Yohana 11:44 - Maləmce Məfele mala Ɓakuli: Kurcau Məbəshe

⁴⁴ Pǝlǝa Liazaro mǝnana lú na ka puro, abuí andǝ akusǝi ka, à marǝkia nǝ bugir, sǝ ɓamǝsǝi ka, à marǝi nǝ nggurbyau. Yesu banggia wia ama, “Wu panzǝi, sǝ wu nyi ɓǝ̀ o!”

Yohana 11:44 ပူးပေါင်းရင်းမြစ်များ

Markus 5:43

Yesu tsǝkia wia nzongcau mǝcande ama ɓǝa kǝa ne kǝɓwa ce ɗang. Pǝlǝa banggia wia ɓǝa pe muna-ɓwame girlina ɓǝ̀ li.

Luka 19:20

Pǝlǝa ɓe guro yiu yi na ama, “Ɓwamǝgule, luru mǝsǝboalo mo nia ka, ǝn karrì aɓa bugir ǝn sǝmbǝrǝi pepe.

Luka 7:15

Lú kara lo dum nǝ do, tita na cau, pǝlǝa Yesu nyesǝi pe ngge.

Yohana 10:30

Mim sǝnǝ Tárram ka sǝm nda mwashat.

Yohana 11:39

Yesu na ama, “Wu gǝshi talî!” Sǝ Marta mǝ'eam lú ne Yesu ama, “Mǝtalabangŋo, lú ka à ci pangŋǝna nongŋo ine adyan. Rǝmban mǝɓike nǝ̀ akiban!”

Yohana 11:43

Lang bangŋǝna anggo ka, sǝ tunǝban nǝ giu mǝcande, ama, “Liazaro, puro!”

Yohana 19:40

Aburana mǝnia yia kǝm ngga à twal lú Yesu sǝ à marǝki aɓa nggurbyau pwasǝa andǝ muru mǝ'rǝmɓoarne, kǝla mǝnana amǝ Yahudi kǝ pang nǝ lú sǝ à nǝ̀ ci ka.

Yohana 20:5

Pǝlǝa dili muri a kun ɓembe, sǝn anggurbyau-mur lú aɓa ɓembe sǝ kuti ɗang.

Yohana 20:7

sǝ nggurbyau mǝnana à marǝkina ɓamur Yesu nǝi ka, pà aban acili anggurbyau mǝnana à tsǝngŋǝna ban Yesu nǝia ka ɗang; male ka à kàrrì à nongsǝi ɗàng.

Yohana 5:21

Kǝla mǝnana Ɓakuli Tárram kǝ loasǝ alú sǝ kǝ pea wia yilǝmu ka, anggo sǝ mim Muni ka mǝ nǝ pea aɓwana mǝnana ǝn earce mǝ nǝ pea wia ka yilǝmu.

Yohana 5:25

Mǝ nda ban na wun mǝsǝcau, pwari na ban yiu, yale pwari nì pangŋǝna, mǝnana aɓwana mana alú na ka à nǝ̀ ok gi Muna mala Ɓakuli, sǝ aɓwana mǝnana à o ka, à nǝ̀ long nǝ yilǝmu.

Amǝ Filipi 3:21

Nǝ́ rǝcandǝa male mala gandǝ nyesǝ agir kat aɓata yalban male ka, nǝ̀ yia nggaɗi nggūrǝ sǝm mǝ ká lui ɓǝ̀ pâ kǝla nggūrǝi mǝɓoarɓwe.

Sǝna 1:18

Mǝ nda mǝnana nǝ yilǝmu ka. Ɗiɗyal ka ǝn wú, sǝ sǝni, mǝ ndya nǝ amǝsǝam ngga, masǝlǝate pà kàm ɗang. Akyî mala Lú andǝ Domurǝm mala Lú ka nda aɓa buam.