Yohana 10:27 - Maləmce Məfele mala Ɓakuli: Kurcau Məbəshe

²⁷ Anzur mem kǝ ok giem; ǝn surǝia, sǝ à kǝ kpatam.

Yohana 10:27 ပူးပေါင်းရင်းမြစ်များ

Matiu 16:24

Pǝlǝa Yesu banggi alaggana male ama: Ɓwa mǝnana kat earce ama nǝ̀ yiu atam nǝ̀ duk mǝkpatam ngga, dumǝna púp nǝ̀ nying ɗenyicau ɓamuri, nǝ̀ twal nggun-gangndi male sǝ nǝ̀ kpatam.

Matiu 17:5

Ndarǝ na cau piu ka, kara pǝrɓang mǝpwasǝe pwatpwat yi gir muria, sǝ giu pur aɓa pǝrɓang na ama, “Mǝnia ka nda Munem mǝnana ǝn earkiyi ace raka; mǝnana ban kǝ ɓoaram a rǝì pepe ka. Wu ok cau male!”

Matiu 25:12

Bura-manfela earia wia ama, “Ɓafo, ǝn surǝ wun ɗang.”

Matiu 7:23

Pǝlǝa mǝ nǝ banggia wia ama, “Ən surǝ wun pale ɗang. Wu upi banam, wun amǝ'ɓealɓikea!”

Markus 10:21

Yesu sǝni sǝnban earcearǝu, pǝlǝa ne wi ama, “Gir mwashat sǝ a ɗwanyi, o, kya mak girkuma mo kat, sǝ wu gaki amǝtǝr boale, a nǝ kum gǝna a kuli. Sǝ wu yiu wu yi kpa atam.”

Markus 8:34

Pǝlǝa tunǝ ɓwabunda, andǝ alaggana male, nea wia ama: Ɓǝ̀ ɓwa twal ama nǝ̀ duk mǝkpatam ngga, dumǝna púp ɓwe nǝ̀ nying kpata agir mala ɓamuri. Ɓwe nǝ̀ twal takusǝam aɓa gandǝrǝu mala nutanni andǝ lú ulang mem amur nggun-gangndi, sǝ nǝ̀ yiu atam arǝ aban kat mǝnana mǝ nǝ ká akàm ngga.

Luka 13:27

Sǝ nǝ̀ eara wun ama, “Ən surǝ wun ɗang, sǝ ǝn surǝ ban mǝnana wu pur kam ngga ɗang. Wu upi banam, wun amǝ'ɓealɓikea!”

Luka 9:23

Pǝlǝa nea aɓwana kat ama, “Ɓwa mǝnana kat kǝ earce yiu atam ngga, nǝ̀ ɓinǝ ɓamurì, nǝ̀ twal nggun-gangndi male ko aya pwari ka nǝ̀ kpatam.

Yohana 10:14

Mǝ nda yalgir mǝɓoarne; ǝn surǝ anzur mem, sǝ yia gbal ka à surǝam,

Yohana 10:16

Mǝ ndanǝ aɓia anzur mem mǝnana à pà aɓa domwan man raka. Dumǝna púp mǝ nǝ yinǝia gbal. À nǝ̀ kwaki kiria à nǝ̀ ok giem, sǝ domwan ngga nǝ̀ duk mwashat, nǝ yalgir mwashat.

Yohana 10:8

Acili aɓwana mǝnana kat à akàm dǝmbǝa à yiu ka, amǝn'i na andǝ amǝ'ɓǝmbǝriban. Anzur mǝ'mǝsǝcau nì okia wia ɗang.

Yohana 12:26

Ɓwa mǝnana kat earce nǝ̀ do a ɓatam ngga, dumǝna púp nǝ̀ yiu atam, ace mǝnana ban mǝnana kat mǝ nda kam ngga, àkǝ̀ banì sǝ guro mem nǝ̀ pa. Sǝ Tárram gbal ka nǝ̀ gusǝlǝ ɓwa mǝnana kat pà ɓamuri kǝ pak turo a ɓatam ngga.

