Yohana 12:32 - Maləmce Məfele mala Ɓakuli: Kurcau Məbəshe

³² Sǝ anzǝm mǝnana à loasǝnam amur nggun-gangndi ka, mǝ nǝ nun ɓwapǝndǝa kat abanam.”

Yohana 12:32 ပူးပေါင်းရင်းမြစ်များ

Yohana 1:7

Yiu yi ne ɓwapǝndǝa cau amur mǝnia yì tǎlaban ngga, ace mǝnana ɓǝ̀ ɓwapǝndǝa kat ok mǝnia yì cau ka, ɓǝ̀ é.

Yohana 12:34

Ɓwabunda pǝlǝa ne Yesu ama, “Sǝm ok aɓa Nggurcau mala Musa ama, Kǝrǝsti ka nǝ̀ dum nǝ yilǝmu mǝnana málá male pà kàm raka. Sǝ lang sǝ a na ama, ‘Dumǝna púp, à nǝ̀ loasǝ Muna mala Ɓwa amur nggun-gangndi?’ Yana ɓwe nda man yì ‘Muna mala Ɓwa’ ka?”

Yohana 18:32

Mǝnia ka lumsǝ cau mǝnana Yesu bangŋa amur ulang lú mǝnana nǝ̀ wu ka.

Yohana 19:17

À tsǝki wi nggun-gangndi mǝnana à nǝ̀ ká gballì amuri ka, a meali, sǝ pur aban ká aban mǝnana à kǝ tunǝi ama “Ban kpouloɓamuru” ka. Nǝ kun Ibǝru ka, à tunǝ banì ama, “Golgota.”

Yohana 3:14

“Kǝla mǝnana Musa loasǝ n'yau amur gara ɓabondo ka, anggo sǝ à nǝ̀ loasǝ Muna mala Ɓwa a kuli,

Yohana 6:44

Kǝɓwa pà nǝ̀ yiu abanam, mǝnana ɓǝ̀ Tárram mana turam ngga nǝ̀ nunni a rǝam raka. Sǝ mim ngga mǝ nǝ loasǝi nǝ yilǝmu a masǝlǝata apwari.

Yohana 8:28

Ace mǝno ka, Yesu nea wia ama, “A pwari mǝnana wu loasǝna Muna mala Ɓwa a kuli amur nggun-gangndi ka, akano sǝ wu nǝ̀ sǝlǝ ama Mǝ Nda ɓwa mǝnana ǝn na wun nǝma Mǝ Nda ka. A pwari mǝno sǝ wun nǝ̀ sǝlǝ gbal ama ǝn nggǝ pak kǝgir aɓa rǝcandǝa mem ɗang. Kǝ gir mǝnana Tárram kaniam ngga kǝ nda ǝn nggǝ na ka.

Amǝ Galati 3:13

Sǝa ma do mana Kǝrǝsti yi duk su-ɓwa ace sǝm ngga, angŋǝna mur sǝm a ɓabu suban mǝnana Nggurcau yinǝi ka. Acemǝnana à gilǝa aɓa Malǝmce ama, “Suban na amur koya ɓwa mǝnana à gyari a nggun ngga.”

1 Timoti 2:6

mǝnana pa yilǝmi, ace akmúr ɓwapǝndǝa kat ka. Mǝnia yì cau ka à yì pe ɓanza a kārǝa mala pwari ama Ɓakuli ka earǝna ce ama aɓwana kat ɓǝa kum amsǝban.

Amǝ Ibǝru 2:9

Gir mǝnana sǝm sǝni ka nda Yesu mǝnana à cì gatti amǝturonjar bǝti, ace mǝnana nǝ ɓwamuru mala Ɓakuli ka, ɓǝ̀ wú ace ko yan ngga. Sǝ adyan ngga, sǝm sǝni ka à pǝtina muri nǝ ɓoarɓwa andǝ gulo, acemǝnana nu tanni wu ace aɓwana ka.

1 Bitǝrus 2:24

Yì nǝ nggearǝì ka, twal acauɓikea ma'sǝm a nggūrǝì amur nggun- gangndi, ace mǝnana ɓǝ̀ sǝm wuki cauɓikea, sǝ ɓǝ̀ sǝm duk do ɓealɓoarna. Nǝ́ anpenye male mana à tsǝki wi ka sǝ wu kum twalban rǝkwana.

1 Bitǝrus 3:18

Kǝrǝsti ka, wú ace acauɓikea ma'sǝm kusǝ mwashat ɓǝrɓǝr, mǝ'cauɓoarna ace amǝ'cauɓikea, ace mǝnana ɓǝ̀ yinǝ wun a ɓala aban Ɓakuli ka. Yì ka, wú aɓa nggūrǝu, sǝa ma dum nǝ yilǝmu aɓa bangŋo.

1 Yohana 2:2

Yì nda gir'nkila mǝnana yinǝ twalban mala acauɓikea ma'sǝm ngga, sǝ acauɓikea ma'sǝm nǝmurǝia ɗang, nda andǝ mala ɓanza kat.

Sǝna 5:9

Pǝlǝa agiryilǝmu andǝ aɓwana-mǝgule mǝno tu bǝsa nggyal ama: “A karǝna wu ak malǝmce nî, sǝ wu fasǝki amyang-kuni. Acemǝnana we ka à pwanmealo, sǝ nǝ nkilio sǝ a akmúr aɓwapǝndǝa ace Ɓakuli, aɓa koya kun, andǝ koya lasǝu, andǝ aɓwana arǝ anzali ɗàngɗáng.