Yohana 1:38 - Maləmce Məfele mala Ɓakuli: Kurcau Məbəshe

³⁸ Yesu nǝ̀ pǝlǝ rǝì ka, kara sǝnia aban yiu ate, sǝ ɗia ama, “Mana wu earki ce?” À eare ama, “Rabbi a ya ban sǝ a pa?” (Rabbi ka ɓālǝi nda Malǝm.)

Yohana 1:38 ပူးပေါင်းရင်းမြစ်များ

Luka 10:39

Marta ka ndanǝ mǝ'eambǝi muna-ɓwama lullǝi ama Maryamu, yi do a ɓadǝm Mǝtalabangŋo Yesu aban ok kanigir male.

Luka 14:25

Aɓwabunda pas na ban ká andǝa Yesu, sǝ pǝlǝ rǝì nea wia ama:

Luka 15:20

Pǝlǝa lo nyare aban o aban tarrí. Nda kuko malaká bik ban tarrí ɗang, mǝsǝ tarrí kpa a rǝì, kara mǝsǝswatǝr male bwali. Lo nǝ mire aban ká aban muni, kya kurrì zǝp.

Luka 19:5

Lang Yesu yi bwalǝna banì ka, loasǝ mǝsǝì a kuli sǝ ne wi ama, “Zaka, fa rǝo sulǝi nggun! Yalung ngga, she mǝ nǝ sulǝ a ɓala mo.”

Luka 22:61

Mǝtalabangŋo pǝlǝ mǝsǝì sǝn Bitǝrus. Ɓalǝ Bitǝrus kasǝa arǝ cau mǝnana Mǝtalabangŋo ne wi ama: “Kaniama nggu nǝ̀ ɓua a bu du man yalung ngga, a nǝ tǝmce surǝam kusǝ tārú.”

Luka 8:38

ɓwa mǝnana akukwar purî rǝì ka zǝmbǝi wi ama, nǝ̀ o a te. Sǝ Yesu ɓine, ne wi ama,

Yohana 1:37

Lang alaggana mǝnia ɓari à ongŋǝni náná anggo ka, kara à o ata Yesu.

Yohana 1:39

Yesu earia wia ama, “Wu yiu wu yi sǝni.” À pǝlǝa à wario à kya sǝn ban-do male. Sǝ à kya do ate ba du. Anggo ka bu-pwari ine nǝ pwarikpǝra na.

Yohana 1:49

Pǝlǝa Nataniyel ne Yesu ama, “Rabbi, a nda Muna mala Ɓakuli! A nda Murǝm mala amǝ Isǝrayila!”

Yohana 12:21

À yiu aban Filip, mǝnana yì gbal ka pur a Beseda aɓa Galili ka, sǝ à zǝmbǝa ama, “Ɓwamǝgule, sǝm nggǝ earce sǝn Yesu.”

Yohana 18:4

Sǝ Yesu ka angŋa dǝmbǝa sǝlǝna gir mǝnana nǝ̀ kumi ka, pǝlǝa puro cam a ɓadǝmbǝia, sǝ ɗia ama, “Yana ɓwe na wu alkite?”

Yohana 18:7

Pǝlǝa Yesu nyare ɗia ama, “Yana ɓwe na wu alkiyite le?” À eare ama, “Yesu Ɓwa Nazarat.”

Yohana 3:2

Nikodimus yiu aban Yesu nǝ dú, sǝ yi ne wi ama, “Malǝm, sǝm sǝlǝna ama a nda mǝkanigir mǝnana Ɓakuli turi ka. Kǝ ɓwa pà kàm nǝ̀ gandǝ pakki agir-ndǝlǝki mǝnana a pakkiyi ka ɗang, yi mǝnana ɓǝ̀ Ɓakuli pa ate raka.”

Yohana 3:26

Sǝ alaggana mala Yohana yiu abani à yì ne wi ama, “Rabbi, ɓalǝo kasǝa arǝ ɓwa mǝnana wu nda wunǝi a nkaring Nggeasala Jodan, yì mǝnana a bangga sǝm cau amuri ka? Nda kǝ̀ pakki aɓwana batisǝma ka, sǝ aɓwana pwanǝna rǝia kat aban ká abani.”

Yohana 4:31

Anggo ka, alaggana mala Yesu zǝmbǝi wi ama, “Rabbi, yiu li girlina.”

Yohana 6:25

Lang à yì kumǝni a ɓe nkaring garang ngga, à ɗi ama, “Rabbi, a ya pwari sǝ a yiu kani?”

Amǝ Mishan 10:21

Pǝlǝa Bitǝrus sulǝo kya kumia, sǝ nea wia ama, “Mǝ nda ɓwa mǝnana wu sǝnggiyi banì ka. Mana yiu nǝ wun ɗe?”

Amǝ Mishan 10:29

Nda gir mǝnana tsǝa, sǝ lang à turban atam ngga, ǝn yiu, ǝn ɓinǝ ɗang. Ado ka wu banggam, mana nda ɓa turban atam?”