Yohana 10:16 - Maləmce Məfele mala Ɓakuli: Kurcau Məbəshe

¹⁶ Mǝ ndanǝ aɓia anzur mem mǝnana à pà aɓa domwan man raka. Dumǝna púp mǝ nǝ yinǝia gbal. À nǝ̀ kwaki kiria à nǝ̀ ok giem, sǝ domwan ngga nǝ̀ duk mwashat, nǝ yalgir mwashat.

Yohana 10:16 ပူးပေါင်းရင်းမြစ်များ

Matiu 17:5

Ndarǝ na cau piu ka, kara pǝrɓang mǝpwasǝe pwatpwat yi gir muria, sǝ giu pur aɓa pǝrɓang na ama, “Mǝnia ka nda Munem mǝnana ǝn earkiyi ace raka; mǝnana ban kǝ ɓoaram a rǝì pepe ka. Wu ok cau male!”

Luka 15:8

Ko ɓǝa twali ama ɓe mɓwama na nǝ amǝsǝ-boalo lum, sǝ ɓǝ̀ mǝnia mwashat ɓwar a rǝì ka, pà nǝ̀ tsǝk bǝsa a pitǝla nǝ̀ esǝki ɓala, sǝ nǝ̀ alban pepe she ɓǝ̀ kumǝni ka re?

Yohana 10:11

Mǝ nda yalgír mǝɓoarne. Yalgír mǝɓoarne ka kǝ pa yilǝmi, nǝ̀ wu ace anzur male.

Yohana 10:2

Sǝ ɓwa mǝnana kuti nǝ kun-nda ka, nda mǝyal anzur.

Yohana 10:27

Anzur mem kǝ ok giem; ǝn surǝia, sǝ à kǝ kpatam.

Yohana 10:3

Mǝtsǝkkir kun-nda nǝ̀ mǝnmbi wi kun-nda; anzur nǝ̀ ok gi mǝyalia ɓǝ̀ tunǝia nǝ lullǝia ka, sǝ nǝ̀ kà nǝia a nza.

Yohana 10:4

Anzǝm mǝnana pusǝna anzur male kat a nza ka, kǝ upia wia a dǝmbǝa, sǝ anzur kǝ kpate acemǝnana à surǝna rǝ gi.

Yohana 10:5

Anzur pa nǝ̀ gya ata bǝriɓwa ɗang; à nǝ̀ ɓanggi wi, acemǝnana à surǝ gi ɗàng.

Yohana 11:52

Sǝ pà ace amǝ Yahudi nǝmurǝia ɗang, nda gbal ace acilia aɓwana kat arǝ anzali aɓa ɓanza, amǝnana à nǝ̀ yia pà ɓamuria aban Ɓakuli, sǝ nǝ̀ kpapi ɓamuria kat ɓǝa yi duk mwashat ka.

Yohana 17:20

Hiwi mem ngga pa ace alaggana mem mǝnia nǝmurǝia ɗang, nda gbal ace aɓwana mǝnana à nǝ̀ yia ak Cau Amsǝban mǝnana amǝkpatam nǝ̀ hamnǝi abania ka.

Yohana 6:37

Ɓwa mǝnana kat Tárram pam ngga nǝ̀ yiu abanam, sǝ ɓwa mǝnana kat yiu abanam ngga pà mǝ nǝ ɓínǝì ɗang.

Amǝ Mishan 15:14

Shiman Bitǝrus no bǝl ɓa lang sǝ Ɓakuli ɗenyi nǝ aɓwana mana amǝ Yahudi na raka ka, mana lǝmndǝia wia ɓwamuru, twal aɓwana aɓalǝia ɓǝa duk amale ka.

Amǝ Mishan 18:10

acemǝnana mǝ nda to. Kǝ ɓwa pà kàm nǝ̀ pakko kǝgir ɗang. Aɓa nggeala mǝnia ka, mǝ ndanǝ aɓwana kam pas mǝnana à nǝ̀ paɓamuria abanam ngga.”

Amǝ Mishan 22:14

Pǝlǝa na ama, “Ɓakuli mala aká sǝm tàrrǒ ace mǝnana wu surǝ kànì male. Tàrno wu sǝn Ɓwa male Mǝɓealɓoarna, yì Mǝ'amsǝban, sǝ wu ok gi aban na cau.

Amǝ Roma 11:25

Wun amǝ'eamrǝarǝu, Ən nggǝ earce ɓǝ̀ wu surǝ mǝnia yì cau mana nda ɓa sǝmbǝrǝa ɗiɗyal sǝ adyan ngga, Ɓakuli pusǝni a banfana ka, ace mǝnana wu kǝa dum nǝ twalɓamuru raka. Murcanda mǝnia yipi amǝ Isǝrayila ka, nǝ̀ ngga malâ, ɓǝ̀ lakki mala aɓwana mǝnana amǝ Isǝrayila na raka, mǝnana à nǝ̀ kum amsǝban mala Ɓakuli, yi lumsǝna ka.

2 Amǝ Tasalonika 2:13

Sǝ sǝm ngga, ndanǝ ɓoaro ɓǝ̀ sǝm nggǝ pakki Ɓakuli yàwá ace wun, wun amǝ'eamrǝarǝu mǝnana Mǝtalabangŋo earkiyi acea raka. Ɓakuli ka tarki wun kǝla aɓǝla agir mǝdǝmbe ace amsǝ wun, ɓǝ̀ wu duk aɓwana male, nǝ rǝcandǝa mala Bangŋo male, sǝ nǝ paɓamuru ma'wun arǝ mǝsǝcau ka.

Amǝ Ibǝru 13:20

Ɓǝ̀ Ɓakuli mala dorǝpwala, mǝnana loasǝ Mǝtala sǝm Yesu, a ɓembe ka, pà wun koya gir mǝɓoarne mǝnana ɓoaro ɓǝ̀ wu pang nǝi ace pak kani male ka. Ɓǝ̀ pakturo male aɓalǝ wun, nǝ rǝcandǝa mala Yesu Kǝrǝsti, ace pwasǝ bumi. Yesu ka nda nggea yalgir mǝgule mala anzur, mǝnana nǝ nkile sǝ Ɓakuli tita kurcau male mǝnana pè nǝ aɓwana male ka, yì kurcau mana pà nǝ̀ mal raka. Gulo kat ka male na mǝnana málá male pà kàm raka. Amin.

1 Bitǝrus 2:10

“Ɗiɗyal ka, wu nda ka kǝ aɓwana ɗang, sǝ adyan ngga, wu dumǝna aɓwana mala Ɓakuli. Ɗiɗyal ka, à sǝn mǝsǝswatǝr ma'wun ɗang, sǝ adyan ngga, à sǝnǝna mǝsǝswatǝr ma'wun.”

1 Bitǝrus 2:25

Ɗiɗyal ka, wu nda kǝla anzur mǝnana à ɓwarki tanjar ka. Sǝ ado ka, wu nyarǝna aban Yál wun andǝ Mǝtsǝkkir ayilǝmi wun.

1 Bitǝrus 5:4

Sǝ ɓǝ̀ Gbani mala ayalgir yi pusǝna rǝì ka, wu nǝ̀ kum mbulan-gulo mǝɓoarne mǝnana pà nǝ̀ è raka.

Sǝna 3:20

Sǝni! Mǝ ndya ǝn came a kunkurǝm ǝn nggǝ pak kou ka! Ɓwa mǝnana kat ok giem sǝ mǝn kunkurǝm ngga, mǝ nǝ kutio ate, sǝ sǝm nǝ̀ lili a tarǝ sǝm sǝnǝi, kǝla agyajam.