Yohana 1:44 - Maləmce Məfele mala Ɓakuli: Kurcau Məbəshe

⁴⁴ Filip ka ɓwa Beseda na, la mala Andǝru andǝ Bitǝrus.

Yohana 1:44 ပူးပေါင်းရင်းမြစ်များ

Matiu 10:3

Filip andǝ Batalomi; Toma, andǝ Matiu (mǝ'ak boalo-cemi); Jemis (muna mala Alfiyus), andǝ Tadawus;

Matiu 11:21

Wun amǝ Korazin, ban nǝ ɓikea wun! Wun amǝ Beseda, ban nǝ ɓikea wun! Ɓǝ̀ ama agir-ndali mǝnana ǝn pea aɓalǝ ala ma'wun ngga à nda ǝn pea arǝ ala mala amǝ Taya andǝ amǝ Sidon ngga, ɓǝa oasǝkina asangginagir a rǝia sǝ à songŋǝna tú amuria ɗiɗyal mana nǝ̀ lǝmndǝ ama à nyingŋǝna acauɓikea malea ka.

Markus 3:18

Andǝru, andǝ Filip, andǝ Batalomi, andǝ Matiu, andǝ Toma, sǝ Jemis muna mala Alfiyus, sǝ Tadawus ka, à ndakam gbal atea. Acilia ka à nda ka Shiman yì ɓwa mana earkiyi ace la male raka,

Markus 6:45

Tu anzǝm mǝno ka, Yesu tsǝk alaggana male ama ɓǝa eauwe a waru, ɓǝa aki dǝmbǝa ɓǝa o a Beseda, sǝ yì ka, kúndǝo nǝ̀ ne aɓwabunda ɓǝa o a la.

Markus 8:22

À yì bik Beseda. Aɓea aɓwana yiu nǝ ɓe nte. À yì zǝmbǝi Yesu ama ɓǝ̀ tsǝk bui a rǝì, ɓǝ̀ mǝnmbi wi mǝsǝì.

Luka 10:13

Caukwanban nǝ we, Korazin! Caukwanban ne we gbal Beseda! Ɓǝa agir-ndǝlǝki mǝnana à pakkia aɓalǝ wun, à pangŋǝnia a Taya andǝ Sidon ngga, ɓǝ à pwanǝna nzali ɗiɗyal, à makkina agir keban a rǝia, nǝ tapì aɓa tu.

Luka 6:14

À nda ka Shiman (mǝnana tsǝki wi lullǝu ama Bitǝrus ka), andǝ Andǝru (mǝ'eam Bitǝrus), andǝ Jemis, andǝ Yohana, andǝ Filip, andǝ Batalomi,

Luka 9:10

Lang amǝ'mishan nyarǝna ka, à yì banggi Yesu agir kat mǝnana à pak ka. Pǝlǝa umia, yia nǝmurǝia, a ɓe la mǝnana à kǝ tunǝi ama Beseda ka.

Yohana 1:43

Ɓe ban fana ka, Yesu twali a ɓabumi ama nǝ̀ o a Galili. Yi kum Filip sǝ ne wi ama, “Yiu atam.”

Yohana 1:45

Filip alta Nataniyel yi kumi sǝ ne wi ama, “Sǝm kumǝna ɓwa mǝnana Musa gilǝgir amuri aɓa malǝmce Nggurcau mala Musa, andǝ mǝnana à gilǝa aɓa malǝmce mala amǝ'ɓangna mala Ɓakuli ka, yì Yesu ɓwa Nazarat, muna mala Yisǝfu.”

Yohana 1:46

Nataniyel na ama, “A Nazarat! Kǝ gir mǝɓoarne nǝ̀ pur a Nazarat gbal?” Filip ne wi ama, “Yiu sǝni.”

Yohana 1:48

Nataniyel ɗi Yesu ama, “A pak lang sǝ a surǝam?” Yesu eari wi ama, “Mǝnana a nda a tǝta nggun vwari ka, ǝn angŋa dǝmbǝa ǝn sǝnǝ no, sǝ Filip tunǝo.”

Yohana 12:21

À yiu aban Filip, mǝnana yì gbal ka pur a Beseda aɓa Galili ka, sǝ à zǝmbǝa ama, “Ɓwamǝgule, sǝm nggǝ earce sǝn Yesu.”

Yohana 12:22

Pǝlǝa Filip wario kya banggi Andǝru, sǝ yia kǝm à kutio à kya banggi Yesu.

Yohana 6:5

Lang Yesu loasǝ muri sǝn nggea lakki mala ɓwapǝndǝa aban yiu abani ka, pǝlǝa ɗi Filip ama, “Ake sǝ sǝm nǝ̀ kúr girlina mǝnana aɓwabunda man kat nǝ̀ lì ka?”

Yohana 6:7

Filip eari wi ama, “Ko ɓǝ̀ dinari na à nǝ̀ walo ace kúr girlina mǝnana ɓǝ̀ ko ya ɓwa nani ka ɓǝ̀ li ka, pà nǝ̀ karǝ ɗang.”

Amǝ Mishan 1:13

Lang à bwalǝna ɓala ka, pǝlǝa à kutio a kurǝm kuli, ban mǝnana à duki kam ngga. Aɓwana mǝnana à nda abanì ka, à nda ka Bitǝrus, andǝ Yohana, andǝ Jemis, andǝ Andǝru, andǝ Filip, andǝ Toma, andǝ Batalomi, andǝ Matiu, andǝ Jemis muna mala Alfiyus. À nda ata rǝia andǝ Shiman mǝnana earkiyi ace la male raka, andǝ Yahuda muna mala Jemis.