Yohana 13:18 - Maləmce Məfele mala Ɓakuli: Kurcau Məbəshe

¹⁸ Ən pa aban na cau amur wun kat ɗang, acemǝnana ǝn surǝna rǝ aɓwana mǝnana ǝn tarkia ka. Sǝ cau mǝnana Malǝmce mala Ɓakuli bangŋa ama, “Kǝ yì, yì ɓwa mǝnana oasǝ bui atam a kwar ka nda pǝlǝ a rǝam ngga,” dumǝna púp nǝ̀ lumsǝo.

Yohana 13:18 ပူးပေါင်းရင်းမြစ်များ

Matiu 10:36

aɓwana mana a ɓala mala ɓwa ka, à nda à nǝ̀ pǝlǝ aɓimǝbura ka.”

Matiu 26:21

À nda aban li ka, pǝlǝa nea wia ama, “Ɓafo ǝn nggǝ bangga wun, ɓeɓwa aɓalǝ wun nǝ̀ ngga mem.”

Matiu 26:23

Yesu nǝ̀ ear ka na ama, “Ɓwa mana oasǝ bui a kwar atam ngga, ɓwe na nǝ̀ ngga mem ngga.

Markus 14:17

Nǝ pwari kpǝra ka, Yesu yiu andǝ alaggana male mana lum-nong-ɓari ka.

Markus 14:18

Lang à yì dumǝna aban li ka, Yesu na ama, “Ɓafo, ǝn nggǝ bangga wun, ɓwa mwashat aɓalǝ wun aban li atam, nǝ̀ ngga mem.”

Markus 14:20

Yì ka, earia wia ama, “Mwashat aɓalǝ wun lum-nong-ɓari, mǝnana kǝ oasǝ bui atam ado a kwar ka, nda.

Luka 22:21

Sǝ wu sǝni! Ɓwa mǝnana nǝ̀ kurkuro nǝ mim ngga nda aɓalǝ sǝm aban li kani atam!

Yohana 13:21

Anzǝm mana Yesu bangŋǝna man yì cau ka, bumkiɗikea ɓákì kǝrkǝr aɓa bangŋo, sǝ ne bwāng ama, “Mǝ nda ban bangga wun mǝsǝcau, ɓeɓwa na aɓalǝ wun nǝ̀ ngga mem.”

Yohana 13:22

Kara alaggana male sǝnggi rǝarǝia, à kǝ ndali ko yana atea nakiyi cau amuri.

Yohana 13:26

Yesu pa eare ama, “Nda ɓwa mǝnana ado mǝ nǝ oasǝ nɗǝmo a mbú mǝ nǝ pe wi ka.” Pǝlǝa Yesu ɓwan nɗǝmo, ɗarǝ mbú, sǝ pe Yahuda muna mala Shiman Iskariyoti.

Yohana 15:16

Wun nǝ̀ taram ɗang, mǝ nǝ̀ tár wun, sǝ ǝn pa wun turo nǝma wu kya pâ ɓǝla wun, ulang ɓǝle mǝnana pà nǝ̀ kiɗiki raka. Anggo ka sǝ Tárram nǝ̀ pa wun gir mǝnana kat wu zǝmbǝi wi aɓa lullǝam ngga.

Yohana 15:19

Ɓǝ̀ wu ndaka mala ɓanza ka, ɓanza nǝ̀ earce wun kǝla amale. Sǝ ado ka wu ndaka mala ɓanza ɗang. Acemǝnana ǝn tarki wun ɓǝ̀ wu puri ɓa ɓanza ka, nda tsǝa sǝ ɓanza kǝ ɓinǝmǝsǝ wun ngga.

Yohana 15:25

Mǝnia ka nda yi lumsǝ gir mǝnana à gilǝì aɓa Malǝmce mala Ɓakuli ama: “À ɓinǝ mǝsǝam ɓà, tǝri pà kàm ɗang.”

