Yohana 10:28 - Maləmce Məfele mala Ɓakuli: Kurcau Məbəshe

²⁸ Ən nggǝ pea wia yilǝmu mǝnana málá male pà kàm raka, sǝ à pà nǝ̀ kiɗiki à nǝ̀ ueɓà ɗang. Kǝɓwa pà nǝ̀ fea a buam ɗang.

Yohana 10:28 ပူးပေါင်းရင်းမြစ်များ

Markus 13:22

Acemǝnana akǝrǝsti mǝ'nyirì andǝ amǝ'ɓangna mǝ'nyirì à nǝ̀ purkio, à nǝ̀ pakki agir-lǝmndǝa andǝ agir-ndǝlǝki ɗàngɗáng, ace ɓosǝki aɓwana mǝnana Ɓakuli tarkia ka, ɓǝa à nǝ̀ gandǝi ka.

Luka 23:46

Pǝlǝa Yesu loasǝ gi bang-bang ama, “Dâ! A ɓabuo sǝ ǝn nggǝ pa bangŋo mem!” Lang bangŋǝna anggo ka, kara yilǝmi puro.

Yohana 10:29

Tárram mǝnana pam mia ka kuti koyan ngga nǝ rǝcandǝa. Kǝɓwa pà nǝ̀ gandǝ ea a rǝì ɗang.

Yohana 11:25

Yesu ne wi ama, “Mǝ nda lo mala alú andǝ yilǝmu. Ɓwa mǝnana kat pà ɓamuri a banam ngga, ko ɓǝ̀ wu ka, nǝ̀ lo nǝ yilǝmu.

Yohana 14:19

Banì pà nǝ̀ sau ɗang, ɓanza pà nǝ̀ sǝnam ɗǝm ɗang, sǝ wun ngga wu nǝ̀ sǝnam. Sǝ acemǝnana mǝ ndanǝ yilǝmu ka, wun gbal ka wu nǝ̀ dum nǝ yilǝmu.

Yohana 17:2

A panì wi rǝcandǝa amur ɓanza kat, ɓǝ̀ pea aɓwana mǝnana a yinǝia abani ɓǝa duk amǝkpate ka, yilǝmu mǝnana málá male pà kàm raka.

Yohana 18:9

Mǝnia ka pa anggo ace mǝnana cau mana pur a kuni ka ɓǝ̀ lumsǝo, mǝnana ama, “Dâ, aɓalǝ aɓwana mǝnana a pam ngga, ǝn turta kǝɓwa mwashat ɗang.”

Yohana 3:36

Koya ɓwa na sǝ pà ɓamuri aban Muna mala Ɓakuli ka, ndanǝ yilǝmu mǝnana málá male pà kàm raka. Sǝ ɓwa mǝnana kat ɓinǝ Muna mala Ɓakuli ka pà nǝ̀ kum yilǝmu ɗang, bumlulla mala Ɓakuli ka nǝ̀ ueo amuri.

Yohana 4:14

Sǝ ɓwa mana kat nǝ̀ nu mùr mǝnana mǝ nǝ pe wi ka, pà nǝ̀ ok mǝsamur ɗǝm ɗang. Mùr mǝnana mǝ nǝ pe wi ka, nǝ̀ duk mgbeaɗe mùr a bumi mana nǝ̀ nggǝ pe wi yilǝmu mǝnana te pà nǝ̀ mal raka.”

Yohana 5:24

Mǝ nda ban na wun mǝsǝcau, ɓwa mǝnana kat kǝ ok cau mem, sǝ kǝ pa ɓamuri aban Tárram mǝnana tasǝam ngga, ndanǝ yilǝmu mǝnana masǝlǝate pà kàm raka. Ɓashi pà nǝ̀ sulǝo amuri ɗang, yì ka, angŋǝna dǝmbǝa yàlǝ́nì lú, kutina a yilǝmu.

Yohana 6:27

Sǝ wu kǝa wu pak turo ace girlina mǝnana kǝ kiɗiki ka ɗang; wu pak turo ace girlina mǝnana nǝ̀ pà wun yilǝmu mǝnana málá male pà kàm raka. Mǝnia ka nda girlina mǝnana Muna mala Ɓwa nǝ̀ pà wun ngga, acemǝnana Tarrû, yì Ɓakuli ka, tsǝngŋǝna bui ama earǝna nǝi.”

