Yohana 10:25 - Maləmce Məfele mala Ɓakuli: Kurcau Məbəshe

²⁵ Yesu nyesǝia wia ama: Ən angŋa dǝmbǝa ǝn nanà wun, sǝ wun ngga, wu earnǝ mim ɗang. Aturo mǝnana ǝn nggǝ pea aɓa rǝcandǝa mala Tárram ngga, à nda à lǝmndǝ ko yan nda mim ngga.

Yohana 10:25 ပူးပေါင်းရင်းမြစ်များ

Yohana 10:32

Sǝ Yesu nea wia ama, “Ən pakkina agir mǝɓoarne pas, a ɓadǝm wun, mǝnana Tárram turam ama ɓǝn pea ka. Nda ace mǝye mwashat aɓalǝia sǝ wu kǝ earce wu nǝ̀ ɓukkiam?”

Yohana 10:37

Wu kǝa earnǝ mim ɗang ɓǝ̀ aturo mǝnana ǝn pakkiyi ka a mala Tárram Ɓakuli na raka.

Yohana 10:38

Sǝ ɓǝ̀ aturo male na ǝn pakkiyi ka, ɓǝ̀ pà wu nǝ̀ earnǝ mim raka, wu earnǝ agir-ndali mǝnana ǝn pea ka, ace mǝnana ɓǝ̀ wu sǝlǝa, sǝ ɓǝ̀ kpaka wun ama, Tárram ngga nda a ɓalǝam, sǝ mim ngga mǝ nda aɓa Tárram.

Yohana 11:47

Pǝlǝa amǝ Farisi andǝ agbani pǝris tunǝ do mala amǝkurcau. À ɗi rǝia ama, “Mana ado sǝm nǝ̀ pa? Aɓa mǝsǝcau ka, ɓwa mǝnia nà kǝ pakki agir-ndǝlǝki pas ka!

Yohana 12:37

Kat andǝ agir-ndǝlǝki mǝnana lǝmndǝ bu Ɓakuli, mǝnana Yesu pea a ɓadǝmbǝia ka, à pà ɓamuria abani ɗang.

Yohana 14:11

Wu earnǝ mim ama mǝ nda aɓa Tárram, sǝ Tárram ngga nda a ɓalǝam. Sǝ ɓǝ̀ ana raka, wu earnǝ mim ace aturo mǝnana wu sǝnam ǝn nggǝ pea ka.

Yohana 20:30

Yesu pakki aɓea agir-ndǝlǝki pas a mǝsǝ alaggana male, mǝnana à gilǝia aɓa malǝmce mǝnia raka.

Yohana 3:2

Nikodimus yiu aban Yesu nǝ dú, sǝ yi ne wi ama, “Malǝm, sǝm sǝlǝna ama a nda mǝkanigir mǝnana Ɓakuli turi ka. Kǝ ɓwa pà kàm nǝ̀ gandǝ pakki agir-ndǝlǝki mǝnana a pakkiyi ka ɗang, yi mǝnana ɓǝ̀ Ɓakuli pa ate raka.”

Yohana 7:31

Sǝ aɓa mǝno anggo kat ka aɓwana pas aɓalǝ aɓwana mǝnana à ram ngga à pà ɓamuria aban Yesu. À kǝ na ama, “Ɓǝ̀ Kǝrǝsti, yì ɓwa mǝnana Ɓakuli tarrì, yiu ka, nǝ̀ yia pakki agir-ndǝlǝki mǝnana à kuti mana mǝnia yì ɓwa ka pakkia ka le?”

Yohana 8:12

Yesu nyar ɗǝm banggi aɓwana ama, “Mǝ nda tǎlaban mala ɓanza! Ɓwa mǝnana kat kpatam ngga, pà nǝ̀ gya a pǝndǝa ɗang, nǝ̀ kum tǎlaban mala yilǝmu.”

Yohana 8:24

Nda gir mǝnana tsǝa sǝ ǝn na wun ama wu nǝ̀ wú aɓalǝ acauɓikea ma'wun ngga; ɓǝ̀ wu earnǝ mim ama Mǝ Nda ɓwa mǝnana ǝn na nǝma Mǝ Nda ka raka, wu nǝ̀ wú aɓalǝ acauɓikea ma'wun.”

Yohana 8:56

Kà wun Ibǝrayim ngga, pak banɓoarnado ama nǝ̀ sǝn pwari yiu mem, pǝlǝa sǝni sǝ bumi pwasǝo.”

Yohana 8:58

Yesu earia wia ama, “Mǝ nggǝ bangga wun mǝsǝcau, kaniama à nǝ̀ ɓǝl Ibǝrayim ngga, ‘Mǝ ndakam.’”

Amǝ Mishan 10:38

Wu sǝlǝna ɗǝm ama Ɓakuli tsǝk bui amur Yesu Ɓwa Nazarat nǝ Bangŋo Mǝfele, andǝ rǝcandǝa. Kǝ gya aban pakki agir mǝɓoarne, sǝ kǝ twalban rǝkwana mala aɓwana mǝnana à nda aɓata rǝcandǝa mala Shetan ngga, acemǝnana Ɓakuli na ate.

Amǝ Mishan 2:22

Wun amǝ Isǝrayila, wu kwaki kir wun, wu ok acau man. Yesu ɓwa Nazarat ka, ɓwa na mǝnana Ɓakuli earnǝi, sǝ lǝmndǝ ama yì nǝ̀ turi ka, sǝ pe wi rǝcandǝa mala pakki agir-ndǝlǝki andǝ agir-gyambǝliban, andǝ agir-lǝmndǝa amǝgulke. Wun nǝ ɓamur rǝ wun ngga, wu sǝlǝna, acemǝnana akani aɓalǝ wun, àkǝ̀ mǝsǝ wun sǝ pea.

Amǝ Ibǝru 2:3

lang sǝ sǝm nǝ̀ auwa, yi mǝnana ɓǝ̀ sǝm burice mǝnia yì amsǝban mǝgule ka? Mǝtalabangŋo bang ce a nggea dǝmbe, sǝ aɓwana mǝnana a oe nǝ kiria ka, à na sǝm ama, kǝ nda anggo.