Yohana 12:43 - Maləmce Məfele mala Ɓakuli: Kurcau Məbəshe

⁴³ Yia ka à kǝ earce ɓwangsǝban mala ɓwamǝpǝnde amur ɓwangsǝban mala Ɓakuli.

Yohana 12:43 ပူးပေါင်းရင်းမြစ်များ

Matiu 6:2

Ɓǝ̀ wu nǝ̀ pe amǝtǝle ɓoro ka, wu kǝa ham nǝ ce, kǝla pě mala amǝ'kunɓarina aɓalǝ andakpapi mala amǝ Yahudi andǝ mur anjarɓala ka ɗang. À kǝ pa anggo ace mǝnana ɓǝ̀ aɓwana sǝn aturo-ɓoarna malea ɓǝa ɓwangsǝia. Ən nggǝ bangga wun mǝsǝcau, à angŋǝna tangnakusǝia cikcik.

Luka 16:15

Pǝlǝa Yesu nea wia ama: Wu ndaka aɓwana mǝnana wu kǝ lǝmndǝì acili aɓwana ama wu ndaka amǝɓoarne, sǝ Ɓakuli ka surǝna ɓabum wun. Gir mǝnana ɓwapǝndǝa gusǝlǝi kǝrkǝr ka mǝɓeami na aban Ɓakuli.

Luka 19:17

Pǝlǝa mǝtala-ɓala male ne wi ama, “Yàwá, mǝturo mem mǝɓoarne! Acemǝnana a lǝmndǝ mǝsǝcau amur mǝnia bǝti ka, a nǝ duk mǝla amur anggea-là lum.”

Yohana 12:26

Ɓwa mǝnana kat earce nǝ̀ do a ɓatam ngga, dumǝna púp nǝ̀ yiu atam, ace mǝnana ban mǝnana kat mǝ nda kam ngga, àkǝ̀ banì sǝ guro mem nǝ̀ pa. Sǝ Tárram gbal ka nǝ̀ gusǝlǝ ɓwa mǝnana kat pà ɓamuri kǝ pak turo a ɓatam ngga.

Yohana 5:41

Ɓwangsǝban mala ɓwapǝndǝa na ǝn alkite ka ɗang.

Yohana 5:44

Lang sǝ wun nǝ̀ earnǝ mim, yi mǝnana wu kǝ earce ak ɓwangsǝban arǝarǝ wun, sǝ wu kǝ ɓariki ama wu nǝ̀ kum ɓwangsǝban aban ɓwa mǝnana yì mwashat nda Ɓakuli ka ɗang?

Yohana 7:18

Ɓwa mǝnana kǝ na cau aɓa ɓamuri ka, gulo mala ɓamuri na alkiyite ka, sǝ ɓwa mǝnana kǝ pak gir ace gulo mala ɓwa mǝnana turi ka, ɓwa mǝ'mǝsǝcau nì na, ɓe kǝgir nyir pa a ɓalǝi ɗang.

Yohana 8:54

Yesu earia wia ama, “Ɓǝ̀ ǝn pe ɓamuram gulo ka, gulê pà a kun kǝgir ɗang. Sǝ Tárram mǝnana wu twali ama nda Ɓakuli ma'wun ngga, nda mǝnana pākiyam gulo ka.

Amǝ Roma 2:29

Awo pa anggo ɗang, ɓwa Yahudi mǝɓafoe ka, nda ɓwa mǝnana ɓabumi ka à nggaɗini, nrě gilǝkina andǝa Ɓakuli; sǝ mǝno ka turo mala Bangŋo mala Ɓakuli na, kpata Nggurcau na ɗang. Ɓwa kǝla mǝno ka, ɓwangsǝban male kǝ pur aban ɓwapǝndǝa ɗang, kǝ pur nǝban Ɓakuli.

Amǝ Roma 2:7

Aɓwana mǝnana à lidǝmbǝa nǝ pe mǝɓoarne sǝ à kǝ alta ɓoarɓwa, andǝ gulo, andǝ do api-lú nǝban Ɓakuli ka, Ɓakuli nǝ̀ pea wia yilǝmu mǝnana málá male pà kàm raka.

1 Amǝ Korinti 4:5

Ace mani ka, wu kǝa ak dǝmbǝa pakki kǝɓwa ɓashi sǝ pwari nì bwal ɗang. Wu kundǝo she pwari mǝnana Mǝtalabangŋo nǝ̀ yiu nǝi ka. Yì nǝ nggeari, nǝ̀ pusǝ a banfana agir mǝnana aɓwana kǝ pakkia aɓa pǝndǝa ka; nǝ̀ pusǝta agir ɓa-sǝmbǝrǝa mǝnana a ɓabum aɓwana ka. A pwari mǝno sǝ aɓwana mǝnana kat à pak mǝɓoarne ka, à nǝ̀ kum ɓwangsǝban aban Ɓakuli.

2 Amǝ Korinti 10:18

Acemǝnana ɓwa mana ɓwangsǝ ɓamuri ka nda à nǝ̀ earnǝi ka ɗang, she ɓwa mǝnana Mǝtalabangŋo ɓwangsǝi ka.

1 Amǝ Tasalonika 2:6

Sǝm pà aban alta ɓwangsǝban aban ɓwapǝndǝa, ko aban wun, ko a bu kǝɓwa ɗang.

1 Bitǝrus 3:4

Gilǝki rǝǔ ma'wun ngga, ɓǝ̀ duk mala ɓabum wun, yì ɓoarnsari mǝnana pà nǝ̀ mal raka, yì ɓoarnsari mala ɓealǝu ɓukɓuka, andǝ do bwalrǝu arǝ aloasǝkiaban. Ulang mǝnia yì ɓealǝu ka, nggea gir mǝgule na aban Ɓakuli.