Yohana 10:18 - Maləmce Məfele mala Ɓakuli: Kurcau Məbəshe

¹⁸ Kǝɓwa pà nǝ̀ twal yilǝmem a rǝam ɗang. Ən nggǝ pa yilǝmem nǝ eare mem. Mǝ ndanǝ rǝcandǝa mǝ nǝ pà yilǝmem, sǝ mǝ ndanǝ rǝcandǝa mǝnana mǝ nǝ é ɗǝm ngga. Mǝnia ka nda nzongcau mǝnana Tárram pam ama ɓǝ̀ ǝn pak ka.

Yohana 10:18 ပူးပေါင်းရင်းမြစ်များ

Yohana 10:11

Mǝ nda yalgír mǝɓoarne. Yalgír mǝɓoarne ka kǝ pa yilǝmi, nǝ̀ wu ace anzur male.

Yohana 10:15

kǝla mǝnana Tárram surǝam, sǝ ǝn surǝ Tárram ka. Ən pa yilǝmem ace anzur mem.

Yohana 10:17

Tárram kǝ earcem acemǝnana ǝn eare mǝ nǝ pà yilǝmem mǝ nǝ wu, ace mana ɓǝn é ɗǝm ɓǝn lo nǝ yilǝmu ka.

Yohana 14:31

Mǝ nǝ pak gir mǝnana Tárram banggam ɓǝ̀ ǝn pak ka, ace mǝnana ko yan a ɓanza ka ɓǝ̀ sǝlǝ ama ǝn nggǝ earce Tárram. Wu lo, ɓǝ̀ sǝm o.

Yohana 15:10

Ɓǝ̀ wu kpata anzongcau mem ngga, wu nǝ̀ do aɓa earcearǝu mem, kǝla mǝnana ǝn kpata anzongcau mala Tárram sǝ ǝn do aɓa earcearǝu male ka.

Yohana 19:11

Yesu eari wi ama, “A pà nǝ kum rǝcandǝa a muram ɗang, yi mǝnana ɓǝ̀ Ɓakuli pa mo raka. Ace mǝno ka, ɓwa mǝnana tasǝam aɓa buo ka, cauɓikea male gulo kuti mo.”

Yohana 5:26

Kǝla mǝnana Tárram Ɓakuli nda tǝr yilǝmu ka, anggo gbal panam mim Muni ɓǝ̀ ǝn duk tǝr yilǝmu.

Yohana 5:30

Pa mǝ nǝ pak ɓe kǝgir aɓa rǝcandǝa mem ɗang. Ən nggǝ pak ɓashi mem à pě mǝnana Ɓakuli banggam ɓǝn nggǝ pe ka. Ace mani ka, ɓashi mem na amur njari, acemǝnana ǝn pa aban ɓariki mǝ nǝ pak gir mǝnana ǝn earkiyice ka ɗang. Kǝ nggearǝ mǝsǝrǝ gir mǝnana Tárram mana turam ngga earkiyi ce ka, nda ǝn nggǝ pe ka.

Yohana 6:38

“Ən sulǝ nǝ kuli ace pak gir ɓamuram ɗang, ǝn yiu ace pak turo mala Tárram mǝnana tasǝam ngga.

Amǝ Mishan 2:24

Sǝa ma Ɓakuli panzǝi aɓa bu rǝcandǝa mala lú, pǝlǝa loasǝi a ɓembe, acemǝnana lú kārǝa nǝ̀ bwali a ɓembe ɗang.

Amǝ Mishan 2:32

Ɓakuli loasǝ Yesu a ɓembe, sǝm kat ka, sǝm sǝni nǝ mǝsǝ sǝm anzǝm lo male.

Amǝ Mishan 3:15

Wu wal-lú ɓwa mǝnana nǝ̀ pākiyi yilǝmu ka, sǝ pǝlǝa Ɓakuli loasǝi a ɓembe. Sǝ sǝm ngga sǝm sǝnǝni nǝ mǝsǝ sǝm, nda sǝm nggǝ na cau male ka.

Titus 2:14

Yì nda ɓwa mǝnana yi pa yilǝmi ace amsǝ sǝm aɓa ko ya ulang cauɓikea le ka, sǝ ɓǝ̀ lak sǝm, ace mǝnana ɓǝ̀ tsǝk sǝm ɓǝ̀ sǝm pǝlǝa àkǝ̀ male, aɓwana mǝnana à ndanǝ rǝɓǝla ace pakki aturo mǝɓoarne ka.

Amǝ Ibǝru 2:9

Gir mǝnana sǝm sǝni ka nda Yesu mǝnana à cì gatti amǝturonjar bǝti, ace mǝnana nǝ ɓwamuru mala Ɓakuli ka, ɓǝ̀ wú ace ko yan ngga. Sǝ adyan ngga, sǝm sǝni ka à pǝtina muri nǝ ɓoarɓwa andǝ gulo, acemǝnana nu tanni wu ace aɓwana ka.