Yohana 6:37

Ɓwa mǝnana kat Tárram pam ngga nǝ̀ yiu abanam, sǝ ɓwa mǝnana kat yiu abanam ngga pà mǝ nǝ ɓínǝì ɗang.

Yohana 6:47

Mǝ nda ban bangga wun mǝsǝcau, ɓwa mǝnana paɓamuri abanam ngga, ndanǝ yilǝmu mǝnana málá male pà kàm raka.

Yohana 6:68

Shiman Bitǝrus eari wi ama, “Mǝtala sǝm, aban yan sǝ sǝm nǝ̀ ká le? A nda mǝnana nǝ cau mala pà yilǝmu mǝnana pà nǝ̀ mal raka.

Amǝ Mishan 7:59

Lang à ndarǝ ɓukki ka, Itǝfanu loasǝ gi pak hiwi ama, “Mǝtalabangŋo Yesu, ak yilǝmem.”

Amǝ Roma 5:17

Cauɓikea mala ɓwa mwashat, yì Adamu, tsǝa lú do amur aɓwana kat. Sǝ gir mǝnana kar mur mǝno ka nda, kum ɓwamuru mǝgule mala Ɓakuli andǝ pa ɓoro mala duk aɓwana amǝ'cauɓoarna nǝ bu ɓwa mwashat, yì Yesu Kǝrǝsti. Sǝ aɓwana mǝnana kat à kum mǝnia yì ɓwamuru andǝ ɓoro ka, à nǝ̀ duk amurǝma aɓa do malea nǝ bu Yesu Kǝrǝsti.

Amǝ Roma 5:2

Ndá àkǝ̀ ce guliarǝu ma'sǝm arǝ Kǝrǝsti sǝ yinǝ sǝm aɓa ɓwamuru mala Ɓakuli mǝnana ado sǝm do a ɓalǝi ka. Nda gir mǝnana tsǝa sǝm nggǝ nggori nǝ tsǝkɓalǝu mǝnana sǝm ndanǝi mala kum kāmbe aɓa gulo mala Ɓakuli ka.

Amǝ Roma 5:21

Kǝla mana cauɓikea do amur ɓwapǝndǝa kat a njar mala lú ka, anggo gbal ɓwamuru mala Ɓakuli ɓǝ̀ duk murǝm. Mǝnia yì ɓwamuru mala Ɓakuli ka kǝ yinǝ aɓwana ɓǝa kum akban abani, sǝ aɓa mǝno ka ɓǝa kum yilǝmu mǝnana málá male pà kàm raka, nǝ bu Yesu Kǝrǝsti Mǝtala sǝm.

Amǝ Roma 5:9

Acemǝnana ado ka à angŋǝna sǝm, sǝm dumǝna amǝ'cauɓoarna aban Ɓakuli nǝ nkila mala Kǝrǝsti ka, lǝmndǝ ama kàngkàng aɓa pe mǝnana kuti mǝno ka, sǝm nǝ̀ kum auwa a ɓabu bumlulla mala Ɓakuli nǝ bani!

Amǝ Roma 6:23

Tangnakusǝ cauɓikea ka, lú na, sǝ ɓoro mala Ɓakuli ka, nda yilǝmu mǝnana málá male pà kàm raka, nǝ bu Kǝrǝsti Yesu Mǝtala sǝm.

Amǝ Roma 8:1

Adyan ngga ɓashi pà kàm ɗǝm amur aɓwana mǝnana à nda aɓa Kǝrǝsti Yesu ka ɗang.

Amǝ Roma 8:29

Aɓwana mǝnana Ɓakuli angŋa dǝmbǝa twalǝnia ka, nda gbal tària ɓǝa do kǝla Muni, ace mǝnana ɓǝ̀ Muni duk muna-dǝmbǝa aɓalǝ amǝ'eambǝi mǝnana pas ka.

Amǝ Filipi 1:6

Mim ngga, mǝ ndanǝ makɓalǝu ama Ɓakuli mǝnana tita mǝnia yì turo mǝɓoarne aɓalǝ wun ngga, nǝ̀ lidǝmbǝa nǝi aban ká masǝlǝe a Pwari mǝnana Kǝrǝsti Yesu nǝ̀ nyar nǝi ka.

