Yohana 1:21 - Maləmce Məfele mala Ɓakuli: Kurcau Məbəshe

²¹ À ɗi ama, “Sǝ we ka a nda yana? A nda Iliya le?” Yohana earia wia ama, “Awo, mǝ nda yì ɗang.” Sǝ à ɗi ama, “A nda mǝɓangna mala Ɓakuli mǝnana sǝm nggǝ kundǝmuri ka le?” Earia wia ama, “Awo.”

Yohana 1:21 ပူးပေါင်းရင်းမြစ်များ

Matiu 11:14

Sǝ ɓǝ̀ wu nǝ̀ eare wu nǝ̀ ak cau mǝnia ka, Yohana ka nda Iliya mǝnana à bangŋa ama nǝ̀ yiu ka.

Matiu 16:14

Sǝ à pa eare ama, “Aɓea aɓwana kǝ na ama a nda Yohana Mǝbatisǝma; aɓea ka à kǝ na ama, Iliya; sǝ aɓea gbal ka ama Irmya ko mwashat aɓalǝ amǝ'ɓangna mala Ɓakuli.”

Matiu 21:11

Aɓwabunda ear ama, “Mǝnia ka Yesu na, Mǝɓangna mala Ɓakuli mǝnana pur a Nazarat, a bu-nzali Galili ka.”

Luka 1:17

Nǝ̀ aki Mǝtalabangŋo dǝmbǝa, nǝ̀ pak turo aɓa bangŋo andǝ rǝcandǝa, ulang mala Iliya mǝɓangna mala Ɓakuli. Nǝ̀ yinǝ dotarǝu mala atárru andǝ amunia. Nǝ̀ nyesǝ amǝ'mgbikiru ɓǝa kum sǝlǝe mala amǝ ɓealɓoarna, ace tsǝk aɓwana ɓǝa gilǝki rǝia ace yiu mala Mǝtalabangŋo.

Yohana 1:22

A masǝlǝate ka à ɗi ama, “Na sǝm cau mǝnana ɓǝ̀ sǝm nyesǝi aɓwana mǝnana à tur sǝm ngga. A kǝ twali ɓamuro ama a nda yana?”

Yohana 1:25

à ɗi Yohana ama, “Sǝ ɓǝ̀ a nda Kǝrǝsti, ko Iliya, ko mǝno yì mǝɓangna mala Ɓakuli raka, palang sǝ a kǝ pakki aɓwana batisǝma?”

Yohana 6:14

Lang aɓwana mǝno nǝ sǝn gir'gyambǝliban mǝnana Yesu pe ka, à na ama, “Mǝsǝcau, mǝnia yì ɓwa ka nda mǝɓangna mala Ɓakuli mǝnana sǝm kundǝkiyi yiu male a ɓanza ka!”

Yohana 7:40

Lang à nǝ̀ ok cau mǝnana Yesu na ka, aɓea ɓwana na ama, “Mǝsǝcau na, mǝnia yì ɓwa ka nda Mǝɓangna mala Ɓakuli mǝnana sǝm kundǝkiyi ka.”