Yohana 21:22

Yesu eari wi ama, “Ɓǝ̀ ǝn eare nǝma yì ka, ɓǝ̀ do nǝ yilǝmu ba nyare mem ngga, mana oasǝo a ɓalǝi? We ka, kpatam!”

Yohana 5:25

Mǝ nda ban na wun mǝsǝcau, pwari na ban yiu, yale pwari nì pangŋǝna, mǝnana aɓwana mana alú na ka à nǝ̀ ok gi Muna mala Ɓakuli, sǝ aɓwana mǝnana à o ka, à nǝ̀ long nǝ yilǝmu.

Yohana 8:12

Yesu nyar ɗǝm banggi aɓwana ama, “Mǝ nda tǎlaban mala ɓanza! Ɓwa mǝnana kat kpatam ngga, pà nǝ̀ gya a pǝndǝa ɗang, nǝ̀ kum tǎlaban mala yilǝmu.”

Yohana 8:43

Man tsǝa sǝ wu bwalta acau mǝnana ǝn nggǝ na wun ngga ɗang? Nda ace mǝnana wu gandǝ ok cau mem ɗang.

Amǝ Mishan 3:23

Sǝ ɓwa mǝnana kat pà nǝ̀ oki mǝnia yì mǝɓangna mala Ɓakuli raka, à nǝ̀ pusǝì aɓalǝ aɓwana mala Ɓakuli ɓǝ̀ kiɗikea.”

1 Amǝ Korinti 8:3

Sǝ ɓwa mǝnana earce Ɓakuli ka, Ɓakuli surǝna rǝì.

Amǝ Galati 4:9

Sǝ ado mǝnana wu surǝna rǝ Ɓakuli, ko a na raka, Ɓakuli surǝna rǝ wun ngga, palang sǝ wu kǝ earce nyar nǝ ta wun, wu nǝ̀ duk aguro mala alú andǝ akukwar mala ɓanza man, mǝnana à panǝ kǝ rǝcandǝa raka?

2 Timoti 2:19

Kat andǝ amani ka, mǝsǝcau mala Ɓakuli ka, camǝna kàngkàng kǝla kusǝɓa mǝnana à kwaki sǝ pà nǝ̀ dǝurǝ raka. Amuri ka à nyoulǝ mǝnia yì cau ka ama: “Mǝtalabangŋo surǝna rǝ aɓwana mǝnana à ndaka male ka,” sǝ “Koya ɓwa mǝnana kat kǝ na ama mala Mǝtalabangŋo na ka, dumǝna pup nǝ̀ gapita rǝia andǝ ɓealɓikea.”

Amǝ Ibǝru 3:7

Ace mani ka, kǝla mǝnana Bangŋo Mǝfele kǝ na ama: “Ɓǝ̀ yalung, sǝ wu ongŋa gi ka,

Sǝna 14:4

À nda ka aɓwana mǝnana à pǝndǝki ɓamuria nǝ nongginǝ amamǝna raka. À bwal ɓamuria aɓa doɓoarnsari, kǝla ansarina mǝnana à surǝ kǝ ɓwabura raka. À kǝ kpata Mǝgam arǝ aban mǝnana kat kǝ wari kam ngga. Ɓakuli akmuria aɓalǝ acili ɓwapǝndǝa a ɓanza ɓǝa do à nda ka ɓǝla-ɓaban mǝdǝmbe mǝnana à nǝ̀ pànà ɓoro nǝia aban Ɓakuli andǝ Mǝgam ngga.

Sǝna 3:20

Sǝni! Mǝ ndya ǝn came a kunkurǝm ǝn nggǝ pak kou ka! Ɓwa mǝnana kat ok giem sǝ mǝn kunkurǝm ngga, mǝ nǝ kutio ate, sǝ sǝm nǝ̀ lili a tarǝ sǝm sǝnǝi, kǝla agyajam.