2 Amǝ Tasalonika 2:13

Sǝ sǝm ngga, ndanǝ ɓoaro ɓǝ̀ sǝm nggǝ pakki Ɓakuli yàwá ace wun, wun amǝ'eamrǝarǝu mǝnana Mǝtalabangŋo earkiyi acea raka. Ɓakuli ka tarki wun kǝla aɓǝla agir mǝdǝmbe ace amsǝ wun, ɓǝ̀ wu duk aɓwana male, nǝ rǝcandǝa mala Bangŋo male, sǝ nǝ paɓamuru ma'wun arǝ mǝsǝcau ka.

1 Timoti 1:16

Sǝ àkǝ̀ ce mǝnia ka Ɓakuli sǝn mǝsǝswatǝr mem amsǝam, ace mǝnana ɓǝ̀ Kǝrǝsti Yesu pak turo nǝ mim, nggea mǝ'cauɓikea mana karban kat ka, ace lǝmndǝ munyi male mǝnana maɗanyi pà kàm raka a rǝam, ɓǝ̀ aɓwana sǝni. Sǝ anggo, acili aɓwana nǝ̀ sǝlǝ ama yia gbal ka, à nǝ̀ gandǝ paɓamuria abaní, à nǝ̀ kum yilǝmu mana málá male pà kàm raka.

2 Timoti 1:12

Nda gir mǝnana tsǝa sǝ ǝn nggǝ nu tanni kǝla mǝno mǝ nda a ɓalǝi ka. Sǝ mim ngga, kǝsǝkya kǝ pakkam arǝ mani ɗang, acemǝnana ǝn surǝna rǝ ɓwa mǝnana ǝn guli a rǝì, sǝ ǝn sǝlǝna ama gir mǝnana ǝn nyingŋǝni wi a bui ka, nǝ̀ gandǝ bwale ba pwari nyare male.

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

1 Bitǝrus 1:5

Sǝ ata cau mala paɓamuru ma'wun ngga, Ɓakuli na rǝ yal wun nǝ rǝcandǝa male ace kum amsǝban mǝnana gilǝkini nǝ̀ yia lǝmndǝi, a masǝlǝata apwari ka.

1 Yohana 1:2

Mǝnia yì ɓwa mǝnana nda yilǝmu nǝ nggearǝì ka, yi pusǝrǝi, sǝ sǝm sǝnǝni. Sǝ ado ka sǝm na ce sǝ sǝm hamba wun ama yì ka, nda yilǝmu mǝnana málá male pà kàm raka. Yì ka, à nda a tarǝia andǝ Ɓakuli Tarrû, sǝ yi pusǝrǝi aban sǝm.

1 Yohana 2:19

Amǝnia yì aɓwana ka, à ma'sǝm na ɗang, nda gir mǝnana tsǝa sǝ à nying sǝm ngga. Ɓǝ̀ yia ka à ma'sǝm na ka, ɓǝ́ à dumǝna ata sǝm. À nying sǝm ace mǝnana ɓǝ̀ lǝmndǝ bwāng ama yia ka à ma'sǝm na raka.

1 Yohana 2:25

Sǝ mǝnia ka, nda gir mǝnana Kǝrǝsti pàcau ace ka ama nǝ̀ pà sǝm yilǝmu mǝnana málá male pà kàm raka.

1 Yohana 5:11

Mǝnia ka, nda nakun mǝnana Ɓakuli ne ka: Ɓakuli pana sǝm yilǝmu mǝnana málá male pà kàm raka, sǝ mǝnia yì yilǝmu ka, tǝri na nǝban Muni.

Yahuda 1:1

Mǝnia yì cautera ka pur nǝ bu Yahuda, guro mala Yesu Kǝrǝsti, andǝ mǝ'eam Jemis, aban ká aban aɓwana kat mǝnana Ɓakuli Tarrû tunǝia, sǝ earcea, sǝ dumsǝia aɓa yálban mala Yesu Kǝrǝsti ka.

Yahuda 1:21

Wu bwal ɓamur rǝ wun aɓa earcearǝu mala Ɓakuli, yi mǝnana wu nda arǝ kundǝ mǝsǝswatǝr mala Mǝtala sǝm Yesu Kǝrǝsti, mǝnana nǝ̀ yinǝ wun aɓa yilǝmu mana málá male pà kàm raka.

Yahuda 1:24

Adyan ngga, gulo ka ɓǝa pe Ɓakuli, mǝnana nǝ̀ gandǝ bwal wun, wu kǝa kpa raka, sǝ nǝ̀ yinǝ wun a ɓadǝmbǝi, mana lumsǝ nǝ ɓoarɓwa ka, nǝ banɓoarnado mǝgule andǝ ɗwanyi cau a rǝǔ.