Yohana 1:51 - Maləmce Məfele mala Ɓakuli: Kurcau Məbəshe

⁵¹ Yesu nyare nea wia ama, “Ən nggǝ na wun mǝsǝcau, wu nǝ̀ sǝn kuli nǝ mǝnna, andǝ amǝturonjar mala Ɓakuli aban eauwe andǝ sulǝo amur Muna mala Ɓwa.”

Yohana 1:51 ပူးပေါင်းရင်းမြစ်များ

Matiu 25:31

A pwari mana Muna mala Ɓwa nǝ̀ yiu aɓa gulo male, andǝ amǝturonjar kat ate ka, nǝ̀ yia do amur bunomurǝm male.

Matiu 26:24

Muna mala Ɓwa ka nǝ̀ wú kǝla mǝnana à gilǝì amuri ka. Sǝa ma caukwanban na nǝ ɓwa mana nǝ̀ mak Muna mala Ɓwa ka! Kǝpǝna mǝnia yì ɓwa ka à ɓǝli raka.”

Matiu 3:16

Lang Yohana malǝna pakki Yesu batisǝma, sǝ Yesu eapi mur ani ka, kara kuli mǝnna sǝ sǝn Bangŋo mala Ɓakuli aban sulǝo kǝla kutu, yi do amuri.

Matiu 4:11

Nda sǝ Shetan ɗekina Yesu ka, sǝ amǝturonjar yiu à yì bwali wi kam.

Matiu 8:20

Yesu ne wi ama, “Amǝ'nzǝgban ndanǝ atuli sǝ amuna-nyal mana à kǝ gya kuli ka à ndanǝ andea, sǝ Muna mala Ɓwa ka pànǝ ban mǝnana nǝ̀ nong kam ngga ɗang.”

Matiu 9:6

Sǝ ace mǝnana ɓǝ̀ wu sǝlǝ ama Muna mala Ɓwa ka ndanǝ rǝcandǝa a ɓanza nǝ̀ twal ban acauɓikea ka, mǝ nǝ lǝmndǝa wun.” Pǝlǝa Yesu pǝlǝa aban mǝrǝwuna sǝ ne wi ama, “Lo kar kala mo o a ɓala mo.”

Markus 1:10

Yesu na aban eapi mur ani ka, kara sǝn kuli mǝna. Bangŋo Mǝfele sulǝo aban yiu amuri kǝla kutu.

Markus 14:62

Yesu ear ama, “Mǝ nda! “Sǝ pà nǝ̀ sau ɗang wu nǝ̀ sǝn Muna mala Ɓwa aban do, a buno mala rǝcandǝa, a bu-mǝli mala Ɓakuli, aban yiu aɓalǝ apǝrɓang nǝ kuli.”

Luka 2:13

Anggo ka kara aɓea amǝturonjar pas sulǝ nǝ kuli aban mǝturonjar mana yiu a dǝmbe ka. À kǝ ɓwangsǝ Ɓakuli à kǝ na ama:

Luka 2:9

Pǝlǝa ɓe mǝturonjar mala Mǝtalabangŋo pusǝrǝi abania, ɓoarɓwa mala Mǝtalabangŋo ta gumbǝlia. Ɓangciu bwalia kǝrkǝr.

Luka 22:43

Kara mǝturonjar sulǝo abani, ɓak ɓabumi.

Luka 22:69

Twal ado aban ká ka, Muna Mala Ɓwa nǝ̀ do a bu-mǝli mala Ɓakuli mǝnana Karmur gulo kat ka.”

Luka 24:4

À ndaban ndali nǝ mǝnia yì gir ka, kara aɓwana ɓari nǝ agir-nggurǝu mǝnana à kǝ tànzama pǝlilip ka, à came abania.

Luka 3:21

Lang à ndarǝ pakki aɓwabunda kat batisǝma, sǝ Yesu gbal ka à pangŋǝni wi batisǝma sǝ nda ban pak hiwi ka, kara kuli mǝnna,

Yohana 1:50

Yesu ne Nataniyel ama, “A earnǝ mim acemǝnana ǝn banggo nǝma, ǝn sǝno a tǝta nggun vwari ka le? A nǝ sǝn agir mǝgulke mǝnana à kuti man ngga.”

Yohana 10:1

Yesu na ama: Mǝ nda ban bangga wun mǝsǝcau, ɓwa mǝnana kuti aɓa domwan mala anzur nǝ kun-nda raka, sǝ kuti nǝ ɓe kǝ njar ɗàng ngga, mǝn'i na sǝ mǝɓǝmbǝriban na.

