Yohana 1:17 - Maləmce Məfele mala Ɓakuli: Kurcau Məbəshe

¹⁷ Ɓakuli pa sǝm Nggurcau nǝ bu Musa, sǝ nǝ bu Yesu Kǝrǝsti sǝ pa sǝm ɓwamuru andǝ mǝsǝcau.

Yohana 1:17 ပူးပေါင်းရင်းမြစ်များ

Yohana 1:14

Mǝnia yì Cau ka yi duk ɓwamǝpǝnde, sǝ yi duk zuku aɓalǝ sǝm. Sǝm sǝna gulo male, gulo mala kǝ̀ Muna mwashat ɓǝrɓǝr, mana pur nǝban Tarrí Ɓakuli ka, lumsǝo nǝ ɓwamuru andǝ mǝsǝcau.

Yohana 14:6

Yesu eari wi ama, “Mǝ nda njargula, Mǝ nda mǝsǝcau, sǝ Mǝ nda yilǝmu; kǝɓwa pà nǝ̀ ká aban Ɓakuli Tarrû ɗang she nǝ banam.

Yohana 18:37

Bilatus pǝlǝa ne Yesu ama, “Ashe a nda murǝm!” Yesu eari wi ama, “A bangŋa ama mǝ nda murǝm. Ace kǝ mani sǝ à ɓǝlam, sǝ yiu mem a ɓanza ka nda ace na mǝsǝcau, sǝ ɓwa mǝnana kat kǝ camata mǝsǝcau ka, kǝ kwaki kiri kǝ ok giem.”

Yohana 5:45

Wu kǝa sǝni kǝla mǝ nda ɓwa mǝnana nǝ̀ oasǝkimur wun aban Tárram ka ɗang. Musa mǝnana wu tsǝkɓalǝ wun a rǝì ka, nda kǝ ɓwa mǝnana nǝ̀ oasǝki mur wun ngga.

Yohana 7:19

Musa nǝ̀ pa wun Nggurcau re? Sǝ kǝɓwa ata wun kpate ɗang. Ace mana sǝ wu kǝ earce ama wu nǝ̀ wal-luem?

Yohana 8:32

Sǝ wu nǝ̀ surǝ mǝsǝcau, sǝ mǝsǝcau ka nǝ̀ panzǝki wun.”

Yohana 9:29

Sǝm sǝlǝna ama, Ɓakuli na cau nǝ Musa, sǝ mala ɓwabura mǝno ka, yale sǝm surǝ ban mǝnana pur kam ngga ɗang!”

Amǝ Mishan 28:23

Pǝlǝa à tsǝk pwari mǝnana à nǝ̀ yia dum nǝi andǝa Bulǝs ka. Aɓwana pas yiu a pwari mǝno aban mǝnana Bulǝs duk kam ngga. Twal a dǝmbari yi bwal a pwarikpǝra, Bulǝs bǝlia wia ɓa cau male amur Domurǝm mala Ɓakuli. Bulǝs ɓariki nǝ̀ cia ɓǝa paɓamuria aban Yesu, nǝ̀ nun ɗenyicau malea arǝ acau mǝnana Nggurcau Mala Musa andǝ agir mǝnana amǝ'ɓangna mala Ɓakuli gilǝ ka.

Amǝ Mishan 7:38

Yì Musa ka, nda ata amǝ Isǝrayila aban rambǝa a njarnza; ndakam akano ata aká sǝm a tarǝia andǝ mǝturonjar mala Ɓakuli mǝnana na cau nǝi a Nkono Saina, sǝ ak acau mǝpà yilǝmuì, ace yinǝia aban sǝm.

Amǝ Roma 6:14

Cauɓikea ka pà nǝ̀ duk gbani amur wun ɗang, acemǝnana wu pa ɗǝm aɓata Nggurcau ɗang, wu nda aɓata ɓwamuru mala Ɓakuli.

2 Amǝ Korinti 1:20

Acemǝnana apacau mala Ɓakuli kat ka à lumsǝna aɓa Kǝrǝsti nǝ eare ama “E.” Nda gir mǝnana tsǝa sǝ nǝ ban Yesu Kǝrǝsti sǝ sǝm nggǝ na ama, “Ɓǝ̀ do anggo” ace gusǝlǝ Ɓakuli ka.

Amǝ Galati 3:17

Mǝnia ka nda gir mǝnana ǝn nggǝ earce ne ka: Ɓakuli kurcau aban Ibǝrayim, sǝ bangŋǝna ama cau male ka nǝ̀ lumsǝì. Nggurcau mǝnana Ɓakuli yi pa, nǝ bu Musa a nzǝm mana apǝlǝa gbǝman ine nǝ lumi-tārú (430) kutikina ka, pà nǝ̀ kasǝ mǝno yì kurcau, sǝ nǝ̀ nyesǝ pacau mala Ɓakuli ɓǝ̀ duk ɓà ka ɗang.

Amǝ Ibǝru 9:22

Mǝsǝcau ka, nggurcau earce ama bangula agir kat ka, ɓǝa lea nǝ ɗarǝban nǝ nkila; sǝ ɓǝ̀ ɗarǝban nǝ nkila pà kàm raka, twalban cauɓikea pa kàm ɗang.