Yohana 1:31 - Maləmce Məfele mala Ɓakuli: Kurcau Məbəshe

³¹ Nggearǝ mim ngga ǝn surǝì ɗiɗyal ɗang, sǝ tǝr yiu mem mǝnana ǝn nggǝ pakki aɓwana batisǝma nǝ mur ka nda ace mǝnana ɓǝa lǝmndǝì amǝ Isǝrayila rǝì ka.”

Yohana 1:31 ပူးပေါင်းရင်းမြစ်များ

Matiu 3:13

Aɓalǝ anonggeo mǝno ka, Yesu pur a Galili sǝ yiu a Nggeasala Jodan ace mǝnana Yohana ɓǝ̀ yi pakki wi batisǝma ka.

Matiu 3:6

À bang acauɓikea malea, sǝ pakkia wia batisǝma a Nggeasala Jodan.

Luka 1:17

Nǝ̀ aki Mǝtalabangŋo dǝmbǝa, nǝ̀ pak turo aɓa bangŋo andǝ rǝcandǝa, ulang mala Iliya mǝɓangna mala Ɓakuli. Nǝ̀ yinǝ dotarǝu mala atárru andǝ amunia. Nǝ̀ nyesǝ amǝ'mgbikiru ɓǝa kum sǝlǝe mala amǝ ɓealɓoarna, ace tsǝk aɓwana ɓǝa gilǝki rǝia ace yiu mala Mǝtalabangŋo.

Yohana 1:30

Mǝnia ka nda ɓwa mǝnana ǝn na ce ama, ‘Ɓe ɓwa na kǝ yiu a tam ngga. Yì ka, kutiam nǝ gulo, acemǝnana yì ka, ndakam ɗiɗyal sǝ à yì ɓǝlam.’

Yohana 1:32

Pǝlǝa Yohana bang gir mǝnana surǝì amuri ka ani: “Ən sǝn Bangŋo mala Ɓakuli kǝla kutu, sulǝ nǝ kuli yi do amuri.

Yohana 1:33

Ɓǝ́ pà mǝ nǝ surǝì ɗang, ɓǝ̀ Ɓakuli mǝnana tasǝam ama ɓǝn yi pakki aɓwana batisǝma nǝ múr ka na nam raka. Nam ama, ‘Ɓwa mǝnana a sǝni Bangŋo mem sulǝo yi do amuri ka, nda ɓwa mǝnana nǝ̀ pakki aɓwana batisǝma nǝ Bangŋo Mǝfele ka.’

Yohana 1:7

Yiu yi ne ɓwapǝndǝa cau amur mǝnia yì tǎlaban ngga, ace mǝnana ɓǝ̀ ɓwapǝndǝa kat ok mǝnia yì cau ka, ɓǝ̀ é.

Amǝ Mishan 19:4

Pǝlǝa Bulǝs banggia wia ama, “Batisǝma mǝnana Yohana pak ka nda ace aɓwana mana à pwanzali, à nying acauɓikea malea ka. Sǝ ne amǝ Isǝrayila ama ɓǝa paɓamuria aban ɓwa mǝnana kǝ yiu a nzǝmi ka, mǝnana à tunǝki ama, Yesu ka.”