Yohana 12:40 - Maləmce Məfele mala Ɓakuli: Kurcau Məbəshe

⁴⁰ Mǝtalabangŋo girkina amǝsǝia, ɗǝm ngga girkina ɓabumia. Girkia ace mǝnana amǝsǝia ɓǝa kǝa sǝnban ɗang, sǝ ɓabumia ɓǝ̀ kǝa kum sǝlǝe ɗang, sǝ à pà nǝ̀ nyàr abanam ace mǝnana ɓǝn sonzǝia ka raka.

Yohana 12:40 ပူးပေါင်းရင်းမြစ်များ

Matiu 15:14

Wu ɗekia; yia ka à ndaka ante mana à kǝ bwali ante gara ka. Ɓǝ̀ nte bwali nte gara ka, yia kǝm ngga à nǝ̀ kpa tūli.”

Markus 4:12

Acemǝnana, “Ɓǝ̀ mala sǝnban nǝ mǝsǝu na ka, à nǝ̀ sǝna, sǝ à pà nǝ̀ bwalte ɗang. Ɓǝ̀ okban na nǝ kiru ka, à nǝ̀ o, sǝ à pà nǝ̀ surǝì ɗang. Ɓǝ̀ ana raka à nǝ̀ nyare abanam sǝ à nǝ̀ twalia wia banì!”

Markus 6:52

sǝ ɗǝm ngga, acemǝnana yia ka à bwalta ɓa gir'ndali mala linǝ́ aɓwana á-tongno nǝ bǝredi ka ɗang, ɗenyicau malea shilina, à gandǝ é ɗang.

Luka 4:18

“Bangŋo mala Mǝtalabangŋo na a muram, acemǝnana tarnam ɓǝn hamnǝ Cau Mǝɓoarne aban amǝtǝr. Tasǝam ɓǝ̀n yi hamnǝ cau mala panzǝban aban aɓwana mǝnana à kùria ka. Ɓǝa nyesǝi ante mǝsǝu sǝnban, sǝ ɓǝa pusǝ aɓwana mǝnana à nda aɓata parban ngga a gung.

Luka 8:10

Pǝlǝa nea wia ama: Wun ngga à pana wun surǝ gir ɓa sǝmbǝrǝa mala Domurǝm mala Ɓakuli. Sǝ mala acili aɓwana ka, ǝn nggǝ nea wia nǝ kanicau ace mǝnana ɓǝa lumsǝ cau ɓa Malǝmce mǝnana ama: “À nǝ̀ sǝnban, sǝ à pà nǝ̀ sǝn kǝgir ɗang; À nǝ̀ okban, sǝ ce pà nǝ̀ kpakia wia ɗang.”

Yohana 12:39

Ace mani ka à ginǝ earnǝ Yesu, acemǝnana Ishaya angŋa dǝmbǝa bangŋǝna ama,

Yohana 9:39

Pǝlǝa Yesu na ama, “Ən yiu aɓa ɓanza man ace ɓashi, ace mǝnana ɓǝ̀ ante kum sǝnban, sǝ aɓwana mǝnana à kǝ sǝnban ngga, ɓǝa pǝlǝ ante.”

Amǝ Mishan 15:3

Pǝlǝa ikǝlisiya, yì amǝkwaɗi tasǝia aban ká. À ara aɓalǝ abarìban Fonishiya andǝ Samariya à kǝ nea amǝkwaɗi cau mala pǝlǝa mala aɓwana mǝnana amǝ Yahudi na raka aban Ɓakuli. Bum amǝkwaɗi pwasǝo nǝ ok mǝnia yì cau ka.

Amǝ Mishan 28:26

“Kyane kya nea aɓwana man ama, Wù nǝ̀ ok cau nǝ kir wun, sǝ ceì pà nǝ̀ kpaka wun ɗang. Wu nǝ̀ sǝnban, nyare wù nǝ̀ sǝnban, sǝ pà wù nǝ̀ sǝn kǝgir ɗang,

Amǝ Mishan 3:19

Wu pwanzali ado, wu pǝlǝ nzǝm wun arǝ acauɓikea ma'wun. Wu nyare aban Ɓakuli, ace mǝnana ɓǝ̀ twala wun ban acauɓikea ma'wun.

Amǝ Roma 9:18

Ace mani ka, Ɓakuli kǝ lǝmndǝ ɓwamuru male amur ko yana eare nǝ̀ lǝmndǝì ɓwamuru ka, sǝ kǝ candǝ mur ɓwa mǝnana eare nǝ̀ candǝ muri ka.