Yohana 17:12

A do mem sǝnǝia ka, ǝn yalia, sǝ ǝn bwalia nǝ rǝcandǝa mala lùllǝo mǝnana a pam ngga. Kǝ ɓe ɓwàr atea ɗang, she kǝ yì ɓwa mǝnana dupi ká kìɗìkì ka, acemǝnana cau mo mana à gilǝì aɓa Malǝmce ka, ɓǝ̀ lumsǝo.

Yohana 18:32

Mǝnia ka lumsǝ cau mǝnana Yesu bangŋa amur ulang lú mǝnana nǝ̀ wu ka.

Yohana 19:24

Pǝlǝa à nea rǝia ama, “Ɓǝ̀ sǝm ngga na ama sǝm nǝ̀ sanggi daura man ɗang, a kun mani ka ɓǝ̀ sǝm kocàca amuri, ɓwa mǝnana li ka ɓǝ̀ twali.” Mǝnia yì gir ka yi pa anggo ace mǝnana ɓǝ̀ lumsǝ cau mala Ɓakuli mǝnana bangŋa ama, “À gakia rǝia adaura mem sǝ à kocàca ace nggea-daura mem.” Mǝnia ka nda gir mǝnana asoje pe ka.

Yohana 19:36

Mǝnia yì gir ka pa anggo ace mǝnana ɓǝ̀ lumsǝ cau mala Ɓakuli mǝnana à gilǝì aɓa Malǝmce ama, “À pà nǝ̀ ɓun mu kǝ bare ɗang.”

Yohana 21:17

Yesu nyare ɗi Shiman Bitǝrus tāruia ɗiban ɗǝm ama, “Shiman muna mala Yohana, a kǝ earcem le?” Bum Bitǝrus kiɗiki nǝ mǝnia yì tāruia ɗiban ngga. Nda sǝ ne Yesu ama, “Mǝtalabangŋo, a surǝ agir kat. A sǝlǝna ama mim ngga ǝn nggǝ earceo!” Pǝlǝa Yesu banggi wi ama, “Tsǝkir anzur mem.

Yohana 6:70

Pǝlǝa Yesu pa eare ama, “Ən tar wun, wun lum-nong-ɓari. Sǝ ɓeɓwa ata wun ngga shetan na!”

Amǝ Mishan 1:16

Wun amǝ'eambǝam, dumǝna púp ama à nǝ̀ lumsǝ cau Malǝmce mala Ɓakuli mǝnana Bangŋo Mǝfele bangŋi ɗiɗyal nǝ kun Murǝm Dauda amur Yahuda ka. Yahuda ka nda ɓwa mǝnana lǝmndǝ njar aban ká nǝ́ aɓwana mǝnana à bwal Yesu ka.

Amǝ Mishan 1:2

ba pwari mǝnana à twali nǝi aban ká kuli ka. Sǝ kaniama nǝ̀ o a kuli ka, kwarkir amǝ'mishan male mǝnana tàrkia ka, nǝ rǝcandǝa mala Bangŋo Mǝfele.

2 Amǝ Korinti 4:5

Yì Yesu Kǝrǝsti Mǝtalabangŋo ka, nda mana sǝm nggǝ hamnǝi ka, ɓamur rǝ sǝm na sǝm nggǝ hamnǝi ka ɗang. Sǝm ngga, sǝm nda ka amǝturo ma'wun à kǝ ce Yesu.

Amǝ Ibǝru 4:13

Kǝgir pà kàm ata agir mǝnana à pusǝia ka, mǝnana nǝ̀ sǝmbǝrǝi Ɓakuli ka ɗang. Koya gir ka, nda gbǝrangtang sǝ nong kwas a ɓadǝmbǝi. Sǝ yì nda kǝ ɓwa mǝnana sǝm nǝ̀ ngga bǝlki aturo ma'sǝm a ɓadǝmbǝi ka.

Sǝna 2:23

Mǝ nǝ twalta amǝkpate nǝ lú. Anggo sǝ a'ikǝlisiya kat nǝ̀ sǝlǝ ama Mǝ nda mǝnana ǝn nggǝ sǝn ɓabum andǝ ɗenyicau mala koyana le ka. Mǝ nǝ pe koyana ata wun ngga tangnakusǝu mala gir mǝnana pak ka.