Yohana 10:1 - Maləmce Məfele mala Ɓakuli: Kurcau Məbəshe

¹ Yesu na ama: Mǝ nda ban bangga wun mǝsǝcau, ɓwa mǝnana kuti aɓa domwan mala anzur nǝ kun-nda raka, sǝ kuti nǝ ɓe kǝ njar ɗàng ngga, mǝn'i na sǝ mǝɓǝmbǝriban na.

Yohana 10:1 ပူးပေါင်းရင်းမြစ်များ

Matiu 7:15

Wu tsǝk kir wun arǝ amǝ'ɓangna mǝ'nyirì. Pak ka à kǝ ɓosǝki rǝia kǝla anzur, sǝ mǝsǝrǝia ka anvwa bondo mǝlulle na.

Yohana 10:7

Ace mǝno ka Yesu bǝlia wia ɓālǝi ama: Mǝ nda ban na wun mǝsǝcau, mǝ nda kun-nda mala anzur.

Yohana 3:3

Yesu eari wi ama, “Mǝ nda ban no mǝsǝcau, ɓǝà ɓǝsǝlǝ ɓǝl ɓwa raka, pà nǝ̀ kutio aɓa domurǝm mala Ɓakuli ɗang.”

Amǝ Roma 10:15

Sǝ lang sǝ aɓwana nǝ̀ hamnǝ cau, yi mǝnana Ɓakuli turia raka? Kǝla mǝnana à gilǝì ka: “Yiu mala aɓwana mǝnana à kǝ hamnǝ Cau Amsǝban ngga gir mǝɓoarne na kǝ̀rkǝ́r!”

Amǝ Roma 16:18

Acemǝnana à ulang aɓwana mǝno ka, à pà aban pakki Mǝtala sǝm Kǝrǝsti turo ɗang, turo nzal kunia na à nakiyi ce ka. Nǝ kunɓoarna andǝ nacau mǝɓukɓuki sǝ à kǝ ɓosǝki ɗenyicau mala aɓwana mǝnana à surǝ kǝgir raka.

Titus 1:11

Amǝnia yia aɓwana ka, ɓǝa tamsǝia arǝ kani amǝkwaɗi gìr, acemǝnana nǝ akanigir mǝɓane malea ka, à nda ban tsǝk amǝɓala kat ɓǝa nying kpata kanigir mǝnana nda pepe ka. Tǝ́r kanigir mala amǝnia yì aɓwana ka, nda ace alta boalo mǝnana à nǝ̀ kumo a ɓalǝi ka.

Amǝ Ibǝru 5:4

Kǝ ɓwa pà nǝ̀ gandǝ pe ɓamuri mǝnia yì gulo mala Pǝris Mǝgule ɗang, she ɓǝ̀ Ɓakuli nǝ tunǝi, kǝla mǝnana tunǝ Haruna ka.

1 Bitǝrus 1:10

Mǝnia yì amsǝban ngga, amǝ'ɓangna mala Ɓakuli sǝnggi pepe sǝ à bǝlkusǝi ɓukɓuk à nǝ̀ surǝ kǝgir amuri, sǝ à bang cau mala ɓwamuru mana Ɓakuli nǝ̀ yia lǝmndǝa wun ngga.

2 Bitǝrus 2:1

Sǝ amǝ'ɓangna mǝ'nyirì gbal ka à lo aɓalǝ amǝ Isǝrayila, sǝ kǝla mǝno ka amǝkanigir mǝ'nyirì nǝ̀ ngga lo aɓalǝ wun. Aɓa kutan à nǝ̀ yiu nǝ akanigir mǝ'nyirì mǝnana à nǝ̀ kiɗikina paɓamuru mala aɓwana nǝia ka, yale à nǝ̀ tǝmce Mǝtalabangŋo mǝnana akmúr sǝm aɓalǝ acauɓikea ma'sǝm ngga. Anggo sǝ à nǝ̀ nunmbi ɓamuria kiɗikiban a kaurǝa.

2 Bitǝrus 2:3

Nzumon malea nǝ̀ cea à nǝ̀ yiu nǝ acau swarkiban aɓa kutan, à nǝ̀ ɓǝmbǝri wun. Ɓakuli angŋǝna dǝmbǝa ɗiɗyal kasǝnia ɓashi, sǝ kiɗikea malea ka, ceì nong ɗang.

1 Yohana 4:1

Wun agyajam mem, wu kǝa earnǝ koya ɓwa mǝnana kat twali ɓamuri ama ndanǝ Bangŋo mala Ɓakuli ka ɗang. Wu karǝkia, wu sǝni ko à pur nǝban Ɓakuli. Acemǝnana amǝ'ɓangna mǝ'nyirì pas kutina a ɓanza.