Yohana 12:27 - Maləmce Məfele mala Ɓakuli: Kurcau Məbəshe

²⁷ Ado ka ɓabumam kǝ pi, sǝ aman sǝ mǝ nǝ na? Mǝ nǝ na nǝma, “Dâ, amsǝam aɓa mǝnia yì tanni ka ɓǝ̀ kǝa sulǝ a muram ɗang” le? Awo! Mǝnia ka nda tǝr yiu mem, acemǝnana ɓǝn kutio aɓa mǝnia yì bu-pwari mala tanni ka.

Yohana 12:27 ပူးပေါင်းရင်းမြစ်များ

Matiu 11:25

A pwari mǝno ka Yesu na ama: Ən nggǝ ɓwangsǝo, we Dâ, mǝtala kuli andǝ nzali, ace mǝnana a sǝmbǝrǝ agir mǝnia ka arǝ amǝ'sǝlǝgir andǝ amǝ sǝlǝcau, sǝ a lǝmndǝia a banfana aban amǝ'ɗwanyi-sǝle.

Matiu 11:26

E, Dâ, anggo sǝ ɓoarô ama ɓǝ̀ pa.

Matiu 26:42

Nyar ɗǝm o kya pak ɓaria hiwi ama, “Dâ, ɓǝ̀ mǝnia yì tanni ka a pà nǝ́ twalami raka, she ɓǝ̀ ǝn nuni ka, kànì mo ɓǝ̀ pa.”

Matiu 26:45

Nyare yiu aban alaggana male sǝ banggia wia ama, “Wu nda a ntulo piu aban usǝlǝo? Wu sǝni, bu-pwari yina à ndo à nǝ̀ pà Muna mala Ɓwa a bu amǝ'cauɓikea.

Luka 22:44

Sǝ acemǝnana nda aɓa bumkiɗikea mǝgule ka, kutio arǝ hiwi nǝ rǝcandǝa. Piban mǝnana pur a rǝì ka kǝ surkio kǝla nkila.

Luka 22:53

Ko aya pwari ka mǝ nda ata wun aɓa Ndàmǝgule mala Ɓakuli, sǝ wu loasǝ kun wun a rǝam ɗang. Sǝ bu-pwari man she ka ma'wun na, andǝ mala rǝcandǝa mala pǝndǝa.”

Yohana 11:41

Pǝlǝa aɓea ɓwana mǝnana abanì ka à gǝshi talî. Yesu loasǝ mǝsǝì a kuli sǝ na ama, “We Dâ, ǝn pakko yàwá mǝnana a ongŋǝnam ngga.

Yohana 12:23

Yesu nyesǝia wia ama: Ado ka pwarî yina, yì mǝnana Ɓakuli nǝ̀ lǝmndǝ gulo mala Muna mala Ɓwa ka.

Yohana 13:21

Anzǝm mana Yesu bangŋǝna man yì cau ka, bumkiɗikea ɓákì kǝrkǝr aɓa bangŋo, sǝ ne bwāng ama, “Mǝ nda ban bangga wun mǝsǝcau, ɓeɓwa na aɓalǝ wun nǝ̀ ngga mem.”

Yohana 18:37

Bilatus pǝlǝa ne Yesu ama, “Ashe a nda murǝm!” Yesu eari wi ama, “A bangŋa ama mǝ nda murǝm. Ace kǝ mani sǝ à ɓǝlam, sǝ yiu mem a ɓanza ka nda ace na mǝsǝcau, sǝ ɓwa mǝnana kat kǝ camata mǝsǝcau ka, kǝ kwaki kiri kǝ ok giem.”

1 Timoti 1:15

Mǝnia ka nda ne mǝ'mǝsǝcau nì, mǝnana koyana ka, ɓǝ̀ earnǝ ce ka, ama “Kǝrǝsti Yesu ka, yiu aɓa ɓanza ace amsǝ amǝ'cauɓikea,” sǝ mǝ nda mana ǝn karmur aɓwana kat nǝ cauɓikea ka.

Amǝ Ibǝru 2:14

Sǝ acemǝnana amuna mala Ɓakuli ka, à pea nǝ nkila andǝ nyama ka, Yesu gbal ka duk nkila andǝ nyama, do kǝla yia aɓwapǝndǝa. Nǝ́ lú male sǝ gandǝ kiɗiki rǝcandǝa mala mǝɓealɓikea mǝnana bwal rǝcandǝa mala lú ka.

Amǝ Ibǝru 5:7

Arǝ abaku mǝnana Yesu na akani a ɓanza ka, pakki ahiwi andǝ azǝmba, loasǝ gi ɓua kǝrkǝr nǝ mǝrǝm, aban ká aban ɓwa mǝnana nǝ̀ gandǝ amsǝi a bu lú ka. Ɓakuli pǝlǝa ok ahiwi male, ace pagulo male aban Ɓakuli.