Yohana 13:14 - Maləmce Məfele mala Ɓakuli: Kurcau Məbəshe

¹⁴ Sǝ mǝnana mim Mǝtala wun andǝ Mǝkania wun gir, ǝn lakka wun akusǝ wun ngga, wun gbal ka dumǝna amur wun, wu nǝ̀ lakki arǝ wun akusǝu.

Yohana 13:14 ပူးပေါင်းရင်းမြစ်များ

Yohana 11:2

Mǝnia yì Maryamu mǝ'eambǝi Liazaro nong nǝ rǝkwana ka, nda kǝ mɓwama mǝnana nǝ nzǝmo yiu soapi Mǝtalabangŋo Yesu muru mǝ'rǝmɓoarne arǝ akusǝi, sǝ esǝki wi nǝ nyang-múrí ka.

Amǝ Mishan 20:35

Aɓa koya gir ǝn nggǝ pak ka, mǝ nda ban lǝmndǝa wun ama, aɓa pak turo mǝnana nkundǝr pa a rǝì raka sǝ sǝm nǝ̀ bwali aɓwana mana à pànǝi raka. Ɓǝ̀ sǝm ɗenyi nǝ acau mala Mǝtalabangŋo Yesu, mǝnana na nǝ ɓamuri ama, “Tsǝkbu mala Ɓakuli mana amur amǝ pa ɓoro ka nda kpǝm kuti do kúndǝo ɓǝa po.”

Amǝ Roma 12:10

Wu earce rǝarǝ wun nǝ earceban mǝ'mǝsǝcau nì. Ɓǝ̀ ban ɓoara wun arǝ pe rǝarǝ wun gulo.

Amǝ Roma 12:16

Wu do aɓa dotarǝu mala amǝ'eamrǝarǝu; wu kǝa twal ɓamur wun ɗang; wu dum nǝ earce kpapi ɓamuru wunǝ aɓwana mǝnana acili aɓwana twali à pà kun ɓe kǝgir raka. Wu kǝa twali kǝla wu kuti aɓwana nǝ sǝlǝe ɗang.

1 Amǝ Korinti 12:3

Ace mani ka, ǝn nggǝ earce nǝma ɓǝ̀ wu sǝlǝ ama, kǝɓwa pà kàm nǝ́ Bangŋo mala Ɓakuli a rǝì, sǝ nǝ̀ pur a kuni ama, “Suban na amur Yesu” ɗang. Sǝ kǝɓwa pà nǝ̀ na gbal ama, “Yesu ka Mǝtalabangŋo na” ɗang she nǝ Bangŋo Mǝfele.

1 Amǝ Korinti 8:13

Ace mani ka, ɓǝ̀ girlina mǝnana ǝn nggǝ li ka, nǝ̀ tsǝk mǝ'eambǝam nǝ̀ kpa aɓa cauɓikea ka, pà mǝ nǝ li ulang mǝno yì nyama ɗǝm ɗang, acemǝnana mǝ ngga ci ɓǝ̀ kpa ka ɗang.

2 Amǝ Korinti 10:1

Mim Bulǝs ǝn nggǝ zǝmbǝa wun ace nongsǝmuru andǝ ɓukɓuka mala Kǝrǝsti, ǝn sǝlǝna wu kǝ twali ama, ɓǝ̀ mǝ nda aban wun ngga, ǝn loasǝki kunam ɗang, sǝ ɓǝ̀ mǝ nda zak ka, ǝn nggǝ na wun cau nǝ rǝcandǝa aɓalǝ acautera.

2 Amǝ Korinti 8:9

Wu sǝlǝna nǝ ɓwamuru mala Mǝtala sǝm Yesu Kǝrǝsti; mǝnana kat andǝ amani ama yì ka, mǝkume na ka, yi duk mǝtǝ̀r ace wun, ace mǝnana wun, aɓa dotǝ̀r male ka, ɓǝ̀ wu pǝlǝa amǝkume.

Amǝ Galati 5:13

Wun amǝ'eambǝam, à tunǝ wun ace mǝnana ɓǝ̀ wu yi do aɓa panzǝban. Sǝa ma wu kǝa na ama wu nǝ̀ nyesǝ dopanzǝban mǝnana wu kumo à panzǝ wun arǝ Nggurcau ka, ɓǝ̀ dupa wun njargula kpata anpel mala nggūrǝu aban pakki acauɓikea ɗang. Akuni ka, wu kǝ pakkia rǝ wun turo aɓa earcearǝu.

Amǝ Filipi 2:11

Sǝ koya lasǝu ka, nǝ̀ bang bwāng ama, “Yesu Kǝrǝsti ka Mǝtalabangŋo na,” ace gusǝlǝ Ɓakuli Tarrû.

1 Timoti 5:10

Ɓǝ̀ duk ɓwa mǝnana aɓwana surǝì pepe ace aturo-ɓoarna male, kǝla tsǝk kir amuna andǝ lǝsǝia pepe, andǝ ak abǝri, andǝ ɗenyi nǝ amǝkwaɗi pepe, andǝ ɓwamur aɓwana mǝnana à nda aɓa tanni, andǝ do pa ɓabum arǝ pakkia koya turo mǝɓoarne ka.

Amǝ Ibǝru 12:2

Ɓǝ̀ sǝm soa mǝsǝ sǝm arǝ Yesu, yì ɓwa mǝnana kwakita paɓamuru ma'sǝm, sǝ nda mǝnana nǝ̀ yinǝ lumsǝo male ka. Ace bumpwasǝa mǝnana à tsǝki wi a dǝmbǝi ka, shakminǝi aɓa tanni mala gbaliban amur nggun-gangndi, burice kǝsǝkya mǝnana nǝ̀ kum ate ka, sǝ adyan ngga nda aban do a buno, aban gulo a bu-mǝli mala bunomurǝm mala Ɓakuli.

1 Bitǝrus 4:1

Sǝ acemǝnana Kǝrǝsti nu tanni aɓa nggūrǝu ka, wu twal ulang mǝno yì ɓealǝu ka, wu gilǝ rǝwun ace tanni kǝla male; acemǝnana ɓwa mana kat tanni a nggūrǝu ka, malǝna nǝ cauɓikea.

1 Bitǝrus 5:5

Sǝ wun alo-ɓwa gbal ka, wu kǝ nongsǝ mur wun aɓata aɓwana-mǝgule. Wun kat ka, wu do nǝ nyesǝmuru a rǝarǝ wun, acemǝnana Malǝmce na ama: “Ɓakuli kǝ mgbali amǝ'gusǝlǝ-muru, sǝ kǝ lǝmndǝì amǝ nyesǝ muru ɓwamuru.”