Yohana 12:50 - Maləmce Məfele mala Ɓakuli: Kurcau Məbəshe

⁵⁰ Sǝ ǝn sǝlǝna ama anzongcau male ka à nǝ̀ kánǝ ɓwa aɓa yilǝmu mǝnana málá male pà kàm raka. Gir mǝnana ǝn naki ka nda gir mǝnana Tárram banggam mǝ na ka.

Yohana 12:50 ပူးပေါင်းရင်းမြစ်များ

Yohana 17:3

Sǝ mǝnia ka nda njar kum yilǝmu mǝnana pà nǝ̀ mal raka, ɓǝa surǝo, kǝ we Ɓakuli Mǝ'mǝsǝcau nì, andǝ Munio Yesu Kǝrǝsti mǝnana a turi aɓa ɓanza ka.

Yohana 20:31

Sǝ amǝnia à gilǝia ka, nda ace mǝnana ɓǝ̀ wu earnǝi ama Yesu nda Kǝrǝsti, Mǝ'amsǝban, Muna mala Ɓakuli; sǝ aɓa paɓamuru ma'wun abani ka, wu nǝ̀ kum yilǝmu aɓa rǝcandǝa mala lullǝi.

Yohana 5:19

Yesu earia wia ama: Ən nggǝ na wun mǝsǝcau, pà mǝ nǝ pak kǝgir aɓa ɓamuram ɗang. Kǝ gir mǝnana ǝn sǝn Tárram Ɓakuli pak ka, nda ǝn pakkiyi ka. Gir mǝnana kat Tárram pak ka, nda mana ǝn pakkiyi ka.

Yohana 6:63

Bangŋo mala Ɓakuli na pākiyi yilǝmu ka; ɓariki mala ɓwapǝndǝa pa nǝ̀ pà yilǝmu ɗang. Acau mǝnana ǝn bangga wun ngga a mala bangŋo na andǝ yilǝmu.

Yohana 6:68

Shiman Bitǝrus eari wi ama, “Mǝtala sǝm, aban yan sǝ sǝm nǝ̀ ká le? A nda mǝnana nǝ cau mala pà yilǝmu mǝnana pà nǝ̀ mal raka.

Yohana 8:28

Ace mǝno ka, Yesu nea wia ama, “A pwari mǝnana wu loasǝna Muna mala Ɓwa a kuli amur nggun-gangndi ka, akano sǝ wu nǝ̀ sǝlǝ ama Mǝ Nda ɓwa mǝnana ǝn na wun nǝma Mǝ Nda ka. A pwari mǝno sǝ wun nǝ̀ sǝlǝ gbal ama ǝn nggǝ pak kǝgir aɓa rǝcandǝa mem ɗang. Kǝ gir mǝnana Tárram kaniam ngga kǝ nda ǝn nggǝ na ka.

1 Timoti 1:16

Sǝ àkǝ̀ ce mǝnia ka Ɓakuli sǝn mǝsǝswatǝr mem amsǝam, ace mǝnana ɓǝ̀ Kǝrǝsti Yesu pak turo nǝ mim, nggea mǝ'cauɓikea mana karban kat ka, ace lǝmndǝ munyi male mǝnana maɗanyi pà kàm raka a rǝam, ɓǝ̀ aɓwana sǝni. Sǝ anggo, acili aɓwana nǝ̀ sǝlǝ ama yia gbal ka, à nǝ̀ gandǝ paɓamuria abaní, à nǝ̀ kum yilǝmu mana málá male pà kàm raka.

1 Yohana 2:25

Sǝ mǝnia ka, nda gir mǝnana Kǝrǝsti pàcau ace ka ama nǝ̀ pà sǝm yilǝmu mǝnana málá male pà kàm raka.

1 Yohana 5:20

Ɗǝm ngga sǝm sǝlǝna ama Muna mala Ɓakuli yina, yi pana sǝm sǝlǝe, ace mǝnana ɓǝ̀ sǝm surǝ Ɓakuli mǝ'mǝsǝcau nì. Sǝ sǝm ngga sǝm nda aɓa dotarǝu sǝnǝia, yì ɓwa mǝnana nda Ɓakuli mǝ'mǝsǝcau nì ka, andǝ Muni Yesu Kǝrǝsti. Yì Yesu ka, nda kǝ Ɓakuli mǝ'mǝsǝcau nì, sǝ nda yilǝmu mǝnana málá male pà kàm raka.