Yohana 1:33 - Maləmce Məfele mala Ɓakuli: Kurcau Məbəshe

³³ Ɓǝ́ pà mǝ nǝ surǝì ɗang, ɓǝ̀ Ɓakuli mǝnana tasǝam ama ɓǝn yi pakki aɓwana batisǝma nǝ múr ka na nam raka. Nam ama, ‘Ɓwa mǝnana a sǝni Bangŋo mem sulǝo yi do amuri ka, nda ɓwa mǝnana nǝ̀ pakki aɓwana batisǝma nǝ Bangŋo Mǝfele ka.’

Yohana 1:33 ပူးပေါင်းရင်းမြစ်များ

Matiu 3:11

“Ən nggǝ pakka wun batisǝma nǝ mur mǝnana nǝ̀ lǝmndǝ ama wu nyingŋǝna acauɓikea ma'wun. Nǝ nzǝmo ka, ɓeɓwa na nǝ̀ ngga yiu mǝnana kutiam nǝ bangŋo ka, mǝnana yale nkura kusǝì ka ǝn kārǝa mǝ bwali a buam ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Luka 3:16

Pǝlǝa Yohana earia wia kat ama, “Ən nggǝ pakka wun batisǝma nǝ mur. Sǝ ɓeɓwa nakam kutiam nǝ gulo, nda nǝ̀ yiu ka. Anggur-nkura male ka, ǝn kārǝa mǝ nǝ panzǝia ɗang. Yì ka, nǝ̀ yia pakka wun batisǝma nǝ Bangŋo Mǝfele andǝ bǝsa.

Yohana 1:31

Nggearǝ mim ngga ǝn surǝì ɗiɗyal ɗang, sǝ tǝr yiu mem mǝnana ǝn nggǝ pakki aɓwana batisǝma nǝ mur ka nda ace mǝnana ɓǝa lǝmndǝì amǝ Isǝrayila rǝì ka.”

Yohana 14:26

Sǝ Mǝ pa wun gbasha, yì Bangŋo Mǝfele, mǝnana Tárram nǝ̀ tasǝi aɓa lullǝam ngga, nǝ̀ yia kania wun agirbunda kat, sǝ nǝ̀ kasǝ ɓalǝ wun arǝ agir mǝnana kat, ǝn bangga wun ngga.

Yohana 3:34

Ɓwa mǝnana Ɓakuli turi ka, kǝ na gì Ɓakuli, acemǝnana Ɓakuli soapi wi Bangŋo male pupup.

Yohana 3:5

Yesu ne wi ama, “Mǝ nda ban no mǝsǝcau, kǝɓwa pà nǝ̀ kuti aɓa domurǝm mala Ɓakuli ɗang, she ɓǝà ɓǝlǝni nǝ mur andǝ Bangŋo mala Ɓakuli ka.

Yohana 7:39

Yesu naban na cau amur kǝ Bangŋo mǝnana aɓwana mana à pà ɓamuria abani ka, à nǝ̀ ngga kum ngga. Sǝ a pwari mǝno gbal anggo ka à malaká pà Bangŋo ni ɗang, acemǝnana Yesu malaká loapi ɓembe kutia aɓa gulo male peatu raka.

Amǝ Mishan 1:5

Yohana ka pakki aɓwana batisǝma nǝ múr, sǝ banì pà nǝ̀ sau ɗang aɓalǝ anonggeo bǝti ka, à nǝ̀ pakka wun batisǝma nǝ Bangŋo Mǝfele.

Amǝ Mishan 2:4

Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

1 Amǝ Korinti 12:13

Sǝm kat ka, à pakka sǝm batisǝma nǝ Bangŋo mǝ'mwashati ɓǝ̀ sǝm duk nggūrǝu mwashat, amǝ Yahudi andǝ aɓwana mǝnana amǝ Yahudi na raka, aguro sǝ aɓwana mǝnana aguro na raka. Sǝ sǝm kat ka, à tsǝa sǝm nu aɓa Bangŋo mǝ'mwashati.