Yohana 10:7

Ace mǝno ka Yesu bǝlia wia ɓālǝi ama: Mǝ nda ban na wun mǝsǝcau, mǝ nda kun-nda mala anzur.

Yohana 13:16

Mǝ nda ban bangga wun mǝsǝcau, kǝ guro pà kàm gulo kuti mǝtala-ɓala male ɗang, sǝ kǝ mǝturonjar pà kàm nǝ́ gulo kuti ɓwa mǝnana turi ka ɗang.

Yohana 13:38

Yesu ear ama, “A na ama a nǝ pa yilǝmio, a nǝ wu acem ɓafo? Mǝ nda ban banggo mǝsǝcau, kaniama nggǔ nǝ̀ ɓua ka, a nǝ makgirem kusǝ tārú ama a surǝam ɗang.”

Yohana 14:12

Mǝ nda ban bangga wun mǝsǝcau, ɓwa mǝnana pà ɓamuri abanam ngga, nǝ̀ pak agir-ndali kǝla amǝnana ǝn pea ka. Yale nǝ̀ pakki agir mǝgulke mǝnana à kuti amǝnana ǝn pea ka, acemǝnana mǝ ndo mǝ nǝ o aban Tárram.

Yohana 16:20

Mǝ ndarǝ na wun mǝsǝcau: Wu nǝ̀ ɓua nǝ mǝrǝm, andǝ keban, amur gir mǝnana nǝ̀ kumam ngga, sǝ amǝ ɓanza ka à nǝ̀ pak bumpwasǝa. Wu nǝ̀ pak bumkiɗikea, sǝ bumkiɗikea ma'wun nǝ̀ yia pǝlǝ bumpwasǝa.

Yohana 16:23

A pwari mǝno ka, pà wu nǝ̀ zǝm kǝgir ɗǝm abanam ɗang. Ən nggǝ bangga wun mǝsǝcau, Tárram nǝ̀ pa wun gir mǝnana kat wu zǝmbǝa aɓa lullǝam ngga.

Yohana 21:18

Mǝ nda ban banggo mǝsǝcau: mǝnana a kǝ long-nǝ-lo ka, a kǝ gandǝ oasǝ agir a rǝo sǝ a kǝ wari aban mǝnana kat a earce a nǝ ká kam ngga. Sǝ ɓǝ̀ a enà ka, a nǝ sarǝ abuo, sǝ aɓea ɓwana ɗang na à nǝ̀ oasǝo agir a rǝo, sǝ à nǝ̀ ká nǝ we, aban mǝnana a earce ká kam raka.”

Yohana 3:3

Yesu eari wi ama, “Mǝ nda ban no mǝsǝcau, ɓǝà ɓǝsǝlǝ ɓǝl ɓwa raka, pà nǝ̀ kutio aɓa domurǝm mala Ɓakuli ɗang.”

Yohana 3:5

Yesu ne wi ama, “Mǝ nda ban no mǝsǝcau, kǝɓwa pà nǝ̀ kuti aɓa domurǝm mala Ɓakuli ɗang, she ɓǝà ɓǝlǝni nǝ mur andǝ Bangŋo mala Ɓakuli ka.

Yohana 5:19

Yesu earia wia ama: Ən nggǝ na wun mǝsǝcau, pà mǝ nǝ pak kǝgir aɓa ɓamuram ɗang. Kǝ gir mǝnana ǝn sǝn Tárram Ɓakuli pak ka, nda ǝn pakkiyi ka. Gir mǝnana kat Tárram pak ka, nda mana ǝn pakkiyi ka.

Yohana 5:27

Sǝ ɗǝm ngga panam rǝcandǝa mala ɓashi, acemǝnana mǝ nda Muna mala Ɓwa.

Yohana 6:26

Yesu earia wia ama, “Mǝ nda ban na wun mǝsǝcau, wu pà aban altam acemǝnana wu sǝn agir-ndǝlǝki ka ɗang, nda ace girlina mǝnana wu li wu ɗǝmnggi ka.

Yohana 6:32

Yesu nea wia ama, “Mǝ nda ban bangga wun mǝsǝcau, Musa nǝ̀ pa wun girlina mǝnana pur a kuli ka ɗang, Tárram na pà wun ngga. Sǝ adyan ngga ndya kǝ pà wun girlina mǝ'mǝsǝcau nì mǝnana pur a kuli ka.

Yohana 6:47

Mǝ nda ban bangga wun mǝsǝcau, ɓwa mǝnana paɓamuri abanam ngga, ndanǝ yilǝmu mǝnana málá male pà kàm raka.

Yohana 6:53

Yesu banggia wia ama: “Mǝ nda ban bangga wun mǝsǝcau, ɓǝ̀ wu li nyam nggurǝ Muna mala Ɓwa sǝ wu nu nkile raka, wu pànǝ yilǝmu aɓalǝ wun ɗang.

Yohana 8:34

Yesu nea wia ama: Mǝ nda ban na wun mǝsǝcau, ɓwa mǝnana kat kǝ pak cauɓikea ka, guro mala cauɓikea na.

Yohana 8:51

Mǝ nda ban bangga wun mǝsǝcau, ɓwa mǝnana kǝ kpata cau mem ngga pà nǝ̀ wu ɗang.”

Yohana 8:58

Yesu earia wia ama, “Mǝ nggǝ bangga wun mǝsǝcau, kaniama à nǝ̀ ɓǝl Ibǝrayim ngga, ‘Mǝ ndakam.’”

Amǝ Mishan 10:11

Sǝn kuli mǝn bwāng, sǝ sǝn ɓe kǝgir kǝla nggea lagir mǝtangŋe à sulǝni aban yiu a nzali nǝ anggur arǝ akuni ine.

Amǝ Mishan 7:56

Pǝlǝa na ama, “Wu sǝni! Ndo ǝn sǝn kuli à mǝnni, sǝ Muna mala Ɓwa no cam nǝ came a bu mǝli mala Ɓakuli ka!”

2 Amǝ Tasalonika 1:7

sǝ wun mǝnana wu kǝ nu tanni ka nǝ̀ yia pa wun usǝlǝo sǝ nǝ̀ pa sǝm gbal. Nǝ̀ yia pak mǝnia ka a pwari mǝnana Mǝtalabangŋo Yesu nǝ̀ yia pusǝna rǝì nǝi nǝ kuli aɓa bǝsa mǝ earke, nǝ amǝturonjar mǝcande male ate.

2 Amǝ Tasalonika 1:9

Yia ka, à nǝ̀ pea wia tanni mala kiɗikiban mǝnana málá male pà kàm raka. À gauwuni tarǝia andǝ Mǝtalabangŋo andǝ tá mala rǝcandǝa male

1 Timoti 3:16

Kǝ̀ makgir pà kàm ɗang, gir ɓa-sǝmbǝrǝa mala cau paɓamuru ma'sǝm ngga lim kǝkǝr: Kǝrǝsti ka, yi pur aɓa nggūrǝ ɓwapǝndǝa, sǝ à lǝmndǝi mǝ'cauɓoarna na nǝ bu Bangŋo mala Ɓakuli. Amǝturonjar sǝni, sǝ à hamnǝ cê aban aɓwana mala aɓea anzali. Aɓwana a ɓanza paɓamuria abani, sǝ à twali à um nǝi a kuli aɓa ɓoarɓwa.

Amǝ Ibǝru 1:14

Nggearǝ amǝturonjar kat ka, abangŋo na mǝnana à pakkiyi turo, à kǝ turia ɓǝa kǝ ɗenyi nǝ aɓwana mǝnana à nǝ̀ kum amsǝban ngga re?

Yahuda 1:14

Sǝ Inok, mǝnana nda tongno-nong-ɓaria kau, twal a ɓǝlban mala Adamu ka, ɓangnǝ-ɓangna amur a'ulang amǝnia yia aɓwana ka. Bangŋa ama: “Wu sǝni, Mǝtalabangŋo nia kǝ yiu andǝ amǝturonjar male amǝfele mǝnana à pà nǝ̀ gandǝ ɓalǝia raka,

Sǝna 19:11

Pǝlǝa ǝn sǝn kuli mǝna, sǝ ǝn sǝn pǝ̀r mǝpwasǝe aban came kam. Ɓwa mǝnana do a nzǝmi kwakiyi ka, lullǝi nda Mǝ'mǝsǝcaunì andǝ Mǝɓafoe. Aɓa ɓashiki aɓashi male andǝ munǝki amunǝo male ka, kǝ kpata agir kat a nzongŋi.

Sǝna 4:1

Anzǝm mǝno ka, ǝn soa mǝsǝam kara ǝn sǝn kunkurǝm a kuli mǝnana à mǝnni sǝ à nyi atarǝì ka. Sǝ yì gìu mǝnana ǝn oe atadǝmbe nam cau kǝla ɓua mala njawe ka, bangŋa ama, “Yiu kani a kuli, mǝ nǝ lǝmndǝo gir mǝnana nǝ̀ yia kumban anzǝm mǝnia ka.”