Yohana 10:10 - Maləmce Məfele mala Ɓakuli: Kurcau Məbəshe

¹⁰ Mǝn'i ka kǝ yiu ace iun'i, ace wal-lú, andǝ kiɗiki gir. Sǝ mim ngga ǝn yiu ace pea aɓwana yilǝmu, andǝ do mǝɓoarne mǝnana lumsǝ a koya njari ka.

Yohana 10:10 ပူးပေါင်းရင်းမြစ်များ

Matiu 18:10

Wu tsǝk kir wun, wu kǝa burice mwashat ata amuna mǝkeke mǝnia ka ɗang. Ən nggǝ na wun mǝsǝcau amǝturonjar malea a koya pwari ka à nda a ɓadǝm Tárram mǝnana a kuli ka.

Matiu 18:11

[Muna mala Ɓwa yiu ace amsǝ aɓwana mǝnana à ɓwarki tanjar ka.]

Matiu 20:28

Nda kǝla Muna mala Ɓwa, mǝnana yiu ace dumsǝ aɓwana aguro raka. Yiu ace duk guro sǝ nǝ̀ pa yilǝmi ace amsǝ aɓwana pas.”

Matiu 21:13

Nea wia ama, “Malǝmce mala Ɓakuli bangŋa ama, “ ‘Ɓala mem ngga à nǝ̀ tunǝi ama ndà ace pak hiwi,’ sǝ wu nyesǝi duk mpu mala amǝ'ɓǝmbǝriban!”

Matiu 23:13

Caukwanban nǝ wun amǝ Farisi andǝ amǝkani Nggurcau mala Musa, wun amǝ'kunɓarina! Wu gir kun njar kutio a Domurǝm mala kuli arǝ aɓwana. Wun nǝ ɓamur rǝ wun ngga wu kuti ɗang, sǝ aɓwana mǝnana à earce ama à nǝ̀ kuti ka wu earia wia ɗang.

Markus 11:17

Pǝlǝa tita kania wia gir. Nea wia ama, “À gilǝ mbo a Malǝmce ama, ‘Ɓala mem ngga, à nǝ̀ tunǝi ama ɓala hiwi ace aɓwana arǝ anzali kat,’ sǝ wu ngga, wu nyesǝi pǝlǝ npu mala amǝ'ɓǝmbǝriban!”

Luka 19:10

Muna mala Ɓwa ka, yiu àkǝ̀ ce alta gir mǝnana ɓwàr ka, nǝ̀ amsǝi.”

Yohana 10:1

Yesu na ama: Mǝ nda ban bangga wun mǝsǝcau, ɓwa mǝnana kuti aɓa domwan mala anzur nǝ kun-nda raka, sǝ kuti nǝ ɓe kǝ njar ɗàng ngga, mǝn'i na sǝ mǝɓǝmbǝriban na.

Yohana 10:11

Mǝ nda yalgír mǝɓoarne. Yalgír mǝɓoarne ka kǝ pa yilǝmi, nǝ̀ wu ace anzur male.

Yohana 12:47

Ɓwa mǝnana kat ok kanigir mem, sǝ kpate raka, mǝ nda mǝ nǝ ɓashi wi ka ɗang. Pa ace ɓashi sǝ ǝn yiu a ɓanza ɗang, ǝn yiu ace amsǝ ɓanza.

Yohana 12:6

Yahuda ka bangŋa anggo, pà acemǝnana kǝ ɓuàce amǝtǝr ka ɗang, nda acemǝnana yì ka, mǝn'i na ka; sǝ acemǝnana yì nda mǝbwal ndaboalo mala alaggana mala Yesu ka, pak ka kǝ iu aɓa boale ace ɓamuri.

Yohana 3:17

Ɓakuli tasǝ Muni ɓǝ̀ yì ɓashì ɓanza ɗang, tasǝì ɓǝ̀ yì amsǝ ɓanza.

Yohana 5:40

Kat andǝ amani ka, wu ɓinǝ yiu a banam ace kum yilǝmu.

Yohana 6:33

Girlina mǝ'mǝsǝcau nì mǝnana Ɓakuli pākiyi ka nda Ɓwa mǝnana sulǝ nǝ kuli sǝ kǝ pe ɓanza yilǝmu ka.”

Yohana 6:51

Mǝ nda girlina mala yilǝmu mǝnana sulǝ nǝ kuli ka. Ɓwa mǝnana kat li mǝnia yì girlina ka nǝ̀ dumnǝ yilǝmu mǝnana málá male pà kàm raka. Sǝ mǝnia yì girlina ka nyam nggūrǝam na, mǝnana mǝ nǝ pa ace mǝnana ɓǝ̀ ɓanza kum yilǝmu ka.”

Amǝ Roma 2:21

We mǝnana a kǝ kani aɓwana gir ka, palang sǝ a pà nǝ́ kani ɓamuro ɗang? A banggi aɓwana ama ɓǝa kǝa iun'i ɗang, sǝ we nǝ ɓamuro ka, a kǝ iun'i re?

1 Timoti 1:15

Mǝnia ka nda ne mǝ'mǝsǝcau nì, mǝnana koyana ka, ɓǝ̀ earnǝ ce ka, ama “Kǝrǝsti Yesu ka, yiu aɓa ɓanza ace amsǝ amǝ'cauɓikea,” sǝ mǝ nda mana ǝn karmur aɓwana kat nǝ cauɓikea ka.

Amǝ Ibǝru 6:17

Ɓakuli pa cau nǝ kana, acemǝnana kǝ earce ama aɓwana mǝnana à nǝ̀ kum gir mǝnana pàcau ace ka, ɓǝa dum nǝ sǝlǝe ama, yì ka, pà nǝ̀ nggaɗi ɗenyicau male arǝ kane male ɗang.

Amǝ Ibǝru 7:25

Ace mani ka, nǝ̀ gandǝ amsǝ aɓwana mǝnana à yiu aban Ɓakuli nǝ bani ka, a koya njari, acemǝnana ko aya pwari ka ndakam nǝ yilǝmu ace zǝmbǝa acea.

2 Bitǝrus 1:11

Anggo ka, sǝ Ɓakuli nǝ̀ mǝnba wun kunɓala wyang ace kutio aɓa Domurǝm mala Mǝtala sǝm andǝ Mǝ'amsǝ sǝm yì Yesu Kǝrǝsti, Domurǝm male mǝnana masǝlǝate pà kàm raka.