Ace mani ka, ɓǝ̀ sǝm kum dǝmbǝu ka, ɓǝ̀ sǝm pakkî koyana le ka mǝɓoarne, nggeamurǝmi ka, amǝ'eamrǝarǝu mǝnana sǝm nda aɓa paɓamuru mǝ'mwashati sǝnǝia aban Kǝrǝsti ka.

Amǝ Galati 6:2

Wu bwalia rǝ wun aɓa tanni; anggo ka, sǝ wu nǝ̀ lumsǝ nggurcau mala Kǝrǝsti.

Amǝ Afisu 5:2

Do ma'wun ngga, ɓǝ̀ lumsǝ nǝ earcearǝu, kǝla mana Kǝrǝsti earce sǝm, sǝ pa yilǝmi duk gir'nkila ace sǝm, mǝnana duk ɓoro mǝɓoarne mana pwasǝbum Ɓakuli ka.

Amǝ Kolosi 1:4

acemǝnana sǝm ongŋǝna ce paɓamuru ma'wun aɓa Kǝrǝsti Yesu andǝ earcearǝu ma'wun aban aɓwana mala Ɓakuli kat.

1 Amǝ Tasalonika 3:12

Sǝm nggǝ pak hiwi ama ɓǝ̀ Mǝtalabangŋo tsǝk earcearǝu ma'wun arǝarǝ wun andǝ aɓwana kat, ɓǝ̀ lidǝmbǝa nǝ gulo sǝ ɓǝ̀ kǝ aliki, kǝla mǝnana earcearǝu ma'sǝm aban wun kǝ pak ka.

2 Amǝ Tasalonika 1:3

Wun amǝ'eam sǝm, dumǝna sǝm púp ɓǝ̀ sǝm nggǝ ɓwangsǝ Ɓakuli a koya pwari, ace wun, sǝ anggo ka ndanǝ ɓoaro acemǝnana paɓamuru ma'wun ngga, nda rǝ lidǝmbǝa kǝrkǝr, sǝ earcearǝu mǝnana wu ndanǝi arǝarǝ wun ngga ndarǝ gulo.

Amǝ Ibǝru 13:1

Wu lidǝmbǝa nǝ lǝmndǝia rǝ wun earcearǝu kǝla amǝ'eamrǝarǝu.

Jemis 2:8

Ɓǝ̀ ɓafo na wu bwalǝna mǝnia yì nggurcau mala murǝm Ɓakuli, mǝnana à gilǝì aɓa Malǝmce ka, ama “Wu earce ɓio-mǝ'njarmurkala kǝla mǝnana a earce ɓamuro ka,” wu nǝ̀ nggǝ pak mǝɓoarne.

1 Bitǝrus 1:22

Mǝno ado wu langŋǝna rǝ wun nǝ okiru ma'wun arǝ mǝsǝcau, sǝ wu ndanǝ earcearǝu arǝ amǝ'eamrǝarǝu nǝ ɓabum wun mwashat ka, wu lidǝmbǝa nǝ lǝmndǝ mǝno yì earcearǝu ka, nǝ ɓabum mǝɓoarnsari.

2 Bitǝrus 1:7

Sǝ do ɓanggi Ɓakuli ka wu gbashite nǝ ɗenyi nǝ aɓwana kǝla amǝ'eamrǝarǝu andǝ lǝmndǝ earcearǝu aban koyan ngga.

1 Yohana 3:11

Mǝnia ka, nda cau mǝnana wu oe a tite ka: Ɓǝ̀ sǝm earce arǝ sǝm.

1 Yohana 3:23

Mǝnia ka nda nzongcau male: Ɓǝ̀ sǝm pa ɓamur sǝm aban Muni Yesu Kǝrǝsti, sǝ ɓǝ̀ sǝm earce rǝarǝ sǝm kǝla mǝnana bangga sǝm ngga.

1 Yohana 4:21

Sǝ Kǝrǝsti ka, pana sǝm mǝnia yì nzongcau ka: Ɓwa mǝnana kat kǝ earce Ɓakuli ka, dumǝna pup ɓwe nǝ̀ earce mǝ'eambǝi gbal.

2 Yohana 1:5

Adyan ngga, we Nggeaka amuna, ǝn nggǝ zǝmbǝo, ɓǝ̀ sǝm earce rǝarǝ sǝm. Mǝnia ka bǝsa nzongcau na ǝn nggǝ gilǝa wun ngga ɗang; nda kǝ nzongcau mǝnana sǝm ndanǝi a tite ka.