Yohana 12:34 - Maləmce Məfele mala Ɓakuli: Kurcau Məbəshe

³⁴ Ɓwabunda pǝlǝa ne Yesu ama, “Sǝm ok aɓa Nggurcau mala Musa ama, Kǝrǝsti ka nǝ̀ dum nǝ yilǝmu mǝnana málá male pà kàm raka. Sǝ lang sǝ a na ama, ‘Dumǝna púp, à nǝ̀ loasǝ Muna mala Ɓwa amur nggun-gangndi?’ Yana ɓwe nda man yì ‘Muna mala Ɓwa’ ka?”

Yohana 12:34 ပူးပေါင်းရင်းမြစ်များ

Matiu 16:13

Lang Yesu yina a nzali Kaisariya Filipi ka, ɗi alaggana male ama, “Yana ɗe aɓwana kǝ na ama nda mim Muna mala Ɓwa?”

Matiu 21:10

Lang Yesu kutina a Urǝshalima ka, nggeala kat lo came amur kusǝì. Ɓwapǝndǝa ɗiban ama, “Yana ɓwe nda man le?”

Matiu 8:20

Yesu ne wi ama, “Amǝ'nzǝgban ndanǝ atuli sǝ amuna-nyal mana à kǝ gya kuli ka à ndanǝ andea, sǝ Muna mala Ɓwa ka pànǝ ban mǝnana nǝ̀ nong kam ngga ɗang.”

Yohana 10:34

Yesu earia wia ama: Pà akàm à gilǝe aɓa Malǝmce Nggurcau ma'wun mbo, mǝnana Ɓakuli bangŋa ama, “Wu nda ka aɓakuli” ka re?

Yohana 12:32

Sǝ anzǝm mǝnana à loasǝnam amur nggun-gangndi ka, mǝ nǝ nun ɓwapǝndǝa kat abanam.”

Yohana 15:25

Mǝnia ka nda yi lumsǝ gir mǝnana à gilǝì aɓa Malǝmce mala Ɓakuli ama: “À ɓinǝ mǝsǝam ɓà, tǝri pà kàm ɗang.”

Yohana 8:28

Ace mǝno ka, Yesu nea wia ama, “A pwari mǝnana wu loasǝna Muna mala Ɓwa a kuli amur nggun-gangndi ka, akano sǝ wu nǝ̀ sǝlǝ ama Mǝ Nda ɓwa mǝnana ǝn na wun nǝma Mǝ Nda ka. A pwari mǝno sǝ wun nǝ̀ sǝlǝ gbal ama ǝn nggǝ pak kǝgir aɓa rǝcandǝa mem ɗang. Kǝ gir mǝnana Tárram kaniam ngga kǝ nda ǝn nggǝ na ka.

Amǝ Roma 3:19

Sǝm sǝlǝna ama gir mǝnana kat Nggurcau na ka, nda aban ne aɓwana mǝnana à nda aɓata Nggurcau ka, ace mǝnana ɓǝ̀ ɓwa ɓǝ̀ kǝa kum kún nacau ɗang, sǝ ɓanza kat ka à nǝ̀ yinǝi a ɓadǝm ɓashi mala Ɓakuli.

Amǝ Roma 5:18

Ace mani ka, kǝla mǝnana cauɓikea mwashat mala Adamu yinǝ kasǝ ɓashi-lú amur aɓwana kat ka, anggo gbal sǝ turo cauɓoarna mwashat mala Kǝrǝsti kǝ yinǝ akban aban Ɓakuli andǝ yilǝmu ace aɓwana kat.

Amǝ Ibǝru 7:24

Sǝ acemǝnana Yesu ka, lú gandǝ tamsǝe raka, dobuno-pǝris male ka, masǝlǝate pà kàm